ودنا.... اذا ودكم.......... يالمشرفين

[صقر]

الله يقطع بليسك يا بو فالح

السؤال الثامن مهم جدا ومن وجهة نظري لو ما يجاوب خشم الحصان الا على هالسؤال لكفى.


والله انها تدبيسة يا خشم الحصان.

لكن ترا الشرط : ان الواحد يحق له عدم الإجابة ...

وتسلم يا بو فالح على هالآسئلة.

[الطبيب]

1- كم مره تصبغ شعرك ولحيتك باليوم

2- ماهي اول سياره امتلكتها ( او دابه ) بالاصح لان بوقتكم الظاهر ما اخترعو السيارات

3- انت دائما تستعمل جملة ( يا ظلوع ابوي ) فهل ما زال عندك ضلوع والا ذابن ضلوعك من الكبر

4- متى آخر مره تزوجت فيها وعام كم ( تقدر تقول سنة فتح الرياض مثلا )

5- كم رصيدك بالبنك

6- ولدك الكبير عنده احفاد - اكيد عنه - اجل كم عددهم

7- وشهو نوع سيارتك الآن

8- بعد ما تقاعدت للمره الالف وش تشتغل الحين

9- كم مقاس حذاك الايمن وهل يختلف عن مقاس الايسر

10- لماذا اخترت لقب ( خشم الحصان ) وليس خشم العان

11- كم مره تنام باليوم

12- كم عمر خدامتكم واذا ما عندكم خدامه كم عمر خدامة جيرانكم

13- هل ما زلت تستخدم العمله الذهبيه والفضيه والا استعضت عنها بالعمله الورقيه

14- انت جودسي والا لا ( الجودسيات نوع من الناس انقرض قبل مليون سنه )

15- هل تعاني من امراض معينه ( عندي دواك وعلى الله شفاك )

16- هل تأكل لتعيش ام تعيش لتأكل

17- ماهو مقدار حبك للدخل وهل تفضلها على الهمبرقر بالمايونيز والكاتشب

18- هل كفرات سيارتك مازالت مصنوعه من الحجر والا استعضت عنها بالنايلون ( الربر )

19- ماهي علاقتك باحداث 11 سبتمبر

20- ما هو موقفك من المخربين للبيئه والمدخنين واصحاب المحطات ( الغشاشين )

21- بماذا تشعر اذا كنت بالبر خلاوي وما حولك احد

22- هل تحب ابو فالح أوالطبيب ( اختر واحد بس )

23- ماهو شعورك اذا بغيت تتزوج ( هذا اذا تذكر متى تزوجت )

24- هل الكيبورد ( لوحة المفاتيح ) عندك مصنوعه من الحجاره وتستخدم المطرقه لما تجي تكتب

25- هل رؤوس اصابعك مربعه ( زي ما توقع واحد من الشباب ) >> ماهو حفرلوجيا

26- كيف تتعامل مع العج بالبر

27- هل تخاف انه يجي يوم وتبي زوجه جديده

28- متى آخر مره تثاوبت فيها او عطست

29- هل تحب تقعد لحالك دايم

30- كيف كنت تتعامل مع فيل الماموث الصوفي علشان تروضه

افيييييييييييه تعبت

والى اللقاء في حلقه قادمه باذن الله

هذا والله اعلم

والسلام ختام

[المري]

تسلم ياخشم الحصان على هذا الموضوع


على يدك خلنا نبدأ بالسمح...

وثم شقردي والمسفهل وصقر وميراج وباقي المشرفين


علشان يكون المشرف معروف لدى جميع الاعضاء

[خشم الحصان]

الاخوه الغالين
السلام عليكم ورحمة الله وبركاته
حياكم الله وياهلا بكم كلن بسمه
والسلام مصافح.
...................
الاخ الغالي
ليث
ياخيي ركد عيونك علشان انا اركد معك الله يغفرلك وبعدين عندنا وعندك خير من الذر الله يصلحهم امين بس بيني وبينك ترا لهم طعم اشد من طعم الدخل والقميري علي بطن كشات وبعدبن وشوله دقر عند الموضوع ياخيي واصل دورانك في خيام مكشات وتلقاء تنسيك هالتد قيره ولاياك تغرز وتصير مثل جيب بعض الناس ويالله بشيول يسحبك ونشد الاخ الغالي (بركان) وترقرقت عيونك اجل حولنا فقع لئنه ينبت حول رقروق ياريق
اجل ودك من يعطيك غظاره فيها لبن ومع هااتنا فض بيظهر لنا زبيده نفطر عليها .
حلوه واد انا قلت دفن وبعدين(وئد) وش الفرق اقول اخيي وش جايك اليوم كن ودك تصير مع حفر لوجيا وابو فالح كمل معهم يافلطون وبعدبن طبيب الغفله اعطي نوع من التنبيه المكشاتي الجميل وانا ايت التنبيه وجاب نتيجه مع انها اول مره يعطي اشاره صح ولا العاده غلطات قاتله مثل سكاكينه الله يكافينا شره من شاف سكاكينه قال رايح يدرس (تشريح) لايابعدهم الله لايجيب الزعل امين بين الاخوان الله يغفرلك
شف ياضلوع ابوي (انقهر ) ياطبيب التشريح مشكور علي تضامنك في لبآ وقلبآ اما ثيبآ وخلقين لا انت شايفني لابس ثوب حق صعيده عموم الله يجزاك عنا كل خير يالغالي
اخوك
خشم الحصان
.................................
الاخ الحبيب
ابو كلام مصفصف
ابو فالح
يالله انك تخليه لعين ترجيه شف يابعدهم انت يانت تخزبقني بكتابتك اتوقع انك تنقع الكتب ثم تشربها مثل (العزيمه)* تعرف العزيمه العزيمه هي منول ورقه يكتب فيها بلزعفرا ن المقري فيه ثم تنقع وتشرب لا تخاف مانيب انضل بس اني احس انك بديت تسلك طريق مع كم واحد وسمه طريق من فاته اول عمره المعلاقات يتعلق
في حفرلوجيا ولا ابو فالح ولا اهنا وحيد توه نابت (ليث) ضفوه معكم الله يغفر لكم امين (اين اتقه القند من هنا)
الحين توني صغير الطبلون عد من جديد او هذا نوع من ابرت التشجيع الله يرفع قدرك امين
الله يقبل منك الله يعينا علي هالدنياء وغربيلها ياخيي
شوفه مانيب شايف شوفه غير شوفة مكشات
وشوله تعب روحك في التنتيف خذني معك الي راعي الدجاج وحطني في مكينة التنتيف بس استرو العوره الله يغفرلكم وكتبو علي الباغه ضحية مكشات طازه 45كغم
جاء رد الاسئله خذ من ابو جراح الجواب الصافي الي اصفاء من عين الديك
1- تعرفة علي مكشات بوسطة (قوقل) صدفه علي غير ميعاد
2- متعرفت عليهم كلبوهم علشان احكم عليهم وان كان الخاطر يميل الي بعضهم امتنع عن ذكر الاسماء خشية
النسيان ثم يتشرهون علينا الاخوان لئني هاليومين مركب حساس حراره جديد
3- قصدك (عضو مجلس مكشات )صح مثل نار الزحفتين وقر موضوع ابو ابرهيم (راعي المدي) او مثل نار العسبان تقبع فجئه ثم تخمد
4- لا والله ياخيي معرف غير مكشات
5-نعم فيه علاقه قويه مع بعض الاخوان الله يغفر لنا ولهم بس ما وصلت الي حد السفر لا ادون يعني جلسه او بالمعني عزيمه كثر الله خير من سوها جعله في جنات النعيم والديه وذريته امين
نعم تقابلت مع بعض المشرفين والاعضاء مثل السمح. السعلو الله يذكره بالخير .حفر لوجيا. ميراج.ايمن.صقر.راعي المدي.حد السيف. المسفهل هذا اما نسيت احد ول يذكرني الله يغفرله ان نسيته يوم العزيمه
6-نعم اتمنا ان يكون جراح وخوانه كلهم طيور بر (كشاته)
7- المشراق ورفع راسك وانتبه لا يطقك الغما تلقاه في الخيمه العامه
8- نعم موضوع عن جهاز الدال مره تناقشنا مع واحد الله يغفرله اسمه ابو عبد العزيز اضن اما نسيت وكان معي في نقاشه الاخ الغالي (السعلو) قولني قول لم اقوله وكنا نريد ان نبين له ولكن كان الاخ يدو في نضرية البيضه قبل او الدجاجه قبل والسبه ان الخرئط التي في الجهاز ليست دجتل بل هي خرائط هيئة المساحه الجولوجيه ولم ترتقي الي الدجتل وان عليها بعض الملاحضات وقد بينتها له وفي الاخير تاكد من الشركه واقر بذالك وقد تندمت علي النقاش معه وكذالك الاخ الغالي (السعلو) حيث ان المذكور يضن انه الفاهم من اسلوب طرحه او بطريقه اخر اقتنع غصب.هذا بنسبه للموضوع
اما الرد مره الاخ الغالي سماوي كتب موضوع و كان اخر واحد رد شقردي ولزق اسمه في دميجتي ورديت علي ان الموضوع الي كاتبه شقردي وهو للاخ سماوي وكان وضعي مفشل جدآ وخاصه رد الاخ شقردي ولا زاد الطينه بله يوم حط واحد متمدد تقول شارب قاز من الضحك الله ياني عرقت ودي اني قاضب شقردي وزانطه
9- والله ياخيي كثرين الله يردهم لمكشات خذ مثلآ السعلو. راعي عنيزه .الدبشه.صقر الليل من الامارات.جي اي اس وكثرين بس هذولا الي اذكرهم حاليآ
8- مكرر لكن نجيب عليه (لا) ماعندي (وافرح ياصقر) واقف علي بابكم...............ولهان و (مسير)
انتم خلتو لنا ياصقر شي رجيع كنهن تبيسات تعليم البنات
معاد هيب مقابله هذا تحقيق
هذا وجع خيطان تبدو في الصغير ياخذ حذره السبير
حياك الله يابعدهم والله يغفرلك ويرفع من قدرك
اخوك
خشم الحصان
غدآ نجاوب علي طبيب تشريح

[خشم الحصان]

الاخوه الغالين
السلام عليكم
وحياكم الله كلكم من اولكم الي اخركم
والسلام تحيه
.............................
الاخ الغالي
ومشرفنا الفاضل
صقر
حياك ربي يالغالي الله يثيبك يابعدهم ويرفع منزلتك في جناته اجل مبسوط ومتشقق علي التد بيسه انا من يوم شفت دعاية معجون الاسنان بينه في هالوجيه الي تضحك سنها صفة كعابه وانا قايل الرجال حابل لك حبله بس الحمد الله طمرنا (رقم 8) ورنا انت تقدر تطمره ولا بتخمع والله يجيبك من قريب اذا جاء دورك انت بتسير بعدها ولا لا عموم مشكر يالغالي علي مرورك وحياك ربي والله يغفر لنا ولك يابعدهم
اخوك
خشم الحصان
............................
الاخ العزيز
ومشرفنا المري
هلا والله بك يابعد حيي وميتي وزاد الموضوع تشريف بمرورك يالغالي ويومك ودك تبداهم وراك مسح اسمك من السته انا ودي كل مشرف نقضبه ثم باقي الضعوف الاعضاء لي مثلي مشكلتنا يالاعضاء من السهل انك تصيدنا بس الهومير يبيلك وقت وانت تراقبهم ثم هلب انك تصيدهم لئنهم حذرين مثل الذيب يرقبك وانت تحسبه عنك غافل عموم الله يغفر لنا ولك ولكل الاخوان اللهم امين ومشكور يابعدهم
اخوك
خشم الحصان
...............................
الاخ الغالي
طبيب تشريح
شف ياخيي علي مطامرك من غصن الي غصن كنك عصفور سدره .
خذ الجواب الشافي من قلب دافي الله يغفر لنا ولك ياضلوع ابوي
1-الصبغ كل ماهل هلا له ولا تستعجل بيجيك الشيب بلايا ثمن
2-لا في وقتنا فيه سيارات واول سياره 200L
3- الله كريم يجي وقت وتذوب
4-طقتين في الراس توجع مغير مرريره وحده ويالله لك الحمد والشكر
5- متي ماجي راح وعندنا وعندك خير يالله من فضلك
6- السبير توه واذا كتب الله اعلنها في المنتدي ان شاء الله
7- جيب تايوتا شراع موديل 81 وارد الامارات
8- تونا علي راس العمل ولا جاء وقت التقاعد الله يعين الي في الدار شايب ومتقاعد حلها
9- وانت شايف رجليني متخولفه او تحسب اني منول اشوت قواطي يومني صغير وغاديه اصابع رجلي تقول راس ضب
10- الاختيار من شان الديره (رغبة) يعني من مواليدها وخشم العان وش علينا منه لا تنشبنا
11- مثل المسلمين
12- الله يعفو عنا وعنك
13- وانت شايفني من اهل الكهف الله يغفرلك
14- الجوديسيا شيبت بالراس وانت ابخص
15- وشوله اجي يمك نوي تشرحني بسكاكينك لا ياخيي ياحلتيت او مره وما فاد سوي
16- وش ودك علمن وعلمك انا الاوله وانت لك الثانيه
17- وش كسر موترنا وخلا الرفارف تقول برطم بعير الا الدخل واخواتها
18- لا ياخيي مصنوعه من حلاو قطن
19- ................................ هذا:what:
20- يوم الحساب كل بياخذ حقه كامل بدون نقص من واحد احد سبحانه
21 - تخنقني العبره ويجي في الخاطر هموم وغربيل
22- لبغيت تحيره فخيره
23- راجع جواب (4)
24- الله يغفرلك ياحفرلوجيا انت السبب انشبتنا وخليتنا
25- انت شايفهن سنهن مربع خشب . حفرلوجيا رجلآ طيب قال اهنا كتاب ولا شفنا لا كتاب ولا مطالعه ان شفته قله تعال يابن الحلال معاد نبي شي نبيك انت بس الله يغفرله
26- ادخل في السياره ولا الخيمه ولنت يابعدهم وش تسوي
27- يبن الحلال وش فيك كل شوي وجايب طاري العرس لاياك ماكل حبوب سنافي وتحسبه (بندول) الله يغفرلك امين
28- مدري ياخيي ابشوف طرف سمي
29- الله الله سنك داري يابعدهم
30- ومثل الفحل لجينا نعقله الله يعقله
قصرت ياخيي ( تونا وين يانوي تروح خلنا نسعد بسئولك خلنا) الحين علي كثر اسئلتك الله يرفع مقدارك الي سنها شحنة بلك مندفسه في وسط الشارع وش طلعة به اها عرفة عن حياتي المكشاتيه شي او عن موهلي الدراسي او نخصصي او ميولي الشخصيه او وش احب او مطامر سنك عصفور سدره من غصن الي غصن
يالربع المقصود هو ان حنا نعرف عن حياة الوحد وعن ميوله و الموقف الي حصلت للواحد في البر
عموم انا زاهب للمره الاخري يابعدهم وحياك الله ومشكور الله يغفر لنا ولك
اخوك
خشم الحصان

[الطبيب]

1- ما هو تخصصك وشهادتك

2- وش افضل صيد بالنسبه لك

3- هل لك ربع معيينين تطلع معهم وهل منهم اعضاء في مكشات

4- ما هو نوع السلاح اللذي تفظله على غيره في الصيد

5- ما هو موقفك اذا لقيت رجال مغرز او متعطل بالبر

6- متى تكون في قمة السعاده وقت الكشته

8- هل سبق وكانت العزبه عليك ونسيت شي مهم وكيف كان موقفك وتصرفك

9- هل تقوم بصيانة سيارتك اولا بأول او تكتفي بأنك تصلحها متى ما خربت

10- ماذا يعني لك منتدى مكشات

11- هل تعاني من كثر الطلعات بسبب التعب او تكتفي بطلعه بالشهر مثلا

12- ما هي السياره التي تتمنى الحصول عليها مستقبلا ( باذن الله )

13- هل تحب تشتغل بالبيت وترهم اللي تحتاجه للبر من ادوات او تكتفي بانك تشتريها من السوق

14- ماهو تصورك عن الطبيب من ناحية ( الهيئه والشكل )

15- من متى وانت هاوي صيد وكيف كانت البدايات

16- ما هي اول بندقية صيد امتلكتها

17- ما هو شعورك لما خوياك ما يخلونك تمسك شي معهم ( يعني كلهم قروم )

هذا ما عندي من الاسئله

وننتظر تنتيف ابو احمد ( صقر )

هذا والله اعلم

والسلام ختام

[خشم الحصان]

الاخ الغالي
طبيب شق وبعج
السلام عليكم
اخي الحبيب انا قايله من قبل مغير انا وانت نصوفر برا السرب يعني نغرد والباقي سني اسمعهم يقلون خلهم يلهون مع بعضهم لين يحتمي المنتدي عموم الله يغفر لك ولنا ماعندي مانع ان حنا نوسع صدورنا لين يحمي المنتدي صح يابعدهم ولا وش رايك يالغالي
عموم خذ الجواب الشافي وقل ياكافي علي وزن.
لمحة البرق في لليل وسماء صافي .............شهقة وبين الخافي
ويا كافي
طبيب حلوه هذي الاسئله
1- تخصص gps + مساحه+خرائط يعني ضاع العمر في هالشغله ولكن الي مفرحني اني ماخليت خفس في
بلادي الحبيب الا وشفته يالله لك الحمد والشكر ويحفظها من كل مكروه امين يارب العرش العظيم.
2- الصيد مهوب محدد بنسبه لي ياطيور او ارنب او ضببه المهم انه يتحرك ويوكل
3- نعم لدي ربع معينين شرواك منهم منهو في هالمنتدي الطيب ومنهم ماهوب راعي انتر نت
4- والله في الحقيقه مانيب راعي سلاح الي لك عليه بس عندي بندق نص ايطاليه ام بنت قديمه اسميها(شيخه)
5- مايبيلها سؤال ياولد الشايب افرح ورب البيت اذا لقيت احد يبي فزعه ودايم علي العامه اقول اذا احد يحتاج مساعده في حدود 20 كم من مكاني يعني منقطع عليه البنزين او مغرز او تايه او اي خدمه يحتاج الها المهم يعطين احداثي موقعه ونداي علي الجهاز (ولد نجد) وعسي اساعدك يوم يابعدهم
6- تبي السز اذا ركز الموتر في تغريزه او مطينه والسماء تمطر يووووووه الله يالها طعم يشق الراس احس اني طالع بر وتبرد سبدي مره او القاء واحد محتاج عونه
7- وين السؤال الله يغفرلك وقم (7) او طمرته من العجله الله يرفع قدرك
8- شف انا من النوع الي يحب انه تكون العزبه او العده يمكن استعمالها في جميع الاعمال يعني محب كثرتها ولااحب ان كل شيله شي معين يعني مثال القدر اقدر اهذي فيه بصل وقدر اغسل الصحون فيه اقدر اطبخ فيه وغيره بالمعني الصحيح ماقل وكثر استعماله
9- الله لايجعلك سياره عندي ياخيي كل يوم هاج الكبوت ولو مافيها شي بس احب احورف وا تسدح تحتها المهم يروح الوقت وانا اتمقل فيها والصيانه لا انا بنفسي اصلح الموتر ولا اذكر اني وديتها لمصلح الا نادرآ
10- ربعي واخواني في الله
11- مابعد طلعة الي هالحين وشلون اتعب ذكرتني بمقال الله يغفرله (لبو فالح) عن الضره ام سالم
12- شاص 84 لنق جديد وهذني ادوج في المملكه كود القاء ان شاء الله
13- شف ياخيي عدة القص والتلحيم ماهيب كامله الحين لكن لبد من ان تمر الغرابي او محلات البر وتشوف الجديد ومنها تقتبس ومع الوقت يكون عندي اكتفاء ذاتي من العده
14- هالسؤال جوبت انت عليه في موضوع الاخ القصمنجي (ادخل وسجل) بس بيني وبينك الصدريه حلوه بس علي فكره العقال مهوب مايل (يابعد حيي و ميتي) ومع هالصوره الي بشوقك بيقول هذا رايح يخطب مهوب طالع كشته او ودك (توغدن)
15- من يوم اني في سادسه ابتدائي وحنا نطلع للبر علي سياكل والقدور قواطي حليب ابو (ولد) ماتذكر ياخيي
16- نص ايطاليه ام بنت
17- جعلك ماتشوف اخرب عليهم لين يخلوني اشتغل معهم بس لا يقلون اطبخ تكفي لئني اعرف نفسي اقيس الناس علي روحي يعني الرز يطلع مريس احسب انهم مثلي مالهم ضروس
جعل الصقر ينتف عين العدو امين يحبك لتشابك الشوش ياطبيب الحثبره بس قضينا منك الحمد الله
ومشكور يابعدهم علي سدحك لاسئلتك الي مثل التوت علي سبد صايم بس لا تشرق به وتغدي عيناتك حمر
الله يجزاك عنا بدخول الجنه امين يابعدهم
اخوك
خشم الحصان

[الطبيب]

انا خلوني بالخطوط الخلفيه

يعني بعد ما تخلصون منه سلموني اياه

كفيت ووفيت يا خشم خشمي ( خشم الحصان )

والدور عليك يا ابو احمد

هذا والله اعلم

والسلام ختام

[الطبيب]

الظاهر الشباب مستحين منك

اما انا فخذني جيتك

1- ماذا يعني لك منتدى مكشات

2- ماذا اختلف عليك بين عضو ومشرف

3- صيدك المفظل

4- افضل مكان تجد نفسك فيه في البر

5- ايهما افضل بالنسبه لك الصيد او الكشتات

6- نوع السلاح المفضل

7- لماذا لم تشارك في موضوع بركان حق سيارات الاعضاء والمشرفين

8- ماهو موقفك عندما تتأزم الامور في البر لاي سبب كان

9- منذ متى بدأت تتعلق بالبر والصيد

10- ماهو نوع اول سلاح امتلكته وماهو اسمه

11- ماهو شعورك حول الاعضاء ( غير الفاعلين ) يعني اللي مسجل من اكثر من سنه وعدد المشاركات ( صفر )

12- ماذا يكون شعورك لو جاك احد الاعضاء في البر وتعرف عليك وطلع عضو في المنتدى

13- ما هو اكثر شيء تحرص على تواجده معك لما تطلع للبر

14- هل لك هواية اخرى غير البر ( الطلعات والصيد )

15- موقف لا تنساه في المنتدى ( حصل لك شخصيا )

16- موقف لا تنساه في البر

17- مواضيعك متكامله ولكن ردودك مختصره جدا فما هو السبب

18- كونك مشرفا على اكثر من خيمه ماهي الخيمه الاحب على نفسك من الاخريات

19- كيف تعرفت على منتدى مكشات ومتى كان ذلك

20- ......................................

اقف عند 19 ولي عوده بعد الاجابات

هذا والله اعلم

والسلام ختام

[خشم الحصان]

الاخ الغالي
طبيب شق وبعج
السلام عليكم
الاخ طبيب تبيني اعونك او احتريه لين يجوبك لالالالا تفكه جعل امك وبوك في الجنه يوووووووووووووه طاح ماسمي عليه ولا في صفرة المغرب بس ماش ارمضان
ابقراء اسئلتك وشوف المناتق الي اتوقع ينتق منها وبسدها
اخوك
خشم الحصان

[الطبيب]

20- ماهو تخصصك وشهادتك

21- بماذا تحس بعد ان تنشر موضوعك في مكشات....... ولماذا هذا الاحساس

22- هل تدعو اصدقائك اللي تطلع معهم للبر و ما لهم بالانترنت لمكشات او انهم اعضاء بالمنتدى من مبطي

23- ماذا يعني لك هذا الموضوع الاشبه ما يكون بالتحقيق

24- هل تصرف كثيرا على هوايتك او هواياتك

25- كيف توازن بين متطلبات الحياة الاجتماعيه والوظيفه والكشتات

26- هل تجامل حتى لو كان على حساب نفسك

27- عضو تعتبره مميزا بكل المقاييس ( رأيك الشخصي )

28- هل لك محاولات اختراع او ترهيم ولو كانت بسيطه ام تفضل شراء كل شيء جاهز

29- وش تسوي بفصل ( السبات ) الصيف علشان تطلع من حالة الضيق اللي يمر فيها كل راعي بر

30- لو توفر لك مبلغ 50000 ( خمسون الف ريال ) كجائزه من احد المسابقات ماذا كنت ستفعل بها

اعتقد 30 سؤال كافيه يا ابو جراح والا لا

اكيييييييييد لا

اجل كمل من عندك

هذا والله اعلم

والسلام ختام

[laith]

حسبي الله على العدو .. والله اللي تفردو بك "خشم الحصان" و "الطبيب" يابو احمد
عاد ابو احمد من اكثر المشرفين امانا ومسالمه ولايستاهل كل ذا منكم ....

وينكم عن المعازيب الكبار

[الطبيب]

لا تستعجل

كل شي بوقته حلو

لكن خل ابو احمد يتكرم بالرد علينا اول

ثم بعده يجي دور تنتيفي انا

والظاهر الدور بعده على شقردي

هذا والله اعلم

والسلام ختام

[أبو فالح]

السلام عليكم ورحمة الله وبركاته

صقر يا خلفهم :

قبل بدء التحقيق ، ردد معي ( لالا للمراوغة والتشفير .. نعم للوضوح وكب العشيات )


1 - أنت أكثر مكشاتي مشاركة ... هل هذا يعني شيئآ لديك ؟
2 - ما هو العهد الذهبي للعضو ( سابقآ ) والمشرف ( لاحقآ ) ... صقر
3 - هل تتذكر رقم العضوية عند تسجيلك ؟
4 - ماهي آخر خيم مكشات ؟
5- خيمة .. تعاني السبات المكشاتي ؟
6 - موضوع أثير لدى صقر ؟
7 - موضوع أخذ من جهدك ووقتك ؟
8 - موضوع أو رد أنت نادم عليه ؟
9 - هل تملك قرار شطب العضوية؟ وهل حدث هذا ؟
10 - هل تخشى أن يكون أحدهم قد اشتبه في مرجلتك وفي طرحك ، فآثر القطيعة وعدم المشاركة ؟
11 - هل تعشق رمال ( الجرّاد )... حيث تجد الشمطري ، وقلط يبه ، وشرواك الطيبة ؟

[line]

صقر يا حياتي :

أنت اللّي ورطت نفسك في هذا التحقيق ... يعني بسرعة جاوب .

[الطبيب]

اتركوا ابو احمد

الظاهر ان الرجال راح يعتمر

واتوقع انه متعلق باستار الكعبه يدعي رب العالمين

وآخر دعاء له

(( اللهم خفف اسئلتهم علي ولا تجعلني من المحرجين ))

نتوقف قليلا عن ابو احمد والمشرفين الآخرين

ونبدأ بالطبيب

فأذا عندكم اي سؤال تفضلوا

========

ملاحظه :-

ردي هنا فقط لكي لا يموت الموضوع (( مرة اخرى ))

========

واتوقع اللي يبي يجلدني (( ابو فالح )) << مجرد توقع

طلب صغير :-

يا شباب يا شيبان .............

اذا بخاطرك اي سؤال يقرقع بصدرك

لا يردك الا الكيبورد

وترا الطبيب اخلاقه رياضيه

يعني ما هنا زعل ان شاء الله

هذا والله اعلم

والسلام ختام