15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
يعطيك العافية اخوي عبدالعزيز مشكور وما قصرت طيب فيه ناس تقول انهم نصابين ويسرقون قطع من السيارات هل هذا الكلام صحيح او لا يا ليت تفيدني تكفى
ثاني شي اخوي زيت القير حقه على كم يتغير الوكاله تقول ما يتغير وورش تقول 50000
والسيارة الحين ماشية 83000 يا ليت تفيدني هل هو يتغير او لا
تحياتـــي
مكشاتي متواصل
السلام عليكم
ما ادري اذا سمعتو عن خبر انتقال وكالة لاندروفر و جاغوار من السيف الى الناغي
اتوقع انه خبر سعيد لملاك السيارات
ذبحتنا مواعيد صيانة السيف
مكشاتي متقدم
اخوي عبدالمحسن انا لي الان اشتغل عندهم حوالي 6 سنوات بصراحه مافقدت قطعه من سياراتي.
بعدين ياخوي معليش مااعتقد فيه ورشه بتسرق قطع من سيارات !!!
وش ذا الغباء في هالورشه اللي تسرق القطع وتطرد الزباين !!!
ولو ان فيه قطع تنسرق كان ماتشوف عندهم زحمه لدرجة اني بعض الاحيان اروح وانا عميل ويقولون لي تعال بعدين فيه زحمه.
ايضاً فيه ورشه ثانيه في الصناعيه اسمها الرصيص وفيها شايب اسمه ابو تركي تشتغل الرنج الروفر.
بس بصراحه عيب هالورشه ان اسعارهم غااااااااااااااليه واخلاق الشايب لك عليها شوي من اول ماتوقف عندك بيهاوشك مدري ليه !!
بالنسبه لزيت القير فهو كل 50 الف تغيره.
مكشاتي متواصل
الله يجزاك خير اخوي عبدالعزيز وان شاء الله اتعامل معهم بس بالنسبة لزيت القير مريت الوكالة تقول لا تغيره ولا تقربه للسيارة رنج سبورت سوبر تشارج والله ما ادري احترت اسمع كلام مين
مكشاتي متقدم
والله مدري بس انا عني اغير الزيت كل 50 الف
طبعا سيارتي رنج كلاسيك مو سبورت
اذا تبي تتاكد لايهمك كلام الوكاله ولا كلامي
افتح الكتالوج حق السياره وبتلقى العلم الاكيد ومتى تغيره بالضبط
مكشاتي متواصل
الله يجزااك خير والله انك ما قصرت معليش تحملني تعبتك
الكتالوج ما لقيت فيه شي يقول غير زيت القير
مكشاتي متقدم
المشاركة الأصلية كتبت بواسطة عبدالعزيز-1
مجرد ملاحظة اخوي عبدالعزيز .
أسم "كلاسك " يطلق فقط على الرنج من موديل 1995 وتحت لأن هذا أسمه من المصنع .
اما موترك إذا كان من 2002 وطالع فأسمه :
"Range Rover "L322
و في منطقتنا يسمونه"رنج روفر العادي" أو " رنج HSC "
والسبورت يسمونه سبورت
وأسمحلنا
مكشاتي متقدم
انا معك اخوي البوعينين
بس تبي الجد حنا من متى نسمي السيارات باسمائها بالذات اذا كان الاسم تغير مثل الكلاسيك والـ l322 !
اخوي عبدالمحسن بصراحه ماعاد اقدر افيدك صار فيني صراع داخلي !
مدري اصدق اللي يقولون غير ولا اللي يقولون لاتغير !
مكشاتي متقدم
صدقت اخوي عبدالعزيز
اخوي عبدالمحسن , بكره انا بسال وكاله الرنج الي عندنا وبرد عليك إن شاء الله
مكشاتي متواصل
الله يجزاكم خير
انا انتظرك اخوي البوعينين
مكشاتي متواصل
السلام عليكم
وكل عام وانتم بخير وعيدكم مبارك
شكرالكم على تدشين هذه الرابطه الي متشوقين لهامن زمان والله يجزاكم خيرعلى هذا المجهودالطيب
أنامن محبي هذه السيارات واملك منها اثنتان الي هي ديفيندر 110ستيشن 5 أبواب موديلات 1987و1988وجدا"مرتاح معاها لكن من أسبوع تعطل 1988بسبب عطل بالمكينه وهذا من أهمال أحد الاخوان الله يهديه أستخدمة لمدة أربعةأشهر وهورايح وجاي مشاويربروبحر ولايشيك الزيوت ولاماء الراديتر .وتعطلت المكينة ولابد من تبديلها والى الحين جاري البحث عن مكينة.
فحبذامن الأخون المساعدة في هذا الأمر لاهنتوا.
وشكرا"لكم جميعا".
مكشاتي متقدم
أسمحلي الغالي , اتصلت لكن مسكرين
أول مايفتحون بعد العيد بكلمهم إن شاء الله وبرد عليك
عليكم السلام ورحمه الله وبركاته
وانت بخير وصحه وسلامه وحياك الله معنا في الرابطه , وماشاء الله عليك 5 سنوات يعني خبره .
حدد مكانك عشان يعلمونك الشباب بأقرب مكان تلقى فيه مكينه .الله يوفقك وعيدكم مبارك جميعا .
مكشاتي متواصل
الله يحيك ويطول عمرك,أنامن محافظة الأحساء,ووفقنا الله وياك والجميع ان شاء الله.
مكشاتي
السلام عليكم
وكل عام وانتم بخير
اشكر من قام بفتح هذا الموضوع وعندي استفسار
معي رنج روفر موديل 89 نوع P38a وقوة المكينة 4.6 ودي اعرف كم تعادل من حصان
تحياتي ............
مكشاتي
السلآم عليكم
مسآكم / صبحكم الله بالخير والسرور
وكل عآم وانتم بآلف خير وصحه وسلآمه
انا موضوعي باختصار شريت رنج روفر
وصارت لي فيه مشكله بسيطه ولما رحت الوكاله وشافوا العداد
قالوا لي ان السياره قبل 11 شهر كانت ماشيه 102 الف
وفي العداد عندي الحين ماشيه 55 الف
يعني اللي شريته منه لآعب بالعداد ومنزل منه
فحآولت اطلب منهم برنت بتآريخ السياره بالوكاله رفضوآ
يعني ابي ورقه لو انها صوره مو شرط اصل
مكتوب فيها كم مره جت السياره الوكاله وكم كانت ماشيه وقت ما جت وش صلحوا فيهآ
اتمنى ان الفكره وصلت .. ^_^
فـ لو احد يعرف احد بالوكآله <--- ما ابي منه الا هالورقه وبعدها خلآلآص ارجع السياره لراعيهآ
يرسل لي ع الخاص برقمه وانا بآكلمه
لأن رآعيهآ قال جيب هالورقه وابشر باللي يرجع لك درآهمك
أو احد يقول لي الطريقه وش اسوي .. لأن بصرآحه اول مره تصير معي
ويعطيكم العآآآفيه مقدمآ وجعلها الله في موازين حنسآتكم
محبكم
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس