مراسلات بين الرياض وقطر-الشرقية...الخميس4/ربيع الأول/1423 ...

[شقران]

السلام عليكم ورحمة الله وبركاته.
مساكم الله بالخير جميعا وأعاننا الله وأياكم على طاعته .

قبل أن أبدء اشكر اخوي راعي عنيزه الذي فزعلنا بالموقع وكلش. الله يجزاه خير ويزيده من مالديه.
فله جزيل الشكر على فزعته لي.

المجموعه التالية مراسلات طازجه حدثت البارحه بين الرياض والأحساء والدوحة قطر

والمتواجدون هم
الوزير (ابوتركي) الأحساء
البطران الأحساء
أبو جبر الدوحة- قطر
أبوسعيد (البركان) الدوحة -الريان- قطر
ساري- الرياض
الدكتور- الرياض
شقران (ابوسليمان) الرياض

والأستقبال لهم ولنا مايحتاج مابي اطول عليكم اسمعوا وارجو لكم الأستمتاع.
تحياتي لكم.
مقطع اول:
للاستماع

للحفظ

المقطع الثاني:
للأستماع

للحفظ

[السمح]

ماشاء الله والله روعة ..

الصوت مرة واضح كأنك تكلم داخل الرياض ..

فعلاً نحن بين ناس خبراء في هذا الفن الراقي ..

الشكر كل الشكر لك يابوفجر ولراعي عنيزة اللي جعل هذا ممكناً ..

[القناص]

عاشت ايامك يا جار
وياراعي عنيزه
والحاضرين
احلى ما في الصيف فتحة الجو

[شقران]

أبو تركي/ صبحك الله بالخير يابعدي.

ياهلا ومرحبا الله يرفع من قدرك ياغالي . الله يفيدنا بما علمنا. وهذي حلاوة الأجهزة تراسل على جهاز بثمان مية وخمسين وأريل بالفين وثمان وامبي بثمان مية ريال بس تركبهن زين وتتحسن اوقات المراسل وخذ علووووووووووم وسواليف طيبة مع جيرانك في الريان (الدوحة) لا وحلاتها( مايقدرون يخربون اللي انت خابرهم) لان ارسال أهل قطر دبل اوفرررررررررررررررررررررررررررررر وزود ....و كنهم في حارتنا يالله لك الحمد على هالنعمة وزينتهم اصدقاء اكتسبناهم من هالهواية وعرفناهم وخبرناهم والله ونعم فيهم ابوسعيد وابوجبر كرم ومرجلة وعلوم رجال وهواية حلوة وراعين بر ومقانيص وطيور. أه بس يابوتركي لوتصمل بس ننسق مع هالربع في مطراش للرملة كان علووووووووووووووم . تحياتي لك ياغالي شكرا على الزياره.

==========
جاري وحبيب ألبي ماش صارو البعيدين بالمسافة اوصل منك ماشاء الله . وش دعوه يابعدهم عسى بس محدن مزعلك علينا.

ترانا نبيك تقهوى وناخذ وتاخذ العلوم بس هاه لاتبطي ابو عبدالله وابوماجد والشلة يسلمون عليك ولاتطول يابعدهم.
شقران

[راعي عنيزة]

مشالله لا قوة الا بالله
هذا والله من طيب ارسالك وارسال الاجواد من قطر يا خلفهم

الا ما تخبر لي راعي وايت رخيص ناوي اغرق البرحه الي نطح البيت وبيوت الجيران معها عشان نهك على الرطوبه وتحسبني حول بحر اغديه تزود برجاتي عندك عن البييييييزي

[الراسي]

سلا م الله عليكم والله يعطيكم العافية بس أخوي شقران على ماأظن إن الجهاز اللي تتكلم عليه 8000 أيكوم
بس وش هو نوع الأريل وبعد كم قوته وإرتفاعه ونوع الإمبي وشكرا لكم على جهودكم ياطويل العمر.

[شقران]

يارعي عنيزه هذي بركات الله الكريم ثم بركاتك كانك تذكر فقبل نراسلهم راسلناك ويابعدي يجب الله مطر وتنقلبون بحيرات وهاتك ياهكيك على الجو يفتح دايم انشاء الله ونسمعكم احلى واقوى يابعدي. تسلم والله .

================
يالراسي خذ هذي صورة الأريل

وهذا رابط لموضوعه
ارعص هنيا

وهذي العده شف وتمقل

[الراسي]

مشكور أخوي شقران على مجهودك والله يعطيك العافية إنت واخونا راعي عنيزة وماتقصروا كلكم والله يجعلني أرد لو شى بسيط من جميلكم وشكرا لكم .

[الخبير]

ما شاء الله عليك يا شقران
شكل الدعوة ذاك اليوم صباحية

[شقران]

هلابك يالراسي وجزاك الله خير ياغالي وماسوينا الا اللي نقدر عليه ياغالي وفيك الخير والبركة.

===========
ايهيييييييييه الله الله
هلا والله بالخبير الظاهر انك كنت موجود اول ماكنا نراسل البحري وقبل نبدء التسجيل اللي ماعملناه الا بناء على رغبات الشباب ومنهم (الغالي) على الجهاز وهو احد مرتادي جوال العرب وسبق انه راسل معنا في احد المرات وهاك الليله لوك معنا مواصل ولا جا هاك التخريب والله انك على السياره تراسل قطر باذن واحد احد لأنها شقت من سما تقل كنا بالشرقية والا عندهم بالرطوبة . يجزاك خير وانشاء الله ناوين نكررها السبوع الجاي كانك بتشارك انت والاخوان.

[dabloog]

السلام عليكم ورحمة الله وبركاته.
ماشاء الله تبارك الله عليك ياشقران والله انها علوم تسر الواحد.
والى الأمام ياشقران وموفق.
ومشكور على هذه العينات من المراسلات .
واذا بتراسلني على رمزي (دبلوج) ولك مني جزيل الشكر.
تحياتي

[شقران]

صبحك الله بالخير ياراعي الدباليج.

هلا والله براعي بدر والله انها منيتي يالغالي نراسل هاك الديار ديار الخير المدينه وماحوليها بس ماش اظننا محنب اقوى من خلق الله ومنها الجبال اكيد بتسكر علينا الأشارة لاكن يالغالي وش العده اللي عندك تزبن يامال الغناة وتوصل الرياض .
والله انها ابرك الساعات يوم نسمع اصواتكم على العموم حنا برنامجنا بالمراسلات كل يوم ربوع وخميس وجمعه على الموجات التالية نتواجد
146050
146000
145850
145825
145925
145950
نجتمع في الرياض ومعظم المناطق الي ناصلها مثل ماسمعت على هالترددات ومنها عاد نتوجه لمكاتب مخشوشة اذا جا تقطيع وتخريب فياهلابك انت والجميع الربوع القادم والخميس والجمعه من بعد صلاة العشاء والساعة المباركة بك وبمن جا من اهل هالمنتدى الغالي او زائرية .
اخوكم /شقران