إستفســآر يالاجـوآد .."

[مسلط العتيبي]

شيهـآنـة < عمرها قرنـآسة توها وحش كم تسوى قيمتهـآ ..؟
يقول لي راعيها تسسسسام بـ 5000 الف ريال < وشرايكم بصراحـة أنا مادخلت راسي السومـة .
حتى إنها للحين ماركدت علي الوكر . أفيدوني هل سعرها معقـول ..؟

[همس الرعد]

اخوي بحريه والا جبليه وكم مقاسها ؟؟؟

[مسلط العتيبي]

جبليـة مقاسسها 13*12.5

[مسلط العتيبي]

أنا كان عندي جير ومات قبل رمضان ونـآوي اشتري لي طير إن شاء الله
وتفاجـآت بالشيهانـة ذي وسعرها . وقلت اسئل اهل الخبره والاجواد يفيدوني

[همس الرعد]

سعرها ما يتعدي 1300 الى 1500

[همس الرعد]

وان كانها اول طير تصقره ما انصحك ابد تاخذ قرناسه خذلك فرخ ازين لك واريح

[مسلط العتيبي]

أخوي همس الرعد يعطيك العافيــة يالغالي
لا سبق وصقرت لي وكري قبل سنتين وصقرت جير السنه الي راحت بس مات
والسسسسسسنه ذي ناوي إن شاء الله علي الخير والصقـآرة ( تقول أني خلاوي بدون طير احس بالوحدة بدون الطير هههههههههههههههههههه
بس الرجال قابلتـه ونويت والله اشتري الشيهانة بس يوم قال لي السعر تفاجات فيه
يعطيك العافية يالغالي والله يخليكم لنا ذخر

[الشمري ج]

ياخوي ان كانك قريب من الرياض مر على سوق الطيور وتحصل كل اللي تبيه واسعارهم حيل حيل زينه ورخيصه مرررره

وانا انصحك لوجه الله

الله يرزقك بالنادر

[قرناس شماالي]

اخويعادي السعر كل ديره غير عن الثانيه وطيور مهي كلهاء غاليه الئ الطيب

[مسلط العتيبي]

أخــوٍي الشمــري < الله يوفقك يالغالي وشكـرآً علي النصيحـة
أنا بالرياض وإن شاء الله أمر عليـهم اليومين ذي . الله يجزاك خير علي النصيحـة

[مسلط العتيبي]

آخوي صياد سكاكا / الرجال أعرفـه أنه يتاجر بالطيور يبيع وشتري ودقيت عليه اليوم وليتني مادقيت قالي 5000 قسسسم أستغربت وبالذات أحنا بالسسسعـوديـة الايام ذي الوحوش متوفره بسعار رخيصـة ( أنا كل يووم ادخل المنتدي هنا واحصل الاسعار معقـولـة
يعطيك العافيـة علي المرور يالغالي / لك ودي

[المغتر2]

الله يرزقك بلي تبيه انشاء الله بس جبليـة مقاسسها 13*12.5
واجد عليها 5000 حدها 1500 ماتتعدا هالسعر

[راعى شاهين]

قرناسه وجبليه ومقاسها 13 وبخمس الاف خله يغنى ياليل ماطولك خذلك فرخ حر بخمسه وخلها تولى او قرناسه وحش

[راعى شاهين]

قرناسه وحش بحريه تامه مو زى طيرت الرجال هههههههههههههههههههه

[هواي داورد]

أخوي مسلط كانك تبي نصيحه مني لاتأخذ جبلية

خذ لك مثلوث حرار تلقى قيمته بين 4000 و 7000

ويجيك أسبق من الجيره والحرار ( بس ماهنه ركاده )

أو بحريه كانك تبي تهد على طيور الماء