*&^ رابطه ملاك الرنج روفر - دسكفري - دفـنـدر - فـريـلانـدر ^&*

[االفيل]

للبيع سيارتين اربع ابواب دسكفري

الابيض موديل 96
شغل زي الحلوة
استمارة جديدة
فحص منتهي
القير والدبل نظيف والكفرات جديدة
بس الكبوت تعديل بسيط

الاخضر موديل 97
استمارة جديدة
فحص منتهي
واقف له فترة والقير نظيف والدبل نظيفو الانوار الامامية غير متوفرة
كان الراس مضروب وصلحت مرتين لكن المكانيكي ما يعرف له زين وما ضبط التركيب
لان لدسكفري يبله مكانكي خاص جميع قطع الراس جديدة

الاثنين للبيع بسعر مغري
14900
الابيض 10500
الاخضر4400
للصور ارسل رقم الجوال على الخاص وابشر بالصور
صالح السوداني
0546312319

[ياقلبك الخواف]

السلام عليكم

يا إخوان انا عندي دسكفري لاندروفر للبيع موديل 2004

اللي حاب يشوفة ويعرف تفاصيله يكلمني 0508696738

[محمد عوف]

السلام عليكم ورحمة الله وبركاتة
مساء الخير شباب
عندي رنج روفر موديل 95 كلاسك الشكل القديم فيه مشكله وانشاء الله تساعدوني في معرفت اسبابها
المشكله ان السيارة تطفي وانا امشي فجئه بدون سابق انذار ولا ترضى تشتغل الا لما ادعس دعست البانزين للاخر ولما تشتغل ما تقبل بنزين بعني تضل تشتغل عادي بس ما تقبل بنزين لما ادعس تضفي ع طول!!
غيرت طرمبة البانزين والفلتر بس نفس المشكله غيرت منظم الهواء ونفس الشي

اللي عنده حل لا يبخل علينا

تحياتي واسف ع الاطاله

يل حبيب روح غير سلك دعسة البنزين ووزنة زين

[محمد عوف]

يا جماعه السلام عليكم.
أنا عندي رنج روفر 2007 سوبر شارج 400 حصان. نظيف جداً ولله الحمد. بس في الأسبوعين الأخيرات لما أهدي احس القير وهو يرجع النمر اسمع صوت خفيف زي الطقه. خصوصا عند التهديه ولما يبدأ القير ينقل لنمر أثقل. وش ظنكم المشكله. تبديل القير تمام.

شيك علي الصليب يل حبيب وردلي خبر

[Descovery]

احلى سيارات والله انا عندي ديسكفري Fxi 93 بس الحمدلله ماعمري اشتكيت من اعطال والسيارة مره قويه في البر والحين ان شاءالله داخل فيها على مشروع حلو ابغير شكلها بالكامل نسخه لفريق كامل camel و حتى اخوي عنده ديسكفري 97 بصراحه سيارات مره حلوه بس محتاج خبراتكم في بعض القطع زي الصدام الحديد والسله اللي فوق مدري وين القاها

[بـــ نجد ـــرق]

السلام عليكم

يالربع وش رايكم في الدسكفري من ناحية الحرارة والمكده ؟

مع العلم ان استخدامي اكثره بر وخطوط وانا فكرت فيه لانه في خاطري اغير ودي اجرب غيرر اللاند كروزر والباترول

ووش الموديلات اللي تنصحون فيها ومشاكلها قليله ؟ وانا ميزانيتي بقيمة سيارتي باترول ٩٩

[ثلاث بيالتين]

السلام عليكم يا شباب
كيف الجميع

عندي مشكله
رنج روفر 2004
الدقمه حقة السلف تصلب
ما تتحرك ابد
الا لما اشيل اصبع البطاريه وارجعه
يرجع يشتغل
ثم ترجع نفس المشكله
وع هالحال لي اسبوع

احد عنده حل للمشكله يفيدنا

[ajbjab]

اخواني اهنيكم على الرابطه وصراحتا السيارات دي معروفه من زمان بالصلابه وتحمل الطرق الوعره
انا توي شريت رانج موديل 2000 بس شايف انو تسارعو ثقيل ابغى اعرف هل الشي دا يعطلو في صعود الجبال وكيف السياره في الطعوس والاراضي الوعره

[مرسال1]

السلام عليكم

اخواني

ودي اعرف وش الفرق بين الرنج روفر السعودي ووارد امريكا ؟؟

هل يفرق بالمواصفات ؟ طبعا ٢٠٠٨

وش تنصحون بأي نوع من الرنج ؟ HSE او HST ؟

وشكرا

[ضيف الله سعد]

السلام عليكم ورحمة الله وبركاته

يسعدني الانضمام لرابطة ملاك اللاندروفر ... انامن احد ملاك اللاندروفر منذ اكثر من عشرين سنه وقد استخدمت اكثر من 3 سيارات ديسكفري واعتقد ان لدي خبره كبيره بهذه السياره ولكن تفاجئت هذه الايام بارتفاع بالحراره خصوصاً بالمشاوير الطويله والازدحام والطلوع وقمت بتنظيف الرديتر وتغير بالف الحراره
وغطا القربه مرتين وتغير المروحه الرئيسيه وكذلك طرمبة المويه وبعد التوقف واطفاء المحرك يرجع الماء عن طريق القربه وتبقى مراوح التبريد شغاله لمده لاتقل عن ربع ساعه
علماَ ان امبير الحراره لايتعدا الثلث (وكذلك جربت السياره بدون بالف حراره).

نرجو من اصحاب الخبره الفائده.

[مرسال1]

ننتظر احد يجاوبنا

[رنج كلاسيك]

طلبتكم ساعدوني

عندي رنج 1992 فوج مشكلة انة يبند ( يطفي ) فجئه لاكن لما ارد أشغلة يشتغل على طول اذا حد يعرف له لا يبخل علي انتظركممممممممممممممممم

[ajbjab]

اخواني اهنيكم على الرابطه وصراحتا السيارات دي معروفه من زمان بالصلابه وتحمل الطرق الوعره
انا توي شريت رانج موديل 2000 بس شايف انو تسارعو ثقيل ابغى اعرف هل الشي دا يعطلو في صعود الجبال وكيف السياره في الطعوس والاراضي الوعره

اخوني محد رد عليا ايش السالفه

[ناوي خير]

السلام عليكم ورحمة الله وبركاته

يا اخ ضيف الله سعد والكلام للجميع هناك مشكله في عداد الحرارة للديسكفري (كاذب)لازم تركب عداد حرارة خارجي يقعد عداد الحرارة ثابت على الثلث زى ماقال ضيف الله سعد صيفا وشتاءا والسيارة بسم الله ماشاء تطبخ من الحرارة اكتشفت ذلك

لكن بعد خراب مالطه

بعدما خربت الحرارة على المكينه صارت تطلع هواء مع القربه الخارجيه وركبت عداد حرارة خارجي امريكي وشفت العجب الحرارة تتعدى النصف الله المستعان

الان الديسكفري حقى 96 تقريبا مخبط صار مايشتغل يبغاله توظيب والله المستعان


ونسيت ادخل على الرابطه


خبرو كل من يملك ديسكفري اذا عداد الحرارة دائما على الثلث صيفا وشتاء طلوع ونزول فاعرف انه خربان ركب خارجي


وعلمي سلامتكم وماتشوفون شر

[نادرخيارى]

السلام عليكم وكل عام وانتم بخير تكفوووون الفزعه ياابو العينين ويالعنزي ويا امباله ولا يهونون الباقين تكفووووون المساعده انا عندى رنج 97 قفل الامان حقه والريموت ضايع كيف ابرمجه وافتحه مع العلم ان باب السواق ماينفتح والسياره ماتشتغل كيف ابرمجها لانه يطلب ريموت تكفووووون مع العلم انى فصلت الاصبع ولا نفع شى تكفوووون الفزعه