اخواني الاعزاء
تعددت الاخباز والخبز واحد
افيدوني باسهل طريقة عمل الخبز بالبر
مع افضل انواع الصاج المستخدم
يالله يالنشاما نبي همتكم الله لايهنكم
يسعدكم ربي
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
اخواني الاعزاء
تعددت الاخباز والخبز واحد
افيدوني باسهل طريقة عمل الخبز بالبر
مع افضل انواع الصاج المستخدم
يالله يالنشاما نبي همتكم الله لايهنكم
يسعدكم ربي
هلا أبو هاني
ماقولك إلا تنزل صور المقطوطه
الطريقه سهله جدا,,, <<-----<< خبَاز
تحضر وعاء خاص للعجين وتضع فيه الطحين وشوية ماء
وتمزج الطحين مع الماء وكل مالاحظت إن الطحين ناشف تضيف عليه ماء
كرر العمليه حتى تلاحظ إن العجين بدأ يتماسك واكتمه بسفره او قطعة قماش لمدة نصف ساعه
بالنسبه للصاج فيه أنواع كثيره تجدها عند محلات الأواني المنزليه
بعد النصف ساعه تجزأ العجين إلى قطع صغيره
بعدها يتم فرد العجين على شكل دائري أما باليد أو بالأداه الخاصه لفرد العجين
قبلها تكون مجهز الصاج وشاب النار إما عن طريق الغاز أو الحطب
بعد فرد العجين تضعها على الصاج وحاول تقلب الرغيف على السريع علشان لا يحترق
أول خبزه لي إتفقنا
أتمنى إن المعلومه وصلت
تقبل مروري
اخوي ابومقطوطه قصدى ابوهانى هههههههه
اخوى رعد ماقصر وانا باالطبخ والخبز تراى من جب القده
بس اذكر يوم كنت مساعد خباز يقولون الخميره مهمه باالعجين وملح خفيف واذا تبى الخبزه صح اهم شى الفرن صح والصاجه صحين يعنى حم الفرن مزبوط يطلع لك خبز تنور
اخوي ابو هاني حتى انا زيك عجزت أتعلم
على خبز الصاج
لكن لعل وعسى أستفيد من بعض الاخوان
وتقبل مرـوـرـي
السلام عليكم
بالنسبه لي فطريقتي غير
خذ دقيق اسمر وابيض واخلطها مع بعض
ثم اعجنها ولا تخليها متماسكه يعني نوعا ما سائله واظف لها ملح واذا تبي تظبطها حط بيضه او بيضتين واعجنها طبعا اهم شي لا تكون قويه يعني خلها شبه سائله
ثم سخن الصاجه على النار سواء على الجمر او على القز ومن ثم حط شويه زيا لو سمن المهم اي دهن على الصاجه ثم صب العجينه صب على الصاجه وهي بتجي تلقائيا على شكل قرص واذا بدت تستوي اقلبها على الجهه الثانيه
وبالهنا والعافيه
طريقتي في الخبز
دقيق ابيض الكويت
بر اي نوع وانا استخدم الحجاز
اخلط كوب من هذا وكوب من هذا
شوي ملح لان البر يجي مملح ويمكن يكون ناقص ملحه ويمكن يجيك 100%
المهم تصب قليل ماء على العجين
وتبداء تعجن بيدك لين تشوف الخلطه شربت الماء وتزيد كمان شوي لاتكثر وتعجن
وكرر عملية الماء القليل والعجن حتا تضبط 100%
وترا سهله مررررررهـ
واذا تبي تحط خميره حط نص ملعقه صغيره لاتكثر طبعا مع المقادير الاوليه وتبدا تعجنها مع العجين وتغطيها لين ينتفخ معك العجين
وتجيب الصاج وتحطه على النار وتغسل يدك بالمويه وتلفضها على الصاج ويبين معك انه حار مره وجاهز ارخ النار عليه لدرجه توسطه وافرد العجين على الصاج وبعدها حاول تقلل النار عليه لين تشوف الخبز قاسي شوي من فوق وتبداء تقلبه على الجهه الثانيه
طبعا فيه ناس تسوي العجين سايل كما تكرم اخوي هواوي
انا ماناسبت معي نهائي وكل واحد له طريقه يحترفها
انا عجينه ثقيله مره حتى اذا جيت تقسمها لازم تستخدم فاس من قوتها <---- ياويل امها صدق
هذا رابط لموضوع المشرف ايمن ان شاء الله يفيدك
http://www.mekshat.com/vb/showthread.php?t=21260
لكم مني جزيل الشكر على الردود والتوجيهات المثمرة
راح اطبق التعليمات اولا بالبيت لتلافي الاخطاء بالبر التي لاتغفر عند بعض الشباب والله ماقصرتو
نبي طريقه صاج البدو السهله مع المقادير الكميه
أفضل لطريقة لعمل الخبز هي أن تقوم بخبزه .
الذين يشاهدون الموضوع الآن: 1 (0 من الأعضاء و 1 زائر)