الف الف مبروك تشكيل هذه الرابطه
وحبذا لوتم تسميتها اللاند روفر
كونها تجمع كل طرازات الشركه
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
الف الف مبروك تشكيل هذه الرابطه
وحبذا لوتم تسميتها اللاند روفر
كونها تجمع كل طرازات الشركه
وعليكم السلام ورحمه الله وبركاته
الله يحييك
مبرووووك على المزيون والله يطعمك خيرة ويكفيك شره
انا معي اخوه موديل 82 سبورت (باب واحد)
بالنسبه للقير تحصله في تشليح الحاير موب غويلي وحليو سعره
او رح لاحد الورش الخاصه في الرنج يدبرولك
وطربه البنزين امرها سهل فيه صفايه تجي في نفس الطربه من تحت اما تغيرها او تنضفها
وعليكم السلام ورحمه الله وبركاته
الله يحييك
مبرووووك على المزيون والله يطعمك خيرة ويكفيك شره
انا معي اخوه موديل 82 سبورت (باب واحد)
بالنسبه للقير تحصله في تشليح الحاير موب غويلي وحليو سعره
او رح لاحد الورش الخاصه في الرنج يدبرولك
وطربه البنزين امرها سهل فيه صفايه تجي في نفس الطربه من تحت اما تغيرها او تنضفها
السلام عليكم ورحمة الله وبركاته
الى رابطه ملاك السيارات "رينج روفر "
بودي أعرف عن اشياء وارجو منكم افادتي
فضلا و ليس امرآ....
انا من عشاق الرنج لاني جربت واحد من مديل 81 باب واح وبعدها انسحرت
عشان كذا عزمت اشتري واحد من موديل94 الى95 والمكينه 402 بس اللي ابي اعرفه
1-هل المكينه قويه وعزمه يخليك تثق به
2-وهل ينفع لروحات بعيده في البر
3-وهل هو صبور
4-اوخراباته واجد
وابي فرقه عن الموديلات اللي قبله لاني اشوفه نادر والغريب ان الموديلات اللي بعده متوفر بكثره؟؟
ارجو الافاده من جميع الاعضاء واخص ابو عينين99
محبكم
كونكورد
أفااااااااااا ولا واحد افادني.........؟
ترا اعتمادي على الله ثم عليكم لا هنتو
عليكم السلام ورحمه الله وبركاته
أولا الله يكون في عونك وعوننا على مشاكل التهريب , لأن التهريب جزء من سيارات لاندروفر ومثل مايقولون الاجانب عن هالموتر ("If it's not leaking, it's empty.")
معناها (إذا مايهرب يعني مافيه زيت ).
وبشهاده الأنقليز بنفسهم يعترفون انهم فاشلين في صناعه القازقيت.
وللأسف انا مالي خبره في موترك ولا ودي أساعدك ، لكن دام ان التهريب من الجهة الأماميه للسايق الظاهر والله اعلم انه بوكس الستيرنق ( Steering wheel box) فيه تهريب.
هلا والله اخوي
ماعندي معلومات دقيقه عن أسعار المكاين الحين لكن انت حدد اي حجم انت تقصد وانا بشوف لك اسعارهم .
3.5 - 3.9 - 4.0 ... ألخ
دام انك تبي تسابق وجيبك بيتحمل مكينه ثانيه ركب الي تبي ولا تتردد ودربك خضر .
اما بخصوص الهدرز ركب على معرفتك أو عند أي ورشه معروفه للرنجات . والفلتر عليك بـK&N اما البواجي لاتشتري شي غالي لأن البواجي متفرق في قوة الموتر بشكل يساوي سعرها وفيه موضوع بهالخصوص استفدت منه من منتدى لاندروفر أجنبي (من هنا) أما زبده كلامهم تقول (إذا حطيت زيت Synthetic للمحرك والقير والدفرنس (مثل زيت موبيل ون) مع فلتر قير وفلتر بنزين بتستفيد أكثر من انك تشتري بواجي وأسلاك ) طبعا هذه وجه نظر انا انقلها لك مثل ماهي ويمكن تكون صح أو خطا .
اما الكزوز سستم فهذا يفرق في عزم الموتر وقوته بشكل واضح وانا انصح فيه.
وهذا واحد منهم ، مع ان سعره شوي مرتفع(4257 ريال - بدون شحن) لكن على الأقل ماركه وأحسن من الخرابيط الي يبيعونها علينا البنقال :
http://www.amazon.com/Magnaflow-Perf.../dp/B00279YY22
وللأسف ماعتقد انك راح تلقاه عندنا وخاصه عندكم في الرياض يعني مالك إلا تطلبه من الأنترنت وطبعا شوف قيمه الشحن أولا .
وفيه شي أفضل وأرخص من كل هذا ويتركب في 5 دقايق هو الـPerformance Chip.
تزيد لك كم حصان وتحافظ على صرفيه البنزين وسعرها معقول.
وإذا ودك قولي القطع الي تبي وبدورلك معلومات عنها في النت.
اما بخصوص الورش الي في الرياض الله اعلم أسمحلي يالغالي ماعندي علم ويفيدونك الشباب .
عليكم السلام ورحمه الله وبركاته
لا أبد يالغالي ترى ماتوهقت ولا شي إلا بالعكس بإذن الله بعد ماتصلحه راح ينفعك .
ودام أن هذي هي بس مشاكله ترى مافيه إلا العافيه إن شاء الله .
طرمبه البنزين امرها سهل , وتقدر تركب له طرمبه امريكي مثل هذي:
(هذي صوره طرمبه البنزين الي في موتري الـ92 3.9 فكيناها عشان نبدل الفلتر حقها والي بتشوفه في الصوره الثانيه )
وأسمحلي الصوره مب واضحه لكنها على الاقل تبين حجم الطرنبه.
وهذه صوره الفلتر القديم للطرمبه وللأسف نسيت اصور الجديده وسعرها رخيص = 10 ريالات:
وترى الفلتر والطرمبه أثنينهم أمريكي .
اما القير إن شاء الله امره سهالات بعد ، لاتحاتي :
لكن ماقلت لنا القير تماتيك ولا عادي , وترى قير الدبل فيه نوعين الأول فيه دفلك وكله تروس وقوي جدا (لو تسحب فيه تريله ماشتكى) اما الثاني مافيه دفلوك + جنزير وماهو قوي مثل الي فيه دفلوك و فيه طريقه تعرف نوع قير الدبل الي عندك بسهوله.
طبعا تقدر تعرف إذا نوع قير الدبل من خلال قبضته إذامكتوب عليه دف لوك أو لا - لكن بعض الأحيان هالقبضه ماتكون موجوده أو مبدله اما الطريقه الثانيه من خلال ديكور القير:
اول صوره لديكور رنج فيه دفلوك:
شوف الفتحه الي محدده بالأزرق (وحده بس) يعني ان فيه دفلوك :
الصوره الثانيه لديكور رنج فيه فتحتين يعني مافيه دفلوك:
والسبب الي يفسر الفتحه او الفتحتين أن قير الدفلوك فيه 4 خيارات ( تحت يمين = يعني دبل خفيف H بدون دفوك ) ( يمين فوق = دبل ثقيل L بدون دفلوك ) ( يسار فوق = دبل ثقيل L مع دفلوك ) (يسار تحت = دبل خفيف H مع دفلوك ) يعني مافيه مكان إلا لفتحه وحده .
اما القير الي مافيه دفلوك ( فوق = دبل ثقيل L) (تحت = دبل خفيف H) يعني فيه مكان للفتحتين.
وطبعا الرنج روفر مافيه دفع خلفي , فيه دفع رباعي دائم.
إذا عندك القير خربان فأنا أنصحك انك تبدل القير مع قير الدبل وطبعا لاترمي أي شي ولا تعطيه للميكانيكي .
والقير تقدر تاخذه من اي رنج روفر أو من دسكفري وانا انصحك وبشده انك تاخذ الي فيه دفلوك وتلقاه على رنج روفر موديل 87 أو اي دسكفري .
إذا موترك مافيه دفلوك وشريت قير فيه دفلوك لازم تشتري الديكور مثل الي فوق عشان ماتتوهق ولازم تاخذ كراسي القير ولاتنسى كيبل الـ(جلنط - الهاند بريك - الكابح اليدوي) لأنه يفرق عن العادي.
وأي أستفسار انا حاظر
عليكم السلام ورحمه الله وبركاته
الله يبارك لك في الـ81 إذا للحين عندك والله يرزقك بالي أحسن منه إذا بعته.
اما بخصوص الـ94 فانا مالي خبره شخصيه فيه لكن عندي معلومات عامه عنه:
مكينته 4.2 عزمها حلو إذا كانت نظيفه ، فيه نظام تعليق هيدروليك وهو دايم خربان لكن تقدر تغيره للعادي ومايكلف كثر تصليح الهيدروليك ، طبلونه غير عن الموديلات ال93 وتحت ، غالبا يجيك طويل LWB وهذه ميزه تحسب له ، فيه ABS و بيجي وقت وبيخرب عليك وتقدر تلغيه وتركب بوستر رنج مافيه ABS لكن انا انصح انك ماتلغيه صح انه بيكلفك لكن هذا الأفضل في رأيي .
وبخصوص أسألتك :
1- مثل ماهو مكتوب فوق أن الـ4.2 عزمها حلو إذا كانت نظيفه.
2- أي سياره نظيفه تقدر تروح فيها اي مكان تبي وأي سياره متعوبه حتى لو كانت ياباني مابتقدر تعتمد عليها.
السؤال 3 و 4 نوجهم للأخ رنوج باي لأن عنده رنج موديل 94 وهو أبخص مني.
الفرق عن الموديلت الي قبله :
1- نادر تلقاه وإن لقيت صعب تلقى واحد نظيف إلا إذا كان مخزن .
2- المكينه تفرق وتجيك 4.2.
3- نظام التعليق غير = هيدروليك.
4- اطول من الموديلات الأقدم LWB.
5- طبلونه 100% غير عن الي قبله.
6- نزل بلون ذهبي مانزل على الموديلات الي قبله .
هذه الفروقات الي اتذكرها .
صوره أخرى لرنج موديل 1995 (هــنـــا)
وعلى فكره هذا الرنج للبيع لكنه في أمريكا ولولا القرار الجديد كان قلت لك شتره وانت مغمض.
عليكم السلام ورحمه الله وبركاته
الله يبارك لك فيه ، والرنج الي عندك كلاسك . أي رنج من موديل 95 وتحت فهو كلاسك.
وهذه طريقه إضافه صوره:
عند كتابه رد او موضوع بتلقى هالخيارات وهم خيارات رفع الصور على موقع مكشات ، أضغط على احد الخيارات المحدده بالمربع الأزق ( يمين = رفع صوره مع شعار مكشات ، يسار = رفع صوره بدون شعار مكشات )
أختار رقم 1 مثل الصوره أو اختار الي تحته إذا عندك اكثر من صوره :
الخطوه الثالثه اختيار الصوره الي تبي ترفعها ، وأتبع الخطوات على حسب ترتيب الأرقام:
انسخ الربط المحدد بالمربع الاحمر:
ألصقه في الرد أو الموضوع مثل الصوره:
وانتهت الخطوات.
السلام عليكم ياخوان واهنئكم بهذة الرابطه التي ننتظرها ونبحث عنها وانا مشارك جديد وقريت جميع المشاركات والحمد لله انا املك لندروفر موديل 97 عندي ماشاء الله احسن من اي جيب جديد ولا اسمع فيهواحب اخترع فيه كل جديد وهذي اصلا هوايتي عموما ماراح اطول عليكم لاكن عندي لكم توليف المراوح شي خطططططططططير راح اقلكم كل شي لما اخلص على اليومين هذى انتظرووووووووني.....
السلام عليكم
اهلاً بالجميع وتقبلوني عضو في هذه الرابطه نوع الرانج حقي Hse 2005 كحلي
اخواني حبيت استفسر عن احسن البطاريات وكم امبير هي تكون بعضهم قالو لي 100 .... وبعض الكهربائيه قالو 88 وين احصل البطاريه ...
ومشكلتي الثانيه صوت الفحمات غيرة ولانفع يرجع الصوت بالفحمات ابي الحل ربي يسلم الجميع ...
نورنا بخبرتكم .....
السلام عليكم ورحمة الله وبركاته
اخواني وش حل المساعدات الامامية دايم تتفقع والواحد ب5000 ريال
شفت واحد في الصناعية يقلبها يايات ب3000 مع شغل اليد الثنتين اللي قدام
ولكن مدري ماتنظمن الحركة هذي
الموتر موديل 2005 والمشكلة من 2002 الى 2005
ماقول الا الله يجزاك خير والله انك لريحتني بكلامك .
بالنسبه للطرمبه انا كنت افكر في طرمبة الكابرس والحين اكدت لي انت الله يجزاك خير وان شاء الله انها تضبط.
القير يالحبيب قير اتماتك اما بالنسبه للي ذكرت عن الدبل فوالله ياخوك اني ما ادري عنه لكن باشوف الموتر وارد لك خبر .
بيض الله وجهك انت ومن يقرا وجمل حالك.
اخوي اللي عندك تهريب من جهة السواق تأكد ان التهرين موب من علبة فلتر الزيت ....... صارت معي وضبطناها
اخوي ابو عيون
بودي اعرف هل فيه مكينه اقوى من 4.2اولا
واي مديل تنصحني فيه وهل يجي دفلك او لا لني قريت ردك وتقول قير دبل بصراحه مافهمت
لاني سامع من اول ات الرنج يجي دفلوك وهو الاول من الجيوب اللي فيه هالميزه
وان دبله مشبوك دايركة
واخر سوئل كم اسعارها من موديل 93الى 95
اسئلتي كثيره بس
تحملوني
ولا مني جزيل الشكر
ربي سهل اموره دقها وجلها
ومن قرئها
الذين يشاهدون الموضوع الآن: 1 (0 من الأعضاء و 1 زائر)