15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 6 من 6

الموضوع: ديوان الشاعر/ ((( الحر)))

  1. #1
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489

    ديوان الشاعر/ ((( الحر)))

    بسم الله الرحمن الرحيم
    السلام عليكم ورحمة الله وبركاته
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    (((المقدمه)))
    الشاعر / (((الحر)))- من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
    دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
    في متناول القارئ وهي تقدر للشاعر مايبذله من جهد وتفان ٍ في هذا المجال

    ((السيرة الذاتية))

    ننتضرها من الشاعر

    """""""""""""""""
    """"""""""
    التعديل الأخير تم بواسطة ريف النشاما ; 17/01/2005 الساعة 04:51 AM

  2. #2
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    بسم الله الرحمن الرحيم
    هذي قصيده ارسلها لي احد الاصدقاء
    وهو الشاعر/ ابراهيم العبدالرحمن - من اهالي الفيضه بالسر
    وهي تتحدث عن معانات اهل الصيد في المنطقه والعقبات التي يواجهونها وحال القنص عموماً في بعض المناطق..!!!وقد قمت بالرد عليه .... واليكم القصيده والرد عليها . .ارجو ان ترتقي بحروفها
    الى اذواق اخواني الاعضاء والزوار...!!!
    بدينا بذكر اللي لما بالورى يعلم=له الناس تسجد طالبينٍ لغفرانه
    الهي طلبتك يارحيمٍ لنا ترحم= اذا جاء الحساب وكل وزنٍ بميزانه
    واسلم على اللي للقصيده سمع واهتم= سلامٍ بريح عطور بقشان واخوانه
    لفانا سهيل وقالو الربع قم واغنم= ترى كل طلحه باصفر الريش مليانه
    تشوف الصفاري والقميري وهو مشحم = توكل على الله وادحر ابليس واعوانه
    ترى الفجر موعدنا بعد ماتصلي قم= نبي نمكنه من قبل يكفخ بجنحانه
    واخذت ام خمس مصرحه وارد المقنم= وشد الفشق مكتوب رقمه وعنوانه
    ركبنا على الجكسار الابيض وقلنا تم= نبي نطرد الصيد المذكّر بشعبانه
    مشينا ولفّينا ودخنا وزاد الهم= نشوف الشعيب ولا وصلنا لشجرانه
    عقومٍ تخاطم وابترمنا عليها برم = من الحرص كل صك شبكه وبيبانه
    واذا عاملٍ ينفخ واذا عاملٍ يرجم= وكلٍ علينا يرفع الصوت بلسانه
    وش الراي قالو للعصل نربط المحزم= معه وادي الشوكي به الناس شبعانه
    وقالو نبي نمشي ولاضننا نندم= ترى الصيد بالشعبان يعنى على شانه
    وصلنا والى العالم تقل داخل المرجم= وكلٍ معه بندق والاعصاب تلفانه
    واذا جت قميريه والى اللي وراها كم=ثلاثين كلٍ يمها مد علمانه
    ويمر الفشق من عند راسك تقول اسهم= ولا تعرف الرامي ولا وين مسكانه
    لقيت السلوم مضيعه والطريق اظلم=سلوم القنص ضاعت وضعنا بميدانه
    وصوّت ياربعي مشينا تراه اسلم= قبل لايجي خبلٍ تصيرون نيشانه
    نبي نمتنع عن صيدٍ اغبر وكله غم= وابيّع سلاحي لو يجيب اقشر اثمانه
    واعّود للوحاتي وابحط لي مرسم= واقول الهوايه رسم بالزيت والوانه
    وصلو عدد مالاح وسط الخضيرا نجم =على الهادي اللي خصه الله بقرآنه
    """""""""""
    """
    يتبع الرد .....رد اخوكم
    ...((( الحر)))...
    هلا بالذي صـاغ المعاني لنا واحكـم=هلا بالـذي يطلـب رضى الله وغفرانـه
    هلابك عدد ماطاف بالبيت والمحـرم=وعدد ماشهـر بالجـو حـراً وشيهانـه
    وارد السـلام بمثـل ماقلت يامسلـم=تحيـه بريـح عطـور ورده وريحانـه
    واقول انتظر ياصاحبي قبـل لاتنـدم=تـرفق تـرى للخيـر دربـه وبيبانـه
    اشوفك تبي تكسر ومن دون ماتجـزم= وفعل الجزم يسبق على الكسـر قرآنـه
    اذا الصيـد مايذكر وفي دارنا يحـرم= ولا نقنص الا مـن شريـده وخيفانـه
    وكل الدروب الـي ذكرته تجيب الهـم=تباعد وخل الـدار لابليـس واعوانـه
    وجهـز لنا جيبٍ على الدرب مايرحـم= جديدً مـن اليـابان رقمـه وعنوانـه
    موديله من التسعين وزوده ثمانً تـم= ونوره علـى الطـرقه يقـدي لعميانـه
    ومشيـه مع السكه مثل مشيت مقـدم=وما عـد طبلونه يجيب اخـر الخانـه
    وراعيـه بالبـران جـزمً ولا يفحـم= يساوي طريقه بين سهلـه وحصيانـه
    وجهـز امورك تالـي الليل للمجهـم=وعند الفجر مابيـن صلبـه وصمانـه
    ديـار حـلاها الله ومن خيرها ننهـم= خِليّه وفيها الصـدر تستـاسع اركانـه
    دليلتـك قـرمً باخصً بالدروب اشغـم= يميـز طـريقه بيـن حـزمه وجيانـه
    وتلقى الخباري مستديره كما الدرهـم= ومطلبـك في سدر تمـايل به اغصانـه
    وهذاك جول طار وهذاك جول اقـدم= وهـذاك جـول يـدّرج وسـط ميدانـه
    تعصب على راسك وفي وسطك المحزم=وبندقك من عبرودها الخمـس مليانـه
    عليك الرمي ياعل يمنـاك ماتهـزم=علشان مـن مثـلك بخيـصً بنيشانـه
    فوارغ رصاصـك ما نعده ولا تعلـم=وضرب الفشق ينفض عن السدر غِبرانه
    ترى ما تشوفه صدق لا تحسبك تحلـم= وخلك مـن الاسـراف زوده بنقصانـه
    ولا شفت نفسك طاوعت والحمام احجم= وصيـدك تعـدى ما هقت نفسك بشانـه
    تريح وشب النار للكيف زد واكـرَم=بدلـه مـن الرسـلان ختمـه بجيلانـه
    ترى ذي طرات الروح والنفس والمغنم=وكلً علـى ليـلاه ينّشـد مـن الحانـه
    """"""""""""""
    """"""
    !!!...((( الحــــــــــــــر)))...!!!

    رابط القصيدة بالردود من هنا
    التعديل الأخير تم بواسطة ريف النشاما ; 24/01/2005 الساعة 07:58 PM

  3. #3
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    اهدي اخواني اعضاء وزوار منتدى مكشات هذه القصيده المتواضعة ..وهي مجارات
    لقصيدة اخي ابن شارخ الموجودة بديوانه بالمنتدى ..ارجو ان تنال اعجابكم....!!!

    يالله بمزنً يهول وتذهل بروقه = رعادها ينسمع من قبل بارقها
    مزنً حقوقً صدوقً ثقله يعوقه = في مشيها كن والي العرش عايقها
    ينشى من الغرب ريحً صلفه تسوقه = والريح من وآلي الاقدار سايقها
    من شافها قال ياساتر لمخلوقه = يالله تحفَظ عبادك وانت خالقها
    على اول الوسم كلً يطلب اوّفوقه = حساب علم الفلك علمه يوافقها
    لا جاء مع الفجر تمطر صافي حقوقه = على أول السر تبدأ في حقايقها
    سيلً يسيّل مسيلً تكثر طروقه = من ضلع جمران الى الملقا طرايقها
    والظهر من فوق صفرا السر مدفوقه = تصب خيره على القيعان تغرقها
    والعصر فوق النفود تسيّل عروقه = مشيه مع النّفد كن احدً يعرّقها
    وتالي نهاره تهل بطيب غدوقه = على ديار الوشم تكثر غدايقها
    يسيل منها شعيبً مرمسً عوقه = ضيع مجاريه وكل عقوم يشلقها
    يملئ الخباري وكل دروب مشقوقه = حتى الحزوم الرفيعه قام يصفقها
    نهار خامس تشوف الارض منتوقه = باذر نبات الوسم بيّن مناتقها
    وتربع ارض عقب ماهيب محروقه = من حر شمسً طول الصيف تحرقها
    يفرح بنبته فِريقً يتبعه نوقه = بدوً من الوقت عجزة عن علايقها
    واهل المكاشيت عاشق شاف معشوقه= يضمها لين يسمع دق خافقها
    يازين مجلاسنا والصبح بشروقه = في وسط خبرىً ربيع الوسم وافقها
    متخالطً حرفه وروضه وثعلوقه = وان هب نسناس تكثر من تعانقها
    ريح النفل والخزامى طيب انشوقه = يغشاك عطره مع النسمه تنشّقها
    وتلقى الزبيدي يباري نبت رقروقه = لا شفتها تذكر الله ثم تنّتقها
    والنار من بيننا تَشعم ومعلوقه = بعروق رمثً وراعي البر يلحقها
    في جنبها دلةً صفراء ومدقوقه = دله من الكيف راع الكيف ناسقها
    فنجالها كن در الحور برموقه = يسوى ثلاثين من غيره ويفرقها
    احب انا البر في ذكره ومنطوقه = كلمه تزيّن وجهه وشفاه ناطقها

    وسلامتكم

    وهذي شيله
    للقصيده بصوت اخونا الغالي ابونايف صاحب الصوت العذب



    اخوكم...................((( الحر)))



    [/frame]
    رابط القصيدة بالردود من هنا
    التعديل الأخير تم بواسطة ريف النشاما ; 24/01/2005 الساعة 08:08 PM

  4. مشاركة: ديوان الشاعر/ ((( الحر)))

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    قصيده نظمتها قبل مده وفضلت ان يكون عنوانها
    نفسي عزيزه وعز النفس تاجدها=واصدق ترى الصدق رب البيت ينّجي به
    والنفس بالكذب تحصد ماجنت يدها =وتصير بالكذب عند الناس تحري به
    الصدق منجاه لو طالت مواعدها =والكذب يهلك رفيقه لويماري به
    والنفس مثل الطفل ملزوم تمهدها =عن الدروب الرديه خوف تمشي به
    من عوّد النفس لاجل الخير عوّدها =ومن عوّد النفس لاجل الشر تضري به
    والنفس عندك امانه لا تورّدها =مدارك الظلم تصبح به وتمسي به
    واحذر ثلاث كثير الناس عددها =حذراك منها حذاري لا توالي به
    النفس ويّا الهوى وابليس رددها =بالغي لين إنّشبت باقصى مخاليبه
    ياكثر ناس على المنكر مزايدها =ناس تبيعه وتلقى ناس تشري به
    والنفس وان طال مسراها تفقدها =ما كل نفسً عدال الدرب تمشي به
    واعرف عدوك قبل يفتل لك عقدها =وابعد عن الدّاب وشجرة تذري به
    والنفس للطيب والمعروف سدّدها =لو طال وقتك لزوم الناس تدري به
    ماينذكر في قريب او قاصي بلدها =شخص جميع العرب والناس ترضي به
    والنفس عن منكر الافعال باعدها =من يارد البير يشرب من مشاريبه
    والله خلقنا وكل آجال حددها =من حان وقته تجيه اسباب ترديبه
    احد على النار يوم الحشر ياردها =واحدً على جنة راضي ومرضي به
    التعديل الأخير تم بواسطة ريف النشاما ; 22/02/2005 الساعة 02:01 AM

  5. مشاركة: ديوان الشاعر/ ((( الحر)))

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    "
    "
    "
    "
    "
    """""""""""""""
    """"""
    "

  6. #6
    تاريخ التسجيل
    Jun 2002
    الدولة
    الفيضه بالسر ... السعوديه ... وسط نجد العذيه
    المشاركات
    5,606

    رد: ديوان الشاعر/ ((( الحر)))

    قصيدة استغاثه ووصف لحال البر وقت المكشات

    عسى الله يرزق البلاد والعباد من واسع فضله



    الانستقرام
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    https://instagram.com/mobarkmmg

    تويتر
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    https://twitter.com/mobarkmmg


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    mobarkmmg


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •