صاجه تحت المكينه للباثفايندر .... سؤال؟

[BASSAM]

السلام عليكم ورحمة الله وبركاته

اخواني، الصا جه البلاستك اللي تحت المكينه في الباث تقطعت وجيت اركب جديد بس قيمته عند الوكاله ب457 ريال وبعد الخصم ب 390 ريال وتجي بعد كم يوم ودورت تجاري مالقيت بالسوق.

وش رايكم احد ركب من قبل شي رخيص ؟
وش رايكم اذا احد ركب صاجه حديد بدال البلاستك ؟ وين المحلات الزينه ؟ تراي بالدمام.

تراي انتظر ردودكم

وجزاكم الله خير.

[مزن]

السلام عليكم ورحمة الله وبركاته

نعم اخوي انا مركب صاجه حديد مع كل تقويساته للباث بمئة ريال فقط .

مع ملاحظة انه افضل واكثر حماية للمكينة .

اما عن المكان فهو في الرس.ولو اردت المساعة فابشر.

[BASSAM]

اخوي مزن

السلام عليكم ورحمة الله وبركاته

جزاك الله خير على سرعه الرد...... .بس عندي اسئله:

#يحتاج اجيب السياره للرس للتركيب، ولا الصاجه تركب في نفس فتحات الصواميل حقه الصاجه الاوله وبس.

#هل واجهت مشاكل مع الصاجه الجديده ؟ وش اسم المحل بالرس وتلفونه وعنوانه ؟ وهل المقاسات جاهزه او عندهم شي جاهز؟

#طلب اخير عندك صوره للصاجه اذا ممكن ؟

وجزاك الله الف خير اخوي مزن.

[مزن]

ماشاء الله عليك ياكثر اسئلتك.امزح

لاياخي مهي معقولة تجيب السيارة على شان الصاجة بس وعلى قولتك المقاسات

نفس المسامير حقات الاولة اما من ناحية المشاكل لاابدا والصوره ماعرف انزله

المحل هو:الصقعبي في الصناعية ورقمه 063331818

واذ احتجت اي مساعده ابشر.

[BASSAM]

اخوي مزن

جزاك الله الف خير ورحم الله والديك .

وشكرا على رحابه صدرك.

واذا احتجت المساعده فلن اتردد في الاتصال عليك لانك اخوي.

بدور في صناعيه الدمام مع اني ما اتوقع القا عندهم

( ترا اذا مالقيت ابي فزعك الله يجزاك الف خير.)

[ولد الشايب]

السلام عليكم ورحمة الله وبركاته

أنا زيك يا أخ بسام من الدمام ورحت للرياض بالصيف لورشة في صناعية الرياض اسمها المميز
ويركبون هذي الصاجة مكان البلاستيكه بس أنا ما ركبتها وإن شاء الله إني بركبها

[شايب الصمان]

بسام ومزن
قريب عندك وماتقول ....
ابوديك لورشه أتعامل معهم ويرهمون الي تبي
ولكن سؤال عند تركيب الصاجه الحديد الموتر ما يحتر لان الصاجه تبي تحتر
ومن ثم ترجع الحراره على الماكينه. مجرد سؤال

[الجنوبي]

الاخوه الا فاضل
انا بعد ابي اركب صاجه
لان البلاستيك تشقق
من الطعوس
ومربطه باسيام
........
فياريت احد من الشباب ينزل لنا الصور لهذه الصاجه الحديد
لاني حصلت البلا ستيك 400ريال وهونت...

[BASSAM]

اخواني شكرا على تفاعلكم وجزاكم الله الف خير0

شايب الصمان شكرا لك ونبي جواب لسؤالك من مزن قبل ما نركب انا وولد الشايب والجنوبي0
اخوي مزن وش رايك بكلام شايب الصمان ان الحراره ترتفع هل لاحظت ذلك ؟

وجزاكم الله الف خير جميعا0

شكرا لك اخي مزن على الرساله الخاصه وفزعتك معي0

بسام

[BASSAM]

السلام عليكم ورحمة الله وبركاته

اخواني ابجاوب عن اخوي مزن لاني اتصلت عليه واعطاني الجواب.

يقول انه مركب الصاجه قبل 8 شهور ولا اشتكى منه ابد مع انه يطلع للبر كثير والحراره ما تغيرت ابد.

جزاه وجزاكم الله خير.

[شايب الصمان]

الاخوه بسام ولد الشايب والجنوبي

مستعد لعملها لكم ولكن عطوني وقت فقط .
أما عن الورشه فهي بالدمام
الاخ الجنوبي اذا كنت خارج الدمام فمستعد ارسلها لك
ويمكنك مراسلتي وأبشر بسعدك
والذي يحب يروح للورشه يمكن يروح يراسلني وأعطيه الوصف ورقم الهاتف
حتى لاتكون دعايه للورشه .

[BASSAM]

اخوي شايب الصمان

السلام عليكم ورحمة الله وبركاته

جزاك الله خير على مجهودك، وخلاص احجز لي وحده (اقصد صاجه)

والاتصال بيننا ان شاء الله.

[الجنوبي]

شايبنا العزيز
الله يطول بعمرك
شاكر لك كرمك
بيني وبينك مئات الكيلو مترات
فياريت نشاهد لهذه الصاجه صوره ..في هذا الموضوع ان امكن

[BASSAM]

اخواني السلام عليكم

لقد قمت بتركيب الصاجه الحديد عند احد الورش بالدمام نفس اللي سوالي تانكي الماء وبقيمه 100 ريال بس بدون مكاسر وعملها من الحديد المجلفن 1.5 ملم ضد اصدأ على حسب كلامه، صحيح شكلها مو 100% مثل الوكاله ولكن قريب وتفي بالغرض وبالنسبه للحراره ما تغيرت ابد مع تشغيل المكيف والسياره واقفه لمده نصف ساعه تقريبا وتم وضع مسمارين في الامام و 4 مسامير في الخلف وتم عمل نفس الفتحات .

مع الصور

[الجنوبي]

الله يعطيك العافيه اخوي
بسام
الصاجه حلوه وراكبه مزبوط
......................
لا كن وين ركبت تانكي الماء
بالشنطه ولا تحت السياره
فيه مكان مقابل الكنداسه في الخلف.... ينفع.ولا لا
............................................