بسم الله الرحمن الرحيم
اماكن التخييم بحائل الوصف والاحداثيات
بالمختصر المفيد حائل كلها شعبان وجبال وطلح وبطاحي حمراء
نبدأ بشمال حائل
ويتميز بكثرة البطاحي الحمراء وشجر الطلح والنفود الكبير
منتزه مشار اذا مسكت طريق حائل جبة (شمال) تجيك اشارة اطلع يسار 3 كم يجيك
وادي مشار وهو بطاحي حمراء مع طلح وتحيط به الجبال من كل الجهات ماعدا الجهة الشرقية
وهو المدخل للوادي وانا انصح بالتخييم فيه وخاصة انه قريب لحائل ويتوفر فيه خزانين للمياه
واذا تبي تبعد شوي اذا جيت نفس الاشارة لا تلف يسار خلك ماسك الخط شمال وانت ماشي مع
الخط تشوف الشعبان والجبال يمينك ويسارك وبعد 40 كم يجيك النفود الكبيرعند قرية قناء
وهذه احداثيات للمواقع الجميلة
مشار العرض 27.33.57 الطول 41.37.11
قرية نقبين توجد شعبان جميلة شمالها 27.37.05 # 41.38.24
قرية توارن ويوجد بالقرب منها منازل حاتم الطائي وقبره ووصفها بعد ماتقطع مسافة 35 كم
على طريق حائل جبة تجيك قرية السفن وبعد ماتتعداها يجيك مفرق يساربعد محطة الموقدة الى
قرية الحفير تمسكه لمسافة 25كم تقريبآ تجيك قرية توارن
وهذه احداثيتها 27.35.22 # 41.26.34
ويوجد بالقرب منها العاجزة وهو شعيب بوسط الجبال والطريق اليه من توارن ردمية ويحتاج
الى سيارة دفع رباعي وهو من اجمل المواقع في حائل
اما بالنسبة لجنوب حائل
اسأل عن طريق حائل الروضة وهو يبدأ من بعد شركة كهرباء حائل
وبعد ماتمسكه لمسافة 30 كم يجيك شعيب المشط واذا كملت الطريق لمسافة 40كم بعد الشعيب
تجيك مدينة الروضة وحولها جبال رمان وشعابها
وهذه بعض الصور لجبال حائل وشعابها
رد مع اقتباس
