*&^ رابطه ملاك الرنج روفر - دسكفري - دفـنـدر - فـريـلانـدر ^&*

[الفارد]

ليش ما اطلع الظهر مكيفه ضعيف ولا ما يبرد كلش
لا والله ما حنا من اهل التطعيس والمطامر لكن انا ابي جيب ما يفشل بالبر وشي طبيعي تبي تمشي على الرمل وتطلع طعوس لكن ما هو رالي
بالنسبه للقطع متوفره ورخيصه او اسعارها معقوله بالامارات تعرف الواحد لازم كل فتره يسير للامارات وبالمره ناخذ قطع اذا اسعارها معقوله
زيوت الدفرنشات والدبل كل 50000 كم اغيرها مثل الالماني ولا
شنو افضل نوع زيت وكثافته كم طبعا غير زيت الوكاله
كم قيمة طقم المساعدات العاديه بالامارات لو ابي احوله من هيدروليك هواء الى عادي
تنصح فيه بشكل عام او بالرنج الجديد من 2002 الى 2005 ماكينة BMW

هلا والله اخوي

ضعيف في التبريد ولان حجم المقطوره كبير وفرصة دخول اشعة الشمس اكثر لسبب مساحة الزجاج الكبيره فيه

وفي البر مايفشل اذا تعير الهواء في الكفرات بمقاس 15 او 20 الضغط اقصد

القطع متوفره عندنا وسعرها مناسب جدا

والزيوت لاتغيرها ابد لان لو تغيرها بيكون معرض ان يصدر منه صوت ولكن اهتم بها عن النقص فقط

الزيت من الوكيل افضل من غيره لمجموعة روفر

المساعدات رخيصه عندنا وسعرها معقول

اما الرنج الجديد عيبه الدفرينش والدبل مافيه تحمل وانا ما انصح به لان قطعه غاليه

اقصد من 2003 وفوق

[الفارد]

شكرا اخوي الفارد على المعلومة القيمة وسبب التسمية

ياليت لو عندك كاتلوجات الرنج او ديفندر

بصراحة عندي نية لتركيب بدي دفندر على شاص رانج لان الديفندر مو ياي سيست .

وايضا عندي نية لتركيب ديفندرعلى شاص رنج طويل 3 ابواب .

تحياتي لك

هلا والله اخوي

لاشكر على واجب ربي يسلمك

ماعندي كاتلوجات غير اني استغل الانترنت في البحث وممكن اقدم لك كل معلومه اقدر عليها ان شاء الله

بخصوص تركيب الدفندر على شاص رنج قمنا بهذا العمل من سنوات والعمليه تحتاج لحام كهرباء ( سيم ولدنق ) حتى ماينفصل


اذا سمح لي الوقت ازور الورشه لي بيتم فيها تحويل الدفندر لان اهتمامي بسيارات الروفر واهل الروفر طبعا معرفتهم شرف لنا

[AL_3NZI]

بالنسبه لمشكلة المكيف محلوله ظلله عازل حراري ويضبط وانا كان عندي مرسيدس 560 1990 وظللته عازل صار يبررررررد بعز الظهر والحراره قريب 50
والله يا اخي الفارد انا مثلك ما حبيته صيانته مكلفه ونسخة BMW X5 وانا جربيت البي هم اقصد بي ام على الخط حلو كانه سيدان لكن تحس انه بالبر ما يبيض الوجه وهو افضل شي للمناطق الجبليه اما الرمليه ما يصلح وما فيه دبل ثقيل فيه تحكم بمزول المنحدرات والرنج الجديد مثله لكن بتحكم بالدبل الثقيل وغضيت النظر عنه
الله يجزاك خيررررررررر قل آمييييييييين ابيض وجه ولا يهون البوعينين والاعضاء

[الاطلسي]

شكرا لك اخوي الفادر مره اخرى

ليت لو كان عندك صور للتحويل الي سويته من الديفندر الى الرنج حتى نستفيد منكم

تحياتي لك .

[الفارد]

شكرا لك اخوي الفادر مره اخرى

ليت لو كان عندك صور للتحويل الي سويته من الديفندر الى الرنج حتى نستفيد منكم

تحياتي لك .

السلام عليكم

الغالي الاطلسي

الفكره موجوده في الراس ولان المشروع نفذ من زمن ماعاد عندي له صور

اتصل على هذا الرقم وان شاء الله اقدم لك الفكره واضحه

0097152303007

كل المشكله لي بتواجهكم بتكون في الحاجز بين المحرك والسائق

طريقة تثبيته فقط تحتاج لنوعية لحام خاصه اسمها ( سيم ولدنق ) او غاز الاورقن

[AL_3NZI]

اقدم لكم رابط فيه جميع الكتب الالكترونيه بصيغة PDF لشركة لاندروفر
http://www.landroverweb.com/landrove...rover-manuals/

[الامبريالي]

السلام عليكم ورحمة الله وبركاته

انا ضيف جديد على هذه الرابطه ويسعدني المشاركه معاكم

وعندي مشكله في سيارتي (رنج روفر كلاسيك موديل 92) وهو ان الكمبروسير حق المكيف ضرب يعني خرب

وغيرة كذا واحد مستعمل ونفس الشي ما يطول معاي يخرب بغيت اعرف من اهل الخبره هل في كبروسير يركب

على الرنج حق سياره ثانيه بدون ترهيم


انطر فزعتكم يا شباب ترى الجوو حار


ولكم مني جزيل الشكر

[AL_3NZI]

عزيزي الامبريالي
اول شي مافي كمبرسر يضرب من لا شيء وانت تقول كم مره تركب ويضرب
شوف او شي شيك على ثلاجة المكيف واذا تحتاج تغيير غيرها
غير المجفف اللي هو الدراير
سوي تنظيف كامل لدائرة التبريد
بعدين جرب كمبرسر امريكي من سيارت جي ام يعني كابرس بيوك جمس كاديلاك او فورد لان الرنج الكلاسيك حسب ما قرات عنه وسمعت انه ماكينته بيوك
او ركب كمبرسر رنج
اخوي ما حولك رنج كلاسيك نظيف

[الامبريالي]

عزيزي الامبريالي
اول شي مافي كمبرسر يضرب من لا شيء وانت تقول كم مره تركب ويضرب
شوف او شي شيك على ثلاجة المكيف واذا تحتاج تغيير غيرها
غير المجفف اللي هو الدراير
سوي تنظيف كامل لدائرة التبريد
بعدين جرب كمبرسر امريكي من سيارت جي ام يعني كابرس بيوك جمس كاديلاك او فورد لان الرنج الكلاسيك حسب ما قرات عنه وسمعت انه ماكينته بيوك
او ركب كمبرسر رنج
اخوي ما حولك رنج كلاسيك نظيف

يعطيك العافيه الله لا يهينك


هو بالمعني الصحيح مو يضرب بس يطلع زيت من نفس الكمبريسر وقالي صاحب الورشه

لازم تغيره وكل مره اجيب واحد وغيره نفس الشي يهرب طبعا اللي اشتريهم مستعملين

بس راح امشي على كلامك واجرب حق الامريكي

اما بالنسبه اني اخبر رنج لا والله ما اخبر رنج للبيع وانا توني شاري هذا من 4 شهور

بس ابشر اذا ذكرو لي رنج راح اخبرك

[الفارد]

السلام عليكم ورحمة الله وبركاته

انا ضيف جديد على هذه الرابطه ويسعدني المشاركه معاكم

وعندي مشكله في سيارتي (رنج روفر كلاسيك موديل 92) وهو ان الكمبروسير حق المكيف ضرب يعني خرب

وغيرة كذا واحد مستعمل ونفس الشي ما يطول معاي يخرب بغيت اعرف من اهل الخبره هل في كبروسير يركب

على الرنج حق سياره ثانيه بدون ترهيم

انطر فزعتكم يا شباب ترى الجوو حار

ولكم مني جزيل الشكر

السلام عليكم

هلابك والله في رابطة ملاك الرنج روفر

وفالك طيب يالغالي

مازيد على كلامي اخوي الغالي العنزي


وشوف كمبريسر تويوتا كرسيدا الموديل القديم

نفس الشركه المصنعه للرنج والكرسيدا

ومرحبابك مره ثانيه ونتشرف بمعرفتك

[الامبريالي]

الله لا يهينك يا الغالي

ومشكور وماقصرت

وابشرك صلحت مكيف الرنج والحين باارد


وما استغني من خبراتكم جزاكم الله خير



بس طلعت لي مشكله ثانيه وهو ان لمبة الطبلون الخاصه بالدينمو يولع احمر على خفيف مع المكيف

والليتات وعند استخدام الضوء العالي يولع اكثر

ما ادري هل هذا من البطاريه او من الدينمو مع ان سلف السياره قوي


ما ننحرم من ردودكم

[الفارد]

الله لا يهينك يا الغالي

ومشكور وماقصرت

وابشرك صلحت مكيف الرنج والحين باارد

وما استغني من خبراتكم جزاكم الله خير

بس طلعت لي مشكله ثانيه وهو ان لمبة الطبلون الخاصه بالدينمو يولع احمر على خفيف مع المكيف

والليتات وعند استخدام الضوء العالي يولع اكثر

ما ادري هل هذا من البطاريه او من الدينمو مع ان سلف السياره قوي

ما ننحرم من ردودكم

هلابك يالغالي

في الخدمه ربي يسلمك

الحمد لله ان المكيف زان

مشكلتك مع الدينمو الشاحن ماهو من البطاريه

اعتقد انه يحتاج تغيير فحمات واذا كان الدينمو حولك سعره مناسب انصحك تغيره

[االفيل]

يا اااااااااااااااااااااااااااخوان
كم تكلف توظيب مكينة الدسكفري موديل 96

[M.Z.M]

السلام عليكم ورحمة الله وبركاته

صراحة رابطة مميزة الله يعطيكم العافيه

انا شريت رنج روفر سبورت 2006 وعندي مشكلة بالبلوتوث ابي اسوي اقتران بين الجوال والسيارة اتمنى اللي يعرف يفيدني

تحياتي

[الفارد]

يا اااااااااااااااااااااااااااخوان

كم تكلف توظيب مكينة الدسكفري موديل 96

هلا والله

اخوانك على يمينك

التوظيب يكلف !!

كم في خاطرك تدفع

كل حصان زياده بالمكينه له سعره

وعلى حسب استعمالك لها تقدر تعرف كم وكيف تتوظب

وان شاء الله نقدم لك كل معلومه تفيدك للتوظيب