هنا توضع جميع الاستفسارات عن الربيع واماكن الكشتات وظهور الفقع لموسم 1430-1431هـ

[معكم علىالخير]

حياك الله ياسنايدي
بالتوفيق في الحل والترحال
ابقول لك اللي أعرف والاخوان يوافقون أو يعدلون ونستفيد
تمشي بمخططك حتى تصل حايل ومنها تتوجه لبقعا على تربة على لينة ومنها تفرق يمين وتواصل حتى محطة البطيحانية على طريق الحفر القصيم
ومن المحطة تفرق يمين يجيك المزاين وإذا طاب خاطرك من المزاين واصل طريقك للقصيم يجيك الطريق السريع بين الرياض والقصيم توجه معه يمين للقصيم ثم المدينة سالما غانما
أتمنى إني أعرف المسافات بالضبط حتى أفيدك لكن الاخوان مايقصرون
طبعا الطريق كله مسفلت

[مستشار لا يشار]

أخوي alsat3 جزاك الله خير على تفاعلك
معنا وهذي المبادرة الطيبة بتوجية الإخوان
لمحلات الربيع والكشتات المميزة ماننساها لك
المرجو توجيهنا للمواقع والكشتات الممطرة
حتى نخطط لها آخر الأسبوع أن شاء الله

[جمس قطعه 10]

السلام عليكم والرحمه

كل عام وآنتم بخير وعسا كل وآحد فيكم وسع صدره به العيد يارب

عندي كم استفسار انا من اهل الرياض

وارغب باان اخذ الاهل في جوله بريه قريبه من الرياض الا تزيد مدة المسافه عن الساعه والساعه نص

سؤالي عن :: روضة خريم كيف اوضاعها هاالاسبوع والاسبوع الجاي هل تستاهل الزياره

او روضة تنهات هل ربعت او تحتاج لوقت اكثر بعد هاالامطار الله يغيثنا بغيثه الكريم

لااتذكرا الروضات القريبه من من مدينة الرياض لان صار لي والله فتره عن البر واهله ورايكم بالنفود القريب

يناسب العوائل !

ولكن مايسعني الا اطلب مساعدتكم مع الشكر مقدماً ..

واتمنى هاالاستفسارات تفيد الاخوان الاخرين

[raed]

السلام عليكم

شكرا على كل من مر وشكر خاص من شارك

[سند123]

الله يسهل اموركم ان شاءالله وخلك رحال في كل مكان الي مكان وفي كل بر اخر مكان

[برادوvx3]

ماشاء الله عليكم 14 يوم
الله يهنيكم تروحون وترجعون بالسلامه

[AHMAD ALESSE]

لا يفوتكم يا أهل مكة خط المدينة بعد منطقة الجموم مباشرة ربيع ما قيد شفناه في هالمنطقة

[قرآني عماد حي]

السلام عليكم ورحمة الله وبركاته
أنا من سكان جدة وعندي رحلة تخييم
مع عدة شباب في الإجازة القادمة بين الفصلين
وين المكان الطيب اللي ينفع التخييم فيه

[قرآني عماد حي]

وأكون لكم من الشاكرين

[المميـز]

ســــــؤال .. /

وش الأوضــــاع في روضة خريم والتنهات وغيرها من الأماكن اللي جاها مطر هذي اليومين

وين تنصحون اللي ناوي يطلــع الاسبوع هذا ؟؟

ولكم كل الشكر والتقدير على موضوعكم الرائع

ونرجوا الاجابه قبل يوم الاربعاء

[ffahad]

حياكم الله
اخواني لي طلب بسيط للي يعرفة
وهو احداثية دكاكة الصقري

[مجردانسان]

تكفون ابي درب للقصيم أو الزلفي من دوار العتش بالدهناء

[صقر مبرقع]

ياجماعة الخير ابي اكشت الخميس الفجر بأذن الله
ابيكم تدلوني علي الروضات او الفياض القريبه من الرياض وتكون مربعه يعني بالكثير 200 من الرياض
ولو وجد احداثيات لها اكون ممنؤن لكم بالشكر

[كشات غربي]

وين أهل الباطن
حفر الباطن يا اخوان جاها خير اول السنة وعقب
ما ارسلتولنا اماكن الربيع والكشتات
نريد الصور والاحداثيات

[كشات غربي]

وين أهل الباطن و النعم... وينكم ؟
حفر الباطن يا اخوان جاها خير اول السنة وعقب الله يهنيهم ويرزقنا
ما ارسلتولنا اماكن الربيع والكشتات
نريد الصور والاحداثيات
وبعدين سمعنا عن فياض حول القاعدة العسكرية ، هل هي مفتوحة للجمهور أم هي داخل نطاق سور القاعدة ؟
نريد تحديد للربيع