*&^ رابطه ملاك الرنج روفر - دسكفري - دفـنـدر - فـريـلانـدر ^&*

[سراب 94]

سؤال وجيه

اذا انكسر الدفيشن

الموتر يمشي؟؟؟

لاني اسمع صوت من الدفريشن بس الموتر يمشي عادي 170

فهل انكسر ؟؟؟

[رويشم]

هلا اخوي سراب
شوف حبيبي يعتمد على الكفرات الي على موترك وانصحك في هانكوك او دانلوب نفس مقاس اللند كروزر وخلي هواها عل نفس القلتلك وحطه ثقيل وشوف شسوي معاك والله انه بطير اذاعزم موترك صاحي ياشيخ يعفر الرمل عفار واذى عزمت على القير
ما راح اقصر معاك

[سراب 94]

استعمل كوبر 70-285-16 اظن شذه
واخلي في التواير 18 او 15 واوقات 10
هو في الخفيف فنان

بس المشكله في الطلعات القوية الي بارتفاع 20 متر وعلى طول 300 متر
والارض متكسرة من كثر الدوس

[سراب 94]

يعني انا قطعت البر كله بالخفيف وما قال اق

بس في الصعده تموت ما يحكر الار بي ام تحت 3

200 متر صاعد ويوقف بس حده

بالثجيل يطلع اسرع من الند كروزر بس بعد ما انزل اسمع صوت في الدفريشن خخخ

[ابو شاهين 999]

رويشم كيف حالك .. انا عطيت رقمك واحد من الشباب يدور على مكينه .

وابي أسألك انا موتري ياخذ مطب جامد من ورى يشيل فوق ويطيح بقوه ولمى شفت المساعدات من ورى لقيت فيهم تهريب زيت وناوي اغير مساعدات وش رايك اغير احط مساعدات انقليزي حق وكالته ولا عندك شي تنصحني فيه لأني راعي بر واكثر ما يهمني الراحه على البطناج .
وذا لك خبره انا موتري يفقع لمى ادوس على البنزيزن وهو بارد فقعه خفيفه .. وغير كذا يكتم شوي لمى ابدا ادوس على البنزين بعدين يصفي تهقى وزن فلوميتر .
نسيت اقولك موتري 93 ومكينته 3.9

[رويشم]

هلا اخوي بو شاهين
بنسبا الى المسا عدات انا غيرتها وركبتله غاز بس اقولك قسى الموتر شوي لكن سمت في التطمير ما يتمايع مثل قبل ولله اشوف انا ان الغاز احسن من الزيت
ما تخرب بسرعه
اما من ناحية التفقيع فشيك على طرنبة البانزين ومع فلتر البانزين ترى يسوي كذا احيانا

[رويشم]

اخوي سراب غير الدبل
الى دف لوك وشوف الفرق ولاتنسى تغير الدفرنش
اما القير اذاعدل خله واذا حاب تغير الى عادى فهذا يرجعلك انت لكن ما في مشكله اذاى غيرة الدبل على القير الموجود

[عين السيح 801]

السلام عليكم يا هل الرنجات و الدفندرات,خويكم عين السيح من الامارات ومن الشارقه تحديدا,لي غرام كبييير بالرنج روفر قديمه وجديده وتجاربي معه لاتعد ولاتحصى ومؤخرا شريت لاندروفر دفيندر90 اخر متعه سواقته,وحبيت اشترك بهذا المنتدى للافاده والاستفاده وتراني حاضر لكل استفساراتكم قد ما اقدر, والموسم قرب واذا في طلعت مكشات قريبه علموني من فضلكم وسلاااام

[سواح11]

السلام عليكم يا هل الرنجات و الدفندرات,خويكم عين السيح من الامارات ومن الشارقه تحديدا,لي غرام كبييير بالرنج روفر قديمه وجديده وتجاربي معه لاتعد ولاتحصى ومؤخرا شريت لاندروفر دفيندر90 اخر متعه سواقته,وحبيت اشترك بهذا المنتدى للافاده والاستفاده وتراني حاضر لكل استفساراتكم قد ما اقدر, والموسم قرب واذا في طلعت مكشات قريبه علموني من فضلكم وسلاااام

اهلا بك اخوي عين السيح
اخوك من عمان وعندي ديفيندر 90 عليه مكينة 4.2 ماشاء الله عليه بس عندي مشكلة ارتفاع الحرارة فأذا عندك حل الله لاهانك تنورنا كذلك حبيت اعرف المحلات الموجودة في الامارات الي تبيع قطع غيار وتزويدات للدفندر
مع خالص شكري

[عين السيح 801]

اهلا بك اخوي عين السيح
اخوك من عمان وعندي ديفيندر 90 عليه مكينة 4.2 ماشاء الله عليه بس عندي مشكلة ارتفاع الحرارة فأذا عندك حل الله لاهانك تنورنا كذلك حبيت اعرف المحلات الموجودة في الامارات الي تبيع قطع غيار وتزويدات للدفندر
مع خالص شكري

اهلا بالاخ سواح الديفيندر اللي عندك عليه مكينة رنج4.2 وارتفاع الحراره في الرنج اما من الراديتر او الواتربمب او من السيور او من مروحة التبريد وعندنا في الشارقه محلات تبيع قطع غيار اللاندروفر وهي نجوم الخليج و ديسكفري و الاهليه و النباعه وتقريبا كلهم قطع غيار انجليزيه بس مب وكاله وبالتوفيق وبالمناسبه يقولون لي ان قطع غيار الرنج الكلاسيك متوفر في عمان..صح؟

[سواح11]

اهلا بالاخ سواح الديفيندر اللي عندك عليه مكينة رنج4.2 وارتفاع الحراره في الرنج اما من الراديتر او الواتربمب او من السيور او من مروحة التبريد وعندنا في الشارقه محلات تبيع قطع غيار اللاندروفر وهي نجوم الخليج و ديسكفري و الاهليه و النباعه وتقريبا كلهم قطع غيار انجليزيه بس مب وكاله وبالتوفيق وبالمناسبه يقولون لي ان قطع غيار الرنج الكلاسيك متوفر في عمان..صح؟

تسلم اخي على الرد
بانسبه لقطع غيار الرنج والله ماعندي فكرة لكن عندنا عدد محدود من المحلات اللي تجيب قطع الغيار واغلبها من دبي والشارقة

[سراب 94]

تم رويشم

اركب دفلوك على قير اوتوماتك عادي

بيعطيني اداء ؟؟

[رويشم]

نفس الشئ اذا كا ن القير الي على موترك مظبوط ركب ولا تخاف لكن ولا يفرق عندك شيئ لكن اهم حاجه
ان تكون عصى الدبل الي بتركبه مع تحويلاته موجوده
لله يوفقك

[ابو شاهين 999]

مشكور اخوي رويشم على تجاوبك ...

سؤال ؟ هل مساعدات الغاز نوعيه وحده أو نوعيات تختلف وهل اللي ركبتهم على موترك شكلهم وحجمهم نفس شكل وحجم الاصلي .
لأني بشمال واخاف مالقى بالصناعية عندنا أو اني أوصي على مساعدات غاز ولمى تجي وماتركب واتوهق فيها ؟

بخصوص الفقعه اللي مع دعست البنزين والتكتيمة .... واحد من الشباب خبرة رنجات يقول يمكن توزين الديلكو .. ومريت مكانيكي رنجات يقول هذي توزين الفلوميتر والحقيقه ما صدقته خفت يلعب فيه

[رويشم]

حياك الله اخوي بو شا هين
المسا عدات انا شاريها من الدمام من محل بس عنده مساعدات وهذا النوعية تركب على الرنج وتقريبا سعرها الاربعه 390ريال
اما من نا حية التفقيع يمكن يسويها الطرمبه تاكد منها ويمكن الديلكو لاكن اقولك شيك على الطرمبه مع الفلتر ضروري

ترى الفلتر نفس فلتر الكابرس مديل 90 الى 93 يركب نفس الشئ