*&^ رابطه ملاك الرنج روفر - دسكفري - دفـنـدر - فـريـلانـدر ^&*

[0شليويح0]

اخوي البوعينين99
هذي صوره للقير ..عاد وشهو الله اعلم
وانا لقيت قير حق 97 من دون الدبل ب 2000ريال فهل يركب على اللي عندي علما ان مديله 85 وكيف سعره ماكنه غالي.

هذي صوره للماكينه ياليت تعلمنا عن نوعها

وهذا الميلح

يليت اذا فيه عندك كتب لصيانه الرنج تتحفنا بها لاني بهالسيارات غشيم ما اعرف عنها الا القليل جدا والله يعطيك العافيه

[عبدالعزيز-1]

السلام عليكم


اهلاً بالجميع وتقبلوني عضو في هذه الرابطه نوع الرانج حقي Hse 2005 كحلي

اخواني حبيت استفسر عن احسن البطاريات وكم امبير هي تكون بعضهم قالو لي 100 .... وبعض الكهربائيه قالو 88 وين احصل البطاريه ...

ومشكلتي الثانيه صوت الفحمات غيرة ولانفع يرجع الصوت بالفحمات ابي الحل ربي يسلم الجميع ...


نورنا بخبرتكم .....

اخوي انا مااركب على الرنج حقي الا بطارية بي ام دبليو اكس فايف نفس بطارية الرنج وسعرها ارخص سعرها 600 ريال بس ركبها وانت متطمن.

بالنسبه لصوت الفحمات اذا كان دايم يطلع فانت والسياره ترج اذا ربطت فرامل معناها يلزمك خرط هوبات

[عبدالعزيز-1]

السلام عليكم ورحمة الله وبركاته

اخواني وش حل المساعدات الامامية دايم تتفقع والواحد ب5000 ريال

شفت واحد في الصناعية يقلبها يايات ب3000 مع شغل اليد الثنتين اللي قدام

ولكن مدري ماتنظمن الحركة هذي

الموتر موديل 2005 والمشكلة من 2002 الى 2005

اخوي سعر المساعدات الاماميه الواحد باربعه الاف ريال.

اما بالنسبه لتعديل النظام وتركيب اليايات فانا مركبها على سيارتي واموري ماشيه تمام وبتحصل في اول الموضوع رد لي على احد الاخوان يشرحلك الطريقه وموقع الورشه وبكذا بتفتك من مشاكل وغثا الهيدروليك وبتوفر على نفسك بصراحه.

[EL_3grab]

السلام عليكم ورحمة الله وبركاته

شو الأخبار شباب .. عساكم بخير

معاكم غانم من الإمارات .. صارلي فتره أدور على رنج باب واحد نظيف أو شبه نظيف .. إذا حد من الإخوان يدل واحد للبيع بجييه على طول وإن شاء الله ما نختلف ..

إيميلي EL_3grab@hotmail.com للتواصل السريع

والسموحه منكمـ

[EL_3grab]

ذيب الصحراى .. إذا لك نية تبيع .. ترانا حاضرين

[ذيب الصحراى]

ذيب الصحراى .. إذا لك نية تبيع .. ترانا حاضرين

يا هلا والله بأهل الامارات
خيرها بغيرها
الموتر مو للبيع

[EL_3grab]

يا هلا والله بأهل الامارات
خيرها بغيرها
الموتر مو للبيع

الله يخليلك إياها

سرت لبنان هالسنه وشفت بحدود الـ5 رنجات باب واحد ..

إذا مالنا نصيب بالخليج .. بنشوف لبنان

[EL_3grab]

وهاذي صور الرنج شاصي .. بدي ومكينة

عجييب

[aaag8006]

موتر طين ورمل وكل شي بس لا يقربك بالزفلت هذا رأي

[راعي الطويلة]

مبروك الرابطة

أملك ديفندر 110
سنة الصنع 1997
8 أسطوانات
مخزن (قاطع 41600 كيلو متر فقط )

اللي له نظر بالشراء ترون بياع

تقبلوا تحياتي

[سلطان الشرقي]

يا اخوان امسي عليكم الخير... و اهنيكم بالمطر العام ع المملكة... وبعودة سلطان الخير
انا شريت دسكفري باب واحد موديل 98 من واحد من البريطانيين عندي بالعمل... وهو على يده من الوكالة... ماشي 94000 يعني ما مشى ... السؤال هو يقول ما استخدم الدبل ابد من يوم شراه... هل اقدر استخدم الدبل بدو ما اشيكه وهل له زيت...ومن يقدر يشيكه بالشرقية... اقصد لو فيه ورش متخصصه افيدوني لا هنتوا تروني جديد على هالنوع من السيارات.. وسلامتكم..

[البوعينين99]

اخوي البوعينين99

هذي صوره للقير ..عاد وشهو الله اعلم
وانا لقيت قير حق 97 من دون الدبل ب 2000ريال فهل يركب على اللي عندي علما ان مديله 85 وكيف سعره ماكنه غالي.



هذي صوره للماكينه ياليت تعلمنا عن نوعها



وهذا الميلح




يليت اذا فيه عندك كتب لصيانه الرنج تتحفنا بها لاني بهالسيارات غشيم ما اعرف عنها الا القليل جدا والله يعطيك العافيه

مرحبا أخوي 0شليويح0
بخصوص قير ال97 تركه عنك , أولا لأني مو متأكد إذا يركب على موترك أو لا وثانيا سعره خيالي ,, بدون دبل بـ2000 !!!

سعر قير مع الدبل لموترك المفروض مايكلفك أكثر من 1500 ريال,, وتركيبه المفروض مايكلف أكثر من 700ريال

وملاحظة بخصوص القير الي في موترك انا اشوف انك تفحص القير بعد ماتشغل المكينه قبل ما تشتري قير ثاني.

لاتشتري قير رنج من 96 وطالع لأن الموتر يختلف بشكل كامل عن موترك ، عليك بقير رنج من 95 وتحت أو قير أي دسكفري من 98 وتحت.

موترك موديل 85 والمفروض يكون عليه قير LT230 الي فيه دفلوك لأن الرنجات من 1988 وتحت عليهم هالقير .

الظاهر من وقفه عصى القير انه Borg Warner يعني بدون دفلوك لكن انت تأكد , حاول تحرك القير إذا يروح فوق وتحت بس فهو Borg Warner وإذا تقدر تحركه يمين+يسار+فوق+تحت بشكل مربع يعني LT230 .

المكينه 8سلندر رنج روفر 3.5 بس الله يعينك عليها الظاهر يبيلها شغل .

وأسمحلي يالغالي ماعندي كتب صيانه

[البوعينين99]

هذا شكل الـLT230







وهذا الـBorg Warner

[البوعينين99]

اخوي ابو عيون

بودي اعرف هل فيه مكينه اقوى من 4.2اولا
واي مديل تنصحني فيه وهل يجي دفلك او لا لني قريت ردك وتقول قير دبل بصراحه مافهمت
لاني سامع من اول ات الرنج يجي دفلوك وهو الاول من الجيوب اللي فيه هالميزه
وان دبله مشبوك دايركة
واخر سوئل كم اسعارها من موديل 93الى 95
اسئلتي كثيره بس
تحملوني
ولا مني جزيل الشكر
ربي سهل اموره دقها وجلها

ومن قرئها

عندك مكينه الـ4.6 أقوى من الـ4.2
اما بالموديل الي أنصحك فيه هذا انا ماقدر احدده لان كل موديل له ميزاته وعيوبه , من 89 وتحت اقل رفاهيه وميزات وأقل تعقيد . موديل 90 وفوق تزيد الرفاهيه والتعقيدات مع حداثه الموديل .
إذا ودك تشتغل على رنج من الصفر ، أشتر اي رنج نظيف وركب عليه المكينه والقير الي يعجبونك.

اما الدفلك يعتمد على القير الي تبي تركبه أو الموتر الي تبي تاخذه , عندك الرنجات من 1988 وتحت يجونك دفلوك وكاله اما 89 وفوق انت تقدر تركب له .

وعلى فكره الدفلوك الي في الرنج ماهو دفلوك لكنه قفل مركزي .

والله أعلم


في هالصفحه تلقى معلومات زياده عن الرنجات:
http://www.rangerovers.net/rrspecs.htm

اما أسعار الـ94 والـ95 السموحه ماعندي علم .

[البوعينين99]

يا اخوان امسي عليكم الخير... و اهنيكم بالمطر العام ع المملكة... وبعودة سلطان الخير
انا شريت دسكفري باب واحد موديل 98 من واحد من البريطانيين عندي بالعمل... وهو على يده من الوكالة... ماشي 94000 يعني ما مشى ... السؤال هو يقول ما استخدم الدبل ابد من يوم شراه... هل اقدر استخدم الدبل بدو ما اشيكه وهل له زيت...ومن يقدر يشيكه بالشرقية... اقصد لو فيه ورش متخصصه افيدوني لا هنتوا تروني جديد على هالنوع من السيارات.. وسلامتكم..

يمسيك بالنور

الله يبارك لك فيه ويعطيك خيره ويكفيك شره

على حسب معلوماتي أن الدسكفري مثل الرنج روفر دفع رباعي مستمر يعني الدبل شغال على طول .
وزيته هو نفسه زيت القير. وبخصوص من يشيكه في الشرقيه الله اعلم ويفيدوك الشباب.