*&^ رابطه ملاك الرنج روفر - دسكفري - دفـنـدر - فـريـلانـدر ^&*

[mshawari1]

السلام عليكم
عندي دسكفري 1998 مكينته مخبطه
احد يخبر لي مكينة للبيع ؟
او يعلمني وش المكاين الي تركب عليه وتتوافق مع القير ؟

في تشليح اسمه تشليح الحاير

او تشليح الوفاء في الصناعية

[fahd1212]

يا جماعه ارجو مساعدتي
انا اشتريت سياره لاند روفر فري لاندر موديل 2001
واول مره بجيب هالنوع من السيارات وما بفهم فيه اي شي😔
اولا القير عند حرف الd اجد علامه m و s وما ادري في اي شي بستخدمهم
ثانيا السياره لما اجي ازود السرعه عن اربعين المؤشر تبع لفات الموتور بيزيد عن اتنين ويوصل لثلاثه واربعه وصوت الماتور يعلي وبيحصل لما ازود السرعه فجاه لما ادوس بنزين فجاه تحصل نفس المشكله يعلي الموشر عن اثنين ويوصل لثلاثه واربعه ولو استمريت بالمشي يشعل ضوء اشاره نزول الجبال وانا اصلا ما ضغت عليه
خايف الماتور يتحرق وما بعرف ايش الصح وليس ما بتنقل معي يعني انا سيارتي اوتماتيك لكن لما زود السرعه عن اربعين احس السياره ما بتنقل علي الثاني في شي غلط خاصه اني قبل هالسياره كان معي متسوبيشي اكليبس رياضيه وسريعه ارجو الرد

[مستشار الكويت]

السلام عليكم اخي فهد

بحسب ما قرأت، للاسف فري لاندر هي اسوء ما تم صناعته في بريطانيا من سيارة

على العموم، اتمنى ان تكون لغتكم الانجليزية جيدة للاطلاع على هذه الصفحة القيمة التي تخص سيارتكم وبها معلومات هامة جدا فيما يتعلق بالعيوب المصنعية وغيرها

http://www.dogandlemon.com/sites/dog..._1997-06_0.pdf

حرفي M S بقرب ناقل الحركة يعنيان Sport - Manual اي الوضعية الرياضية / النقل اليدوي

علبة التروس (القير) يمكن أن تعمل بمثابة علبة التروس الأوتوماتيكية التقليدية عن طريق اختيار P، R، N، D، 4، 2 أو 1

او تحريك ناقل الحركة إلى 'S / M'، وهناك يتم ارسال يرسل إشارة إلى وحدة التحكم بالمحرك ECU ليتم وضع علبة التروس في الوضع الرياضي / الوضع اليدوي. في الوضع الرياضي، علبة التروس ستعمل بمثابة ناقل حركة أوتوماتيكي تقليدي، ولكن الوضع سيصبح أكثر
استجابة لمطالب السائق وسوف تعقد التروس المنخفضة لفترة أطول (اظن هذا وضعك الراهن الان) ويعطي زيادة بالتسارع ويحسن استجابة السيارة. عندما تكون في الوضع الرياضي، إذا تم نقل الحركة الى علامة + أو علامة - ، سيقوم النظام بالتتغير تلقائيا للعمل في الوضع اليدوي.

قم بتغيير وضع ناقل الحركة من المكان الراهن الى D والله يحفظكم

ملاحظة: ان حصل لكم ووجدتم مشتري للسيارة، لا تترددوا في البيع

[مستشار الكويت]

السلا عليكم
يسعدني انضمامي لرابطتكم
ولدي بعض الخبره بالرنج روفر وينقصني الكثير اتمنى ان اجده لديكم
امتلك رنج روفر موديل 1999 مكينه 4.6 عدلت بريكه من الكهربائي الى عادي
وحاليا له عندي اكثر من 6سنوات ولله الحمد ماشي معي تمام التمام
بس من اسبوع وقفه المساء والصبح مارضى يشتغل
يدق سلف بس ماتوصل كهربا لطرمبة البنزين ولاتوصل كهربا للبواجي
حاولت افحصة كمبيوتر مايدخل على المكينه مع انه يدخل على القير
ياليت اللي عنده حل يفزع لي

وعليكم السلام ورحمة الله وبركاته

اتمنى ان تكون قد وجدت حل للمشكلة. في حال لا سمح الله استمرت المشكلة، الافضل اجراء فحص "فقط" حتى لو عند الوكيل او الموزع لمعرفة الخلل ومن ثم العمل على اصلاحه في الخارج

التشخيص عامل مهم في العلاج

ودمتم سالمين

[البرق المضيء]

السلام عليكم ورحمة الله

معروض علي لاندروفر موديل 1994، ماشي 280 ألف بس شكله نظيف جدا وراعيه يقول أنه ماجاه حوادث ، اللي أعرفه أنه ماكينته 8 سلندر

أبغى شوركم في الموضوع ، هل قطعه متوفرة وهل في ورش تفهم فيه عندنا هنا في الرياض ؟

ومشكورين

[ابو رما]

من بعد اذن الادمن
اخوكم ابو راما عندي كمبيوتر برمجة للرانج روفر من 2005 الى 2012 فاذا تبون برمجة بجدة انا جاهز
رقم الهاتف على الخاص للي يباه

[قديمووو]

السلام عليكم ورحمة الله وبركاته
تحية طيبة وبعد..

عندي رنج روفر 2004 HSE كلاسيكي
وكنت أغيّر لمبة الشنطة فحصل ماس بسيط جداً
ومن بعدها طفت الشاشة اللي في الطبلون

فما أدري وش اللي صار .. ووش أسـوّي .. أرجوا الإفادة

ولكم جزيل الشكر ..؛

[anaim400]

السلام عليكم ورحمة الله وبركاته
يسعدني الانضمام إليكم في رابطة ملاك الرنج روفر
إخواني أنا لي الرغبة في شراء رانج روفر فوج#na#
350 حصان موديل 2015
السؤال هو هل توجد مشاكل وعيوب في هذا النوع وهل قطع الغيار متوفرة وأسعارها معقولة ؟
وكذلك الوكيل الناغي كيف مستوى تعامله
أرجوا النصيحة قبل ما أدفع مبلغ الحجز للوكالة
بارك الله فيكم ونفع بكم

[رنج كلاسيك]

السلام عليكم ورحمة الله وبركاتة

شباب انا اشتريت رنج روفر 1992 فوج بس سلك الكمبريسر موصل دايركت من الكمبريسر للز ومن الزر للفيوز
دووورت مكان توصيل سلك الكمبريسر بأكثر من موقع وما حصلتة دورت بروحي وماحصلت * مع العلم ان دفع المكيف ضيف هل الوضع طبيعي للرنج ولا فية مشكلة انتظر ردودكم وفزعتكم

[الراقي 999]

السلام عليكم .. ومساء الخير جميعاً

استفسار بسيط عندي الجلنط علق علي مرة علماً بأن الموتر موديله 2006 رنج سبورت
وطبعاً الطريقة تشيل الغطيان خلف القير .. إلخ سويتها وفك معي الجلنط وطبعاً صار معد يمسك
لكن جلست يوم وأشوف الوضع رجع وضعه الطبيعي وقام يمسك معي زي الألف
لكن ! بعض الأحيان إذا جيت أرفع الجلنط يطلع صوت زي الطقة

.. أفيدونا يا كرام ..

[بقمي مزيون]

السلام عليكم ورحمة الله وبركاته.
يا شباب انا ابي اشتري رنج روفر 2003
والصراحة ماعرف شي في هالنوع من السيارات
ابيكم تفيدوني كيف السيارة ووش وضعها يعني
من ناحية الأعطال والصيانة وكذا

[بو امجد]

السلام عليكم ورحمة الله

يشباب لا هنتوا يالغوالي اكيد ما نستغني عن خدماتكم

انا صراحة توني شاري رنج 2006 hse

و ابي خبرتكم تعلموني كيف استخدم او متى استخدم الانظمة الخاصة بالقيادة اللي عند القير :
1- نظام النورمال المشي العادي
2- نظام الثلج
3- نظام مادري شنو مرسوم سهم لفوق
4- نظام الرمل
5- نظام مادري شنو بس الرسمة مخليه السيارة كانها مايلة على كفرين

6- الحبة الصفراء (( رسمة كانه السيارة نازلة من طلعة ))

7- في على اليسار كذلك زر للهيدروليك ترقي وتنزل في السيارة (هذا اعرفه)

8-على اليمين في زر (مرسومزي الطريق مكتوب hi) وفي (مرسوم زي جبل مكتوب lo) ماني عارف والله كيف طريقتهم

هل يعني اذا جتني طلعة (( زي المرتفع )) او نزله... اشغل نظام معين او كيف ...؟؟!

لاني يرجال صادفتني في الشارع نزلة طويلة ..
وما شفت السيارة الا يطلع صوت من ورا كانه شي قاعد يمسك الكفرات وماهو راضي يمشي الا بهداوة
لما خلصت من النزلة ذي مشى عادي

ماني عارف كيف .. لا هنتوا ابي مساعدتكم في معرفة هالانظمة بالتفصيل ولا هنتوا شاكر و مقدر وما نستغني والله

[بو امجد]

معقول ماحد رد يومين

[ع الحصان]

حياكم الله اخواني

انا املك سيارة لاند روفر 2009 LR2 HSE

السيارة لها معي من وكالتها 2009 الى اليوم والحمد لله من افضل السيارات تجربة واداء

ملشاء الله تبارك الله

وافكر باني ابدلها بموديل جديد خلال سنة باذن الله

[ع الحصان]

السلام عليكم ورحمة الله

يشباب لا هنتوا يالغوالي اكيد ما نستغني عن خدماتكم

انا صراحة توني شاري رنج 2006 hse

و ابي خبرتكم تعلموني كيف استخدم او متى استخدم الانظمة الخاصة بالقيادة اللي عند القير :
1- نظام النورمال المشي العادي -عادي عندك الفرار تحطة على العادي
2- نظام الثلج
3- نظام مادري شنو مرسوم سهم لفوق -هذا للنزول من المنحدرات
4- نظام الرمل - هذي وضعيه الرمال والصحاري
5- نظام مادري شنو بس الرسمة مخليه السيارة كانها مايلة على كفرين هذي للجبال والمرتفات الجبلية

6- الحبة الصفراء (( رسمة كانه السيارة نازلة من طلعة )) هذا تمسك السيارة من النزول بسرعة

7- في على اليسار كذلك زر للهيدروليك ترقي وتنزل في السيارة (هذا اعرفه)

8-على اليمين في زر (مرسومزي الطريق مكتوب hi) وفي (مرسوم زي جبل مكتوب lo) ماني عارف والله كيف طريقتهم الهاي للسرعة المرتفعة دبل خفيف واللو للدبل والسرعات المنخفضة

هل يعني اذا جتني طلعة (( زي المرتفع )) او نزله... اشغل نظام معين او كيف ...؟؟!

لاني يرجال صادفتني في الشارع نزلة طويلة ..
وما شفت السيارة الا يطلع صوت من ورا كانه شي قاعد يمسك الكفرات وماهو راضي يمشي الا بهداوة
لما خلصت من النزلة ذي مشى عادي

ماني عارف كيف .. لا هنتوا ابي مساعدتكم في معرفة هالانظمة بالتفصيل ولا هنتوا شاكر و مقدر وما نستغني والله

هذي معلوماتي اللي عن اللاند وهو يفرق شوي عن الرنج وياذن الله يفتونك الشباب