لغز قديم >>>>>>>>>>>>>>>>>>>>> اللغز تم حله من قبل ( ابن هيازع )

[سالم عقيلي]

السلام عليكم ورحمه الله وبركاته
اليكم هذا اللغز

اللغز يقول

ابسألك عن بيت ياوي من بيت
بيت(ن)تبنى مايتروق ارواقه
ما حاشت ايدك على البيت حطيت
تاكل البيتك ماعزمت الرفاقه

وتقبلوا تحياتي

[قلب العنا]

حى الله سالم وصح لساانك رمعتى والعلم عندالله بيت القصيده ,,,,,

[سالم عقيلي]

قلب العنا الله يسلم قلبك محاولتك طيبه لكن اعذرني اخطيت الهدف ودمت وسلمت

[سطام F15]

صح لسانك أخوي سالم وش رايك في البيت اللي به عسل النحل مثل الخلية يجي سمعت كذا ويمكن صح أو غلط تحياتي لك

[سالم عقيلي]

رفع الله شانك عندربك وجعلك الله بيت بالجنه انت والحاضرين ودمت سالم وغانم اما بالنسبه للحل اعذرني مالك لوا

[الدوسرية]

صح السانك

البيت في الجنة

[سالم عقيلي]

الدوسريه رمعاتك طيبه وانتي اختي اطيب وجعلك الجنه اما هالمره ابعدتي عن الغز وحله دققي النظر انتي والحاظرين بالشطر الاول من البيت الثاني والله لايهينكم

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير
صح السانك أخوي سالم
وشو قولك بـ(بيت النار) الا هو حق الخباز
والله يبعدنا جميعاً عن النار جهنم وأهوالها ..اللهم آآآآمين

[خالد البدائع]

صح لسانك ياسالم وش رأيك بالصاج

[سالم عقيلي]

جعل النار ماتجيكم مالك لوا والصاج ابعت كثير عن الحل والغز لوه قديم ترى بركتنا بهدنيا الا وهم الشيبان يستعملونه ودمتم سالمين

[خالد البدائع]

مصطلح الحل مأعرفه بالضبط لكن هو عباره عن حفره صغيره في بيت الطيت كانت تستخدم قديمآ لوضع الزاد فيها

[سالم عقيلي]

فتاك البدائع طيب الله حظك قربت شوي بقولك حفره لكن ماهو الحل الصحيح جمل الله حالك اسائل الشيبان تراهم الخير والبركه ودمت سالم غانم

[خالد البدائع]

طيب ايش رأيك بحجرة الطين
أما بالنسبه لشيبانا لو انشدهم عن عشانا البارح مايذكرونه

[الدوسرية]

بيت الشعر

او ارواق او الحضار الي من السعف والخوص

[الدوسرية]

يمكن الجصه الي يوضع فيها التمر