اخبار مراسلات يوم الخميس الماضي

[راعي عنيزة]

سلامن عليكم يا معشر الربع

في مساء الامس تمت مراسلات مكشات وقد حضر للقناة من رواد المنتدى كل من :
السمح (مدري وينهوبه ) الخبير (طعوس الثمامه) وطبعا شقران ( شمال الرياض) ومحسوبكم راعي عنيزة ( بر عنيزه)
وبالطبع انا كالعاده ما وصلني الا ارسال شقران ويقال والعهده على الرواي ان الخبير سمع صوتي ووصله الارسال متقطع
هذا وقد تخلف خوي راعي كيف عن المراسلات مع انه سبق واعطانا ok الا انه في الاخير هون وقرر اعطائنا ركبة عنز

مشاهدات ومفارقات -
- حضر للقناة شباب من مدينة بريدة والغريب انهم ليسو من رواد الانترنت ولكن وصلهم خبر المراسلات بواسطة زملاء لهم زارو المنتدى

- تعطلت عن المراسلات لمدة نصف ساعه لان واحد مزاجه مزاج عنز معلق الريشه على مسجل فوق قناتنا ب 12.5 ولو انه معلقها على حجاب او بشير وباقي شلة العرابجه كان تهون وتصير عادي ولكن الغيريبه ان اخينا معلقها على سنفونية بيت هوفن وش يعرفك بالسنفونيات يا وليدي خلك بطقيت باب الهوى وانت مدحدر

- اثناء مراسلتي لاحد الشباب في بريدة (20كيلو عن موقعي ) تفاجأت ان هناك من يلحط ارساله ويقطعه اربا اربا والمفاجأه هو ان هذا الملحط طلع شقران (310 كيلو ) وقد كرر هذه العمليه 3 مرات بتلحيط راعي بريده وما نقول الا اررررررررررسال يا دافع البلا والله لا يضره

- اثناء المراسلات لاحظت صوت غريب صوت نفخ واعتقدت ان هناك شيء لصق بمروحة الجهاز ولكن ابشركم الموضوع طلع ابسط من كذا
الصوت طلع صوت
-
-
-
-
-
-
-
-
-
-
-
-
-
-
-

-
-
-
-
-
-
-
-

عادي طلعت ام جنيب تتمشى على الفرشه الظاهر ان ودها تراسل بس مستحيه
عاد حنا من الشجاعه بغينا نهج للديره بدون ما نظف قشنا وصدق من قال الجري نص الجدعنه والعمر مش بعزقه


هذه مشاهداتي واخباري وفي انتظار اخبار ابو سليمان وبقية الشباب

[الخبير]

السلام عليكم ورحمة الله وبركاته
حيا الله راعي عنيزة ، انا صحيح سمعت صوتك ، حتى قعدت اضحك يوم قال لك شقران : ترى الخبير يسمعك بس متقطع .
ثم قلت انت ( وهذا المقطع انا سامعه بإذني الثنتين) : الخبير يسمعن. و ابغاك تركز على الإدغام لانك يوم قلت حرف النون طن في إذني .
المشكلة تدري وش هي ؟؟؟
البلا ان شقران زاويته غير زاويتي ، و خاصة وانت تراسل بدايركشن .
المهم زين سمعت صوتك ، و انشاء الله ابي اراسلك قريب اذا لقيت لي محل في الشاص احط فيه امبي .
تكفون اذا كنتم تعرفون احد مركب امبي في شاص يقول بالله وين؟؟؟؟؟؟؟؟؟؟؟؟؟

[راعي عنيزة]

هلا والله بالخبير
تو ما زاد غلا الجهاز يوم سمعت الصوت وجاز لك الادغام بغنه

اما اختلاف الزاويه فما اعتقد انه يفرق كثير لان التوجيه تقريبي وموب لازم بالدقه والشاهد ان شقران امس اعتقد انه وجه للدوادمي ومع ذلك كنت اسمعه !

وبالنسبه للامبي ورا ما تحطه خلف المرتبه وتشتري له ذي القاعده اذا كانت متوفره او تصمم مثلها ولاحظ المروحه مثبته فيها

[خوي راعي كيف]

والله اني مجمع كل عفشي ومشبك الدنيا قلت الحين ابراسل قبرص من التوصيلات

واللي يشوف الاسلاك والغرابيل يقول هذا يبي يصنع نووي ...

بس شااااااااااأت الاقدار وحدث ضرف طارى ولا خلانا نراسل واتوقع ان هذي رحمة من الله لراعي عنيز

من التلحيط

ولكن الجايات اكثر؛؛؛؛

[الخبير]

ما قصرت يا راعي عنيزة ، لكن يا اخوك اضن الامبي يبي له هواء ولا يبي يحتر علي ، يعني ورى المرتبه ما يجيه هواء ، وهل يبي يحتر ، هذا سؤال احب اوجهه لشقران .

[راعي عنيزة]

خوي راعي كيف
احلى يا راعي قبرص انا اتوقع انك جاي وقاعد تصوت من الصبح بس ارسالك ملحط ما وصل حتى عنيزة ومن الفشيله قلت صار عندي ظرف ولا جيت

الخبير
الله يحييك وبانتظار رد الخال شقران

[شقران]

ماشاء الله تبارك الرحمن أن اشهد انك يارعي عنيزة البارح ارسالك توب وماشاء الله فادتك ذا القاعدة والموصيير المسكنمة.

أيجازالمراسلات البارحة:

طبعا اكل الجو اخونا راعي عنيزة من القصيم واقل شي استقبلته 4 ابراج وماشاء الله هالاسبوع القاعدة نفعت ومثل ماقال اخوي الخبير انه سمعك متقطع وان انشاء الله اشهد على ذلك.

الموجودين في الموجة من الرياض:
برغي وسمع توناتك ياخلفهم بس ماش جو اللي انت خابر.
الخبير وسمع ارسالك متقطع ويبيله امبي من تحت الأرض.عشان يسمعك وتسمعه في الجايات.
كان معنا ايضا في الأخير السمح الله يحفظه واستاذن وعليها .
وكان معنا حبيبنا القناص اول الفتره ولكنه بعد استاذن وجا اخر المراسلة وحبيبنا ماش قاعد تلحيط في مهبول يقاله صعفق خبل هدر كبر جدي يقول والله انكم كذابين واني للألحطكم هنا بالرياض واقوله ياشيخ دن هناك.
كان معنا من الخرج الحبيب ابو الفوارس والعزيز ميرندا.

اما اهل الدوادمي ومصده لم ينجح احد
واهل الشرقيه وقطر والأمارت مطيحين في القبون والزبيدي وفالينها ونسو الوعد الظاهر .
ماعلينا كانت المراسلة ناجحة بكل المقاييس هذا والجو على الفتحة التمام باقن عليه شهر بالتمام والكمال يعني شهر 7 و8 تبي تنشق.
اما انت ياخوي ابوناصر من شفت مواعيدك مع ابوناصر في المغيسلية وانا قايلن تث وين تاصلون يالله يبيلكم سلك تلفون هههه ياحبيلك والله. الله يحفظك ويرعاك هاه لاتحجج عاد الأسبوع الجاي تراني على وعدن ثابت

اجابة على استفسار اخوي الخبير لابد من امبليفاير عشان تاصل هاك المواصيل وابد مايبيله انشاء الله اكثر من 200 واط وتركيبه في السياره يبيلها حوسه ودوسه لاكن بالصندوق مهوب نافعك والله ان يسيح مع الشمس مهوب يطق!! لازم تضبط له محل بويرد بالموتر من داخل وفكرة ابوحمد طيبتن بالحيل يعني مروحة مابدهاش ملزوم اوي عليها ياغالي واذا مريت علي انشاء الله ايت يوم بشوفلك وين تحطه بموترك ووشلون تصممله صندوق بمروحه مع ان ابوحمد ماشاء الله نزلك صورته يعني مايبيلها تغيير ثبت وشوت.
تحياتي لكم جميعا والى اللقاء في السبوع القادم.
شقران

[راعي عنيزة]

هلا والله ابو سليمان وشكرا قزيلا على موجز انباء المراسلات فرع الرياض وضواحيها
وابشرك بنتنازل عن حقوق الحمايه الفكريه وبرائة الاختراع حقت المواصير
صورناها وانشالله بنزل موضوع عنها

[شقران]

لاشكر على واجب .
يابعدي والله تسلم وهذا خبرنا فيك يامال الغنيمة .ننتظر على احر من الجمر.
ومشكور مقدماً.
تحياتي

[خوي راعي كيف]

كنك داري ياراعي عنيزة طيب ورا مازحيت لي شوي خل انفس وارسالك يقطع على الاقمار الصناعية

المرة الثانية الله العالم اني ابواجر شركة الاتصالات بأريل من حقات الجوال كلة علشان خدمة التلحيط

وانا تراي ياشقران قلبي ماودي اقطع سواليفكم انت وراعي عنيزة شفتكم متحمسين قلت خلهم ياخذون

راحتهم

لكن الميدان ياحميدان الاسبوع الجاي ؛؛؛؛؛؛؛؛

[البتار]

عيني عليكم باردة ....

مراسل حقيقتاً نفتقده في كثير من القناوات .... نعم هذه هي هواية الإرسال ( أخلاق رفيعة ، الحرص على إفادة الجميع ، المزح المعقول تحت الضوابط الشرعية وليس كما يسمع الآن في كثير من القنوات )

الله يكثر من أمثالكم ويزيدكم كمان وكمان

[راعي عنيزة]

الله يسلمك ويبقيك ابو عبدالله وكم نتمنى انك تشاركنا ونسمع صوتك يا خلفهم