*&^ رابطه ملاك الرنج روفر - دسكفري - دفـنـدر - فـريـلانـدر ^&*

[سراب 94]

السلام عليكم يا شباب الرنج

اخوي سراب 94 حياك الله وحيالله اهل الامارات
بنسبا للرنج الي عندك نفس مديل سيارتي 3.9 هذا شد بلدها المحرك اما الدفرنشات فصحيح تجي سنه ناعمه وانا خربت عندي الكرونه الامامي والخلفي وغيرت العكوس الاماميه يمين ويسار ولا غيرة الدفرنش لسبب لان السنه الناعمه اقل ازعاج من الخشن وانعم على الخطوط وبنسبه الى تركيب مراوح كهرباء بدل مروحة المكينه مايصلح يخرب عليك 1-الديمو2-ما تدفع هواء زي تماتك المروحه الاصلي
هذا الي حبيت اوصله لك يالغالي واي استفسار حاضرين

ما اتقصر يا الغالي

انزين شو الحل حق الدفريشن عشان ما ينكسر صراحتا عيبني الدبل الثجيل في الصعده
بس ما يصير كل صعده يكسر

ابا حل جذري

الحين شكل بغير الدفريشن الامامي وبحط ناعم

والموضوع الثاني توني رجعت من الكاراجات

كل واحد قالي راي وحد قال عادي ببدلك الدبل لدفلوك بدون تغيير القير

الثاني قال لازم قير ودفلوك

حصلت سعر قير عادي ودبل دفلوك ب 4500

شو الراي سعر حلو؟؟؟

اما سالفة المروحة

يمكن الدنمو بيخترب بس قصدك اي دنمو الشرج ولا دنمات المراوح

اما دفع الهوى صراحتا توب الحرارة ما ترتفع عندي الا بالنادر

بمراوح المكينه كانت ترتفع

بس شوف يوم جلعت المروحة

خف الحمل عن المكينه فالموتر صار فيه هبه

[AL_3NZI]

السلام عليكم
ابي اخذ رايكم بكم سيارة لاندروفر
1- رنج روفر من 1999 الى 2002 بمحرك بي ام دبليو
2- رنج روفر من 2003 الى 2005 بمحرك بي ام دبليو
3- ديسكفري 2 من 2003 الى 2004 واقل شي 2002
بالنسبه للقير بي ام ولا بس الماكينه
الديسكفري حسب ما اعرف انه ماكينة بي ام للموديل 2.5 توربو ديزل اما 4.0 بنزين هو بي ام ولا لاند روفر والقير بعد من اي شركه
حسب التجربه والخبره ايهم افضل للكرف بالبر ويتحمل ويصبر ابي بالتسلسل من الافضل الى الاقل اعتماديه
والله يعطيكم العافيه

[رويشم]

هلا اخوي سراب 94
بنسبا الى تغير القير مع الدبل ما يحتاج تغير القير اذا كان عدل القير سواء كا عادي او تماتك المهم تغير الدبل لان الدبل الموجود عل الموديل من 91الى 95 كلها تجي جنزير وسريعة الخراب ما تصلح انا كان على موتري نفس الدبل طبعا انا اشتغل في السيارة بنفسي وعرف عنها الموديل القديم معلوما ت من كثر الخرابات التي حصلتلي مع السيارة انا اقصد دينمو السيارة شف حبيبي انا زيك ركبت مراوح وصا الموتر خفيف بس تتوهق اذا خربت عليك في الطريق ورجعت المروحه الاصليه حقت السيارة وشلت كوع الحرارة وركبت رديتر جديد والحمد لله
على العموم اي استفسار انا حاضر على جوال 0555017798 بعد اذن الادارة

[سراب 94]

ما اتقصر رويشم

يعني رايك ابدل الدبل بس

عيل احتمال الدبل هو الي يكسر الدفريشن كل مرة

انزين واحد من الكاراجات على كلامه انه الدبل الدفلوك ما يركب على القير الي عندي

على كلامه القياسات غير

لازم قير ودبل

ومن رايك القير العادي وايد يفرق عن الاوتوماتك ؟؟؟

ولا نفس الشي

لقيت كاراج في عيمان اسمه الشبح عنده سكراب الرنج الجديم

وقال بركبلك الدبل دفلوك ب 1200

وببدلك الدفريشن ب 800

واذا قير عادي ودبل دفلوك بيسويلي اياه ب 4500

شو رايك بالاسعار وشو تنصحني

واذا اتعرف كاراجات دلني عليهم

لانه هالكاراج اول مرة اسيرله ما اعرف كيف شغله

[سراب 94]

اقنعتني بسالفة المروحة

[رويشم]

هلا اخوي سراب
انت من الامارات انا عندي قيرعادي حق رنج مديل 94 اذى تبي قيرما نختلف بسعر اما سعر القير والدبل غالي وايد ما يستاهل السعر الدفرنش سعره غويلي لاكن ماهي مشكله شلون الصوة الي عندك بتغير الدفرنش كامل ليه لا تستعجل قد تكون مجمع التروس ما عرف شتسمونها احن نسميها بطيخه قد تكون متكسر فيها تروس انا خربت معاي حق الدفرنش الامامي والخلفي تعرف ليش لان غير زيت الدفرنش ولا زته وهذا هو الغلط او نقص الزيت وعدم الاهتمام بنقص الزيت
اما سالفة المروحة
مكينة الرنج قويه ومحتاجه سحب هواء
2 نظام المراوح صحيح اخف للمحرك لاكن ثق تماما ان المصنع ما هو عاجز ان يسويها لو شافها انه من صالح المحرك
اتمنى تخبرني بالوقت الي تكون موجود فيه في المنتدى


نظيف مره وعندي دبل دف لوك

[سراب 94]

ترتيب

الدبل والقير خلهم على صوب ابا ابدلهم بس شوي الميزانية تعبانه

اما الدفريشن انكسر عندي قبل ووديته كاراج وبدل تروس داخله ومشا الحال بس صار في الدفريشن ونه يعني صوت مستمر صفير عالي

بعض الشباب نصحوني اني ابدل كامل احسن

يوم بدلت التروس خذ عني حوالي 550 سعر القطع

لانه الكاراج مال يدي ما اخذ شغل ايده

بس شغله ما عيبني

بس هالكاراج قالي الدفريشن كامل من داخل مع التركيب 800

واانا بحاول وياه

شو رايك ؟ كم يستاهل مع التركيب

بس القضيه الي مصدعة راسي

ليش من صعده وحده يكسر الدفريشن

صح اني احطه على الثجيل بس اخليه على الدي ونص ريس

الشباب كلهم عندهم رنج ونفس الشي بس ما يكسر عندهم

هل قير الدبل خربان فيكسر الدفريشن ؟؟؟

ترا اخر مرة السكان صار ثجيل ماشي توازن

والله تواجدي مب دايم

يعني اخلص الجامعة الساعة 10 فالليل

الصبح اوقات مشغول واوقات فاضي

باجر بكون مشغول شوي

بس اظن بدخل قبل الظهر

انت في اي امارة يمكن نلتقي

[سراب 94]

كم سعر القير مع الدبل

والقير كامل مع الكلتش وكل قطعة
ولا بس قير

واتعرف كم التركيب
ووين

يمدحون جوى في الذيد

شو رايك

[قطر رنج روفر]

السلام عليكم ورحمة الله وبركاته ..

كيف الحال للجميع

معاكم اخوكم في الله ( قطر رنج روفر )

حبيت اشاركم هالموقع الصراحة بس عشان

حصلت فيه موضوع مخصص للرنج

انا من اللي يعشقون الرنج روفر

ومن الناس اللي يشترون الرنجات ( الكلاسيكي ) ..

وعموما الحديث يطول وان شاء الله حنا معاكم

____ واذا حد عنده استفسار عن اي شي في الرنج انا حاضر بعون الله

لكن قبل اي شي .. ما تخبرون لي رنج روفر للبيع .. 1995 ..

[رويشم]

حياك الله اخوي
انا طال عمرك من السعوديه من الاحساء
ما اختلف معاك على سعر القير او اي شيء تبيه
اما سعر الدفرنش فما يزيد عن 600 المفروض ولكن ما هي مشكله اذا كان نظيف ترى الدسكفري من مديل 1995 الى تقريبا 1998 نفس قطع غيار الرنج الميكانيكيه ولا بلط يفرق الى البدي الخارجي بس
حبيبي شوف الدبل الي عندك مايصلاح اسئل مجرب انا جربته وغيرة اربعه وما صلاحلي ولله الحمد الى يوم غيرة دف لوك ما شاء الله تبارك الرحمن وانصحك اخوي اذابتغير الدبل احسن وديم شيك على الزيت
ولزم تخف الكفرات الى 15 او 10 احسن للسياره في الرمل والدفرنشات تكون مرتاحه عندنا رنج مديل 89 والله نطارحبه الند كروزر في البر
على العموم غير دفرنش كامل على اساس يكون عمر القطع الداخليه واحد
واي استفسار حاظرين

[سراب 94]

ماشاء الله الاحساء

خخخخ عيل كنت بتصل بك بدون فتح خط السعودية

صح كلامك الدفريشن كامل احسن

وعن القير بعد الدفلوك كل الشباب ينصحوني فيه

اها تقريبا نفس الشي اذا سعر الدفريشن 600 هو قالي مع التركيب 800

وبكاسر وياه

وبشوف موضوع القير والدبل وبتواصل وياك

وما اتقصر

بس سؤال انت اكيد تطلع البر

في الصعدات القوية تستعمل الدبل الخفيف ولا الثجيل

واذا استعملت الثجيل وما دعست كامل يكسر وياك الدفريشن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[سراب 94]

سؤال وجيه

اذا انكسر الدفيشن

الموتر يمشي؟؟؟

لاني اسمع صوت من الدفريشن بس الموتر يمشي عادي 170

فهل انكسر ؟؟؟

[رويشم]

هلا اخوي سراب
شوف حبيبي يعتمد على الكفرات الي على موترك وانصحك في هانكوك او دانلوب نفس مقاس اللند كروزر وخلي هواها عل نفس القلتلك وحطه ثقيل وشوف شسوي معاك والله انه بطير اذاعزم موترك صاحي ياشيخ يعفر الرمل عفار واذى عزمت على القير
ما راح اقصر معاك

[سراب 94]

استعمل كوبر 70-285-16 اظن شذه
واخلي في التواير 18 او 15 واوقات 10
هو في الخفيف فنان

بس المشكله في الطلعات القوية الي بارتفاع 20 متر وعلى طول 300 متر
والارض متكسرة من كثر الدوس

[سراب 94]

يعني انا قطعت البر كله بالخفيف وما قال اق

بس في الصعده تموت ما يحكر الار بي ام تحت 3

200 متر صاعد ويوقف بس حده

بالثجيل يطلع اسرع من الند كروزر بس بعد ما انزل اسمع صوت في الدفريشن خخخ