المشاركة الأصلية كتبت بواسطة 0شليويح0
اخوي البوعينين99
هذي صوره للقير ..عاد وشهو الله اعلم
وانا لقيت قير حق 97 من دون الدبل ب 2000ريال فهل يركب على اللي عندي علما ان مديله 85 وكيف سعره ماكنه غالي.
هذي صوره للماكينه ياليت تعلمنا عن نوعها
وهذا الميلح
يليت اذا فيه عندك كتب لصيانه الرنج تتحفنا بها لاني بهالسيارات غشيم ما اعرف عنها الا القليل جدا والله يعطيك العافيه
مرحبا أخوي 0شليويح0
بخصوص قير ال97 تركه عنك , أولا لأني مو متأكد إذا يركب على موترك أو لا وثانيا سعره خيالي ,, بدون دبل بـ2000 !!!
سعر قير مع الدبل لموترك المفروض مايكلفك أكثر من 1500 ريال,, وتركيبه المفروض مايكلف أكثر من 700ريال
وملاحظة بخصوص القير الي في موترك انا اشوف انك تفحص القير بعد ماتشغل المكينه قبل ما تشتري قير ثاني.
لاتشتري قير رنج من 96 وطالع لأن الموتر يختلف بشكل كامل عن موترك ، عليك بقير رنج من 95 وتحت أو قير أي دسكفري من 98 وتحت.
موترك موديل 85 والمفروض يكون عليه قير LT230 الي فيه دفلوك لأن الرنجات من 1988 وتحت عليهم هالقير .
الظاهر من وقفه عصى القير انه Borg Warner يعني بدون دفلوك لكن انت تأكد , حاول تحرك القير إذا يروح فوق وتحت بس فهو Borg Warner وإذا تقدر تحركه يمين+يسار+فوق+تحت بشكل مربع يعني LT230 .
المكينه 8سلندر رنج روفر 3.5 بس الله يعينك عليها الظاهر يبيلها شغل .
وأسمحلي يالغالي ماعندي كتب صيانه