*&^ رابطه ملاك الرنج روفر - دسكفري - دفـنـدر - فـريـلانـدر ^&*

[AL_3NZI]

وعقبال الصفحه المليوووووووون باذن الله

[الراتبين]

جزيت خيرا وشكرا لكن الا توجد ماركات شركات اخرى غير الأنجليزي

[AL_3NZI]

عزيزي انا اقول لك شركة لاندروفر الان سيارتها صناعه انجليزيه بالكامل من ماكينه وقير وكهرباء
اول تلقى الماكينه بي ام او تحت تطوير فورد
بالنسبه للقطع يركب له قطع رنج سبورت اصليه او انجليزيه واكيد تلقى صيني وتايوان لكن مضروب ولا احد يجيبه وماينفع

[رنج فوج92]

أن شاءا لله الاخوان ماقصرو وانت شيك وعلمنا وش يصير معك

جزاك الله خير شباب الرابطة شيكت على الموتر بنفسي دخلت فية رملة ولاحظت وجود صوت في الجامبيلات الامامية وهي السبب الوحيد الي يخليها تهتز بعد سرعة 100
سيتم تبديلها هذا الاسبوع وارتاح منها

[الراتبين]

عزيزي انا اقول لك شركة لاندروفر الان سيارتها صناعه انجليزيه بالكامل من ماكينه وقير وكهرباء
اول تلقى الماكينه بي ام او تحت تطوير فورد
بالنسبه للقطع يركب له قطع رنج سبورت اصليه او انجليزيه واكيد تلقى صيني وتايوان لكن مضروب ولا احد يجيبه وماينفع

شكرا واتفق معك بخصوص الاساسيات اما الإكسسوارات فكله "بلاستك في قالب" سواء صيني او انجليزي

[AL_3NZI]

اكيد القطع الاستهلاكيه وحتى بعض الاكسسوارت لو تلاحظ من الداخل نفس السبورت

[ثلاث بيالتين]

السلام عليكم ورحمة الله وبركاته

عندي استفسارين الله لايهينكم

طبعا السياره رنج روفر 2004
الاول

البطاريه
البطاريه عندي زينه بس ودي اغيرها من الحين تعرفون الشتا والمكاشيت جايه واحب اخذ احتياطي خصوصا بالبطاريه
وش افضل بطاريه وافضل امبيرات

الشي الثاني
الزيت
وش افضل زيت
وكل كم المفروض يغير الزيت
لان فيه ناس قالو 5 الاف
وناس قالو 10 الاف
وناس وصلو 15 وقالو الرنج عادي؟؟

وبحكم خبرتكم ما استغني عن شوركم وارائكم
مع العلم اني استفدت كثيييير من هالموضوع بفضل الاخوان امباله والعنزي والجميع بدون قصور
رش افضل بطاريه

[AL_3NZI]

عزيزي البطاريه شيكها عند محل بطاريات واذا تعبي وامبيرها قوي لا تغيرها
بالنسبه للامبير موجود بكاتلوج السياره وعلى البطاريه اللي راكبه بسيارتك الان
الزيت عندك فوكس سوبر جي تي ممتاز ويمشيك لو تبي 10000 كم وانا مجربه لكن خلك على5000 وشيك واذا لونه ولزوجته اوكيه راح يمشي الى 7000 وشيكه واذا اوكيه راح يمشي 10000 لكن انت من باب الاحتياط من تشوف لزوجته تخف غيره وانت تدري ماكينة الرنج تشليح ب 15000 ربال
زيت الوكاله يمشي 14000 كم لكن اللتر من 35 الى 40 ريال

[امباله]

السلام عليكم ورحمة الله ووبركاته

ياهلا ومرحبا

ياشباب عندي سؤال بخصوص الرنج روفر 98

هل فيه نظام امان في البريك انه اذا انتهت الاقمشات او شارفت على النهايه
يفصل البريك يعني يطفيه
او تولع لمبة الهاند بريك
كحمايه للهوبات عشان ماتخرب
ياشباب لاحد يقولي رح افحص كمبيوتر لانه مايوجد عندنا فحص كمبيوتر خاص في الرنج والكمبيوتر العادي مايطلع شي
والسلام عليكم ورحمة الله وبركاته

[AL_3NZI]

اكيد له لمبة تولع اذا بقى فيه اقل من 20%

[ثلاث بيالتين]

الله يعطيك العافيه يالعنزي وبيض الله وجهك

يعني افهم ان زيت الوكاله يفرق بس برضو السعر يفرق
ولو حسبناها يمكن حسابيا مقارنة بين الزيوت نلقى زيت الوكاله افضل كمدة زمنية وممشى
والله يعطيك العافيه

اما البطارية ما شفت منها شي
ورحت اشيكها عند محل بطاريات متخصص قبل يومين وقروشني اللي يفحص
اول ما فحصها راح وطلع لي اي سي ديلكو وقال اركبها لك
قلت خير انا قايل لك افحص البطارية بس والموتر شغال ما فيه شي
قال اجل شيك على الدينمو << حسيت انه لحس مخي
وبرضو حسيت انه من جنبها
تعرفون الجماعة اللي مسيطرين على البطاريات با .. وطقتهم

هذا اللي خلاني ما اثق حتى بفحصه

لان مره تمنكحت في البر ولا حولي احد ومعي 3 بموتر واحد
البطارية قالت هذا مكاني
وبينا وبين الخط 30 كيلو
ومواعيدين لنا جماعه بيجونا
والمارية اللاسلكي ..
واللاسلكي .. لازم بطارية
وما فيه بطارية احتياطية

بس الحمد لله الربع وصلو بعد يوم .. وحنا عزبتنا واغراضنا معنا تكفينا 10 ايام ..
بس كان الموقف شوي خلاني لي اقبل الشتا اشيك على البطاريه .

[امباله]

الله يعطيك العافيه يالعنزي وبيض الله وجهك

يعني افهم ان زيت الوكاله يفرق بس برضو السعر يفرق
ولو حسبناها يمكن حسابيا مقارنة بين الزيوت نلقى زيت الوكاله افضل كمدة زمنية وممشى
والله يعطيك العافيه

اما البطارية ما شفت منها شي
ورحت اشيكها عند محل بطاريات متخصص قبل يومين وقروشني اللي يفحص
اول ما فحصها راح وطلع لي اي سي ديلكو وقال اركبها لك
قلت خير انا قايل لك افحص البطارية بس والموتر شغال ما فيه شي
قال اجل شيك على الدينمو << حسيت انه لحس مخي
وبرضو حسيت انه من جنبها
تعرفون الجماعة اللي مسيطرين على البطاريات با .. وطقتهم

هذا اللي خلاني ما اثق حتى بفحصه

لان مره تمنكحت في البر ولا حولي احد ومعي 3 بموتر واحد
البطارية قالت هذا مكاني
وبينا وبين الخط 30 كيلو
ومواعيدين لنا جماعه بيجونا
والمارية اللاسلكي ..
واللاسلكي .. لازم بطارية
وما فيه بطارية احتياطية

بس الحمد لله الربع وصلو بعد يوم .. وحنا عزبتنا واغراضنا معنا تكفينا 10 ايام ..
بس كان الموقف شوي خلاني لي اقبل الشتا اشيك على البطاريه .

الحمدالله انها ان الله فرجها عليكم

مادام كيذا اجل يصلح لك الجهاز هذا
http://www.mekshat.com/vb/showthread.php?t=434534

واذا مافتح الرابط تلقاه في خيمة البي الشراء (الالكسسورات والاجهزه )
اسم الموضوع
(تبي تسافر تبي تطلع للبر لزوم يصير هلجهاز معك اكثر من ميزة بجهاز واحد تفضل وشف )
موجود عند اخوي جهاز مثل طريقة عمله بس يختلف شكله
بس الصراحه المفروض يكون بكل سياره

[امباله]

اكيد له لمبة تولع اذا بقى فيه اقل من 20%

هلابك أخوي العنزي ماشاء الله عليك
دائما سباق في تقديم المساعده

طيب ابي البريك يفصل لانه انا عندي الطرمبة حق البريك ماتشتغل والسبب ان سلك الكمبيوتر مايوصل كهرب يعني طافي من الكمبيوتر

ولا بس المبه تولع

[AL_3NZI]

ان البيرك يفصل ما ادري عنها
لكن اكيد ماراح يفصل لانه لو فصل ماراح توقف السياره وهذي غير امن وشركة مثل لاندروفر مستحيل تسوي نظام يفصل اذا القماش شارف على الانتهاء لكن يعطيك انذار والتغيير تحت مسؤليتك لكن تاكد اذا ماغيرته راح يضر طرمبة البريك لانها راح تشتغل مده اطول على شان يمسك البريك والقماشات شبه منتهيه

[رويشم]

السلام عليكم كيف الحل يا شباب
بوعنين كيف حالك وكيف امورك إن شاء الله بخير
عندي استفسار الله لا يهينك عندي الرنج مديل 1994
مراوح التبريد كانت تشتغل زي الحلاوة بعدين فجاه طفت ما تشتغل والمكيف يشتغل انا اعرف انه فيوز لاكن السؤال وين مكان الفيوز حق المراوح هل هو داخل السيارة او في الكبوة وكم رقمه الفيوز
وشكرا ودمتم سالمين