*&^ رابطه ملاك الرنج روفر - دسكفري - دفـنـدر - فـريـلانـدر ^&*

[A L T A M I M I]

يا إخوان إذا ما أفدتونن من يبي يفيدن ؟

سألت سؤالين ولحد رد علي ..!!!

[البوعينين99]

اولا نشكرك علي الرد السريع وطول باللك علينا الله يجزيك الف خير

ياابن عمي لايوجد طقه تذكر او قويه المشكله يوجد رجه قويه بالقير والبدي عند تعشيقه من D الي R حتي الركب يحس في الرجه

Vibration اما بنسبه اذا رفعت رجلي من البنزين مالاحضت اي رجه.

اسمحلي ولد العم مامرت علي رجه في القير من قبل ، لكن إذا الرجه ماتطول يمكن تكون بسبب الـtorque converter ، ماتنقل زيت بالشكل المطلوب وقت التعشيق ، والله اعلم .

يا إخوان إذا ما أفدتونن من يبي يفيدن ؟

سألت سؤالين ولحد رد علي ..!!!

والله يالتميمي انا مثلك انتظر الإجابه

[عبدالعزيز-1]

مامعي ديفندر ولا كان افدتك

[A L T A M I M I]

الله يعطيكم العافية وياليت ألقى اللي يفيدن

عندي مشكلة ثانية

به زيت ينوقط من العكس الخلفي - حتى بعد تغيير الصوف لازال مستمر

الغريب إني لاوقفت الموتر بشكل مايل يزود خروج الزيت ..!!

مكان الخروج :- عند التيلة

[سهيل 55]

ماكينة لbmwمن موديل 91 الى 95 الثمانيه سلندر ركبه وتجود في الدركسون

[سهيل 55]

سلام بالنسبه للرجه اذا تظهر والسياره واقفه مع تعس البنزين بشكل خفيف وسريع فهي من ترس الحذاف ام ان الترس مكسور ويكون كسره غير باين حول المسامير اولا يبغالك تروح مكنيكي وخله يشد مسامير الحذاف الى تركب في البراونه طبعا خلال دقايق ولا يفك قير ماعدا غطاء البراونه اذاكان موجود بدون تكاليف زايده 50 ريال تزيد تنقص شي بصيط طيب شدينا وماراح الجني ونغير الحذاف وبالنسبه للز$يت فهو زيت تروس الدفرنس الورشه ماغيرة الصوفه اوماركبوها صح ارجع عليهم وخله الله لايهينه يظبط شغله واذا اضطريت تفك العكس شيك على مكان الرمان هل ساير فيه تاكل اذاحصل تاكل وده المخرطه وخلهم يعبونه لحام صلب وليس مطاوع وركب وشوف ويش يسير معاك وعطني خبر

[عبدالعزيز-1]

التميمي اذا انت في الرياض

فيه ورشه وصفت موقعها في احد ردودي روح لهم وبيفيدونك في كل استفساراتك

[afnanfm]

سلام بالنسبه للرجه اذا تظهر والسياره واقفه مع تعس البنزين بشكل خفيف وسريع فهي من ترس الحذاف ام ان الترس مكسور ويكون كسره غير باين حول المسامير اولا يبغالك تروح مكنيكي وخله يشد مسامير الحذاف الى تركب في البراونه طبعا خلال دقايق ولا يفك قير ماعدا غطاء البراونه اذاكان موجود بدون تكاليف زايده 50 ريال تزيد تنقص شي بصيط طيب شدينا وماراح الجني ونغير الحذاف وبالنسبه للز$يت فهو زيت تروس الدفرنس الورشه ماغيرة الصوفه اوماركبوها صح ارجع عليهم وخله الله لايهينه يظبط شغله واذا اضطريت تفك العكس شيك على مكان الرمان هل ساير فيه تاكل اذاحصل تاكل وده المخرطه وخلهم يعبونه لحام صلب وليس مطاوع وركب وشوف ويش يسير معاك وعطني خبر

شكرا للك استاذ سهيل علي الرد والمعلومات القيمه واناكلمت ورشه القاضي بالشرقيه وقال جب الموتر ونفحصه بالكمبيوتر ب500 ريالا والفحص العادي 200 ريالا.

[TNT 11]

السلام عليكم :
انا كنت من ملاك الرنج 88 و97واحب ان افيدكم اذاكان هناك من يحتاج الافاده .......... ورشة التوازن
هناك ورشه متخصصه بالسيارات: الديسكفري . الرنج بانواعه . الروزرايز . الجاكور . البنتلي. العماله فلبينيه مهره. ( يعني انا ما اشتغلت الا عندهم وماشاء الله ) .
الوصف: الصناعيه القديمه. مخرج 17 بعد ما تلف يمين وانت جاي من شمال الدائري احسب اول اشارتين (مع بعض) ثم اشاره ثم نفق ثم الاشاره الاولى ثم الثانيه ثم الثالثه يوتير (ديور) ثم من بعد بنك البلاد يمين ثم ابتل الين يجيك تقاطع كبير ثم ابتل بعده احسب 80 متر(وش عنده دقيق) تلقاه على اليسار( اللوحه ماهيب واضحه قديمه ).والله من القعط
لهم في المهنه اكثر من 25 سنه

[afnanfm]

السلام عليكم :
انا كنت من ملاك الرنج 88 و97واحب ان افيدكم اذاكان هناك من يحتاج الافاده .......... ورشة التوازن
هناك ورشه متخصصه بالسيارات: الديسكفري . الرنج بانواعه . الروزرايز . الجاكور . البنتلي. العماله فلبينيه مهره. ( يعني انا ما اشتغلت الا عندهم وماشاء الله ) .
الوصف: الصناعيه القديمه. مخرج 17 بعد ما تلف يمين وانت جاي من شمال الدائري احسب اول اشارتين (مع بعض) ثم اشاره ثم نفق ثم الاشاره الاولى ثم الثانيه ثم الثالثه يوتير (ديور) ثم من بعد بنك البلاد يمين ثم ابتل الين يجيك تقاطع كبير ثم ابتل بعده احسب 80 متر(وش عنده دقيق) تلقاه على اليسار( اللوحه ماهيب واضحه قديمه ).والله من القعط
لهم في المهنه اكثر من 25 سنه

تنتي 11 شكرا على افاده الرواد بورشه متخصصه بالرنج والدسكفري ا الورشه حسب الوصف بمنطقه الرياض الوتكرم علينا وتعطينى رقم تلفون الورشه او الجوال حق المكنيكى

[سهيل 55]

يااخي وفر على نفسك فحص الكمبيوتر اذا مافيه لمبه تدل ان هناك تسجيل خطء عن طريق كمبيوتر السياره وممكن تصفر الكمبيوتر بنزع اصبع البطاريه السالب والسياره طافيه والمفتاح برا لمده 10دقايق ثم اعد الاصبع وشغل السياره اذا ولعة اللنبه والسياره واقفه فالخلل كهربائي واذا ولعة بعد التعشيق كذالك واذا ولعة بعد المشي فهذا عطل مكنيكي صحصح معاي ياباشه وخليك في الفحص العادي وانصح عدم التعامل مع الورش اللتى تدعي التخصص لن هناك مجال للتلاعب في تصريف قطع بدلت من سيارات وهي غير عطلانه هذا كلامي من واقع معاصره للصناعيه والورش بوجه عام(ميكنكي متعقد من الغش)واسف على الاطاله

[sulaiman.fj40]

lمرحبا اخوي البوعينين ولا يهونون بقية الاخوان في المنتدى.عندي دفندر 97 8 سرندل قير تماتيك.لاحظت ان عداد الكيلو بدا يؤشر ويطفي ويولع عدة ايام ثم بعدها طفا وانمسحت الارقام اللي في شاشة عداد الكيلو.طبعا فحصت الفيوزات والكتاوت والاسلاك وحساس الكيلو اللي في القير ولا لقيت اي دليل خراب.احتاج نصيحتكم بحكم الخبره لاهنتوا.

[TNT 11]

ابشر هذا هو جاك بيرني 0507726992
الورشه 014480842 بعض الاحيان مايردون من كثر الشغل

[A L T A M I M I]

الله لايهينكم - أبمرهم بإذن الله

[المتعطش للقنص]

الله يعطيكم الف الف عافيه
والله اني معجب كثيرا بطرحكم الرائع
وانا لي شهر تقريبا ناوي اشتري جيب وكان معشش في مخي الشيروكي ولكن بعد متابعة رابط الشيروكي
هونت لكثرة مشاكله وارتفاع الحراره وصريفة البنزين
سؤالي بالامانه كيف الحرارة ترتفع هل هناك مشاكل في الرنج مع الحراره
وكيف صرفية البنزين
علما انني اروح مناطق جبيلة وكمان ساحليه لغرض التنزة والقنص
نرجو من ابو العينين وعبدالعزيز وممن لهم خبره يفيدونا وشكرا مرة اخرى