تأخير التشغيل لتريل بليزر .. وش باقي أسوي ؟؟ ساعدوني ..

[lt2007]

السلام عليكم يا شباب ..

عندي تريل بليزر موديل 2007 ... من اسبوعين تقريبا بدأت عندي مشكلة تأخير التشغيل خاصتن في الصباح وأحس اني عملت كل شي لأنه حتى الكاله ومهندسين الصناعيه ما لقوا حل للمشكله ..

اليكم قائمة الحاجات اللي انا عملتها وأتمنى اللي منكم يشوف ان فيه شي انا لسى ماعملته يقول لي .

1- تم تغيير البواجي في الصيانه الدوريه للوكاله قبل ظهور المشكله بأقل من اسبوعين ..

2- عند ظهور المشكله تم أخذ السياره للوكاله وفحصها وكانت النتيجه : يجب تنظيف البخاخات وتغيير طرمبة البنزين ورفضت عملها عندهم لأنهم طلبوا مني 3500 ريال ..

3- تم تنظيف البخاخات وتغيير طرمبة البنزين .. الأسبوع الماضي ..

4- تم تنظيف منظم الهواء .. واعادة برمجة السياره ..

5 - بالأمس تم تغيير البطاريه ..

كل الحاجات هذي عملتها ... ولازالت المشكله موجوده .... تأخير تشغيل فضيع وخاصتن اذا كانت السياره بارده ..

أي حلول يرحم والديكم ؟؟؟

[lt2007]

ياشباب معقوله محد يقدر يساعدني ؟؟

[lt2007]

للرفع يالربع

[دكتوركلتش]

انت من وين يا الغالي
اذا انت با الشرقيه
في واحد اسمه جولان مشاء الله تبارك الرحمن خبير للشفر
وشغله كله كمبيوتر

[aboaody]

انا عندي نفس مشكلتك بالضبط صارلها الحين 6 شهور كل شي غيرته من الي ذكرته من قبل ولا فاد ... معي بليزر2003 ...ياريت تفيدوننا

[بدوي جنوبي]

لأ تكون صفايه البنزين مليانه اوساخ
وتأخر وصول البنزين للمحرك
تأكد منها الله يعافيك

[سوبر VTC]

ادخل هذا الرابط وشف ردي

خصوصا فتح السويتش 3 مرات ثم التشغيل
كل مرة تفتح انتظر 3ثواني

في المرة الرابعة شغل الموتر
هذا اشتغل على طول فهو من بلف راجع الطرمبة
و تراه مايضر باذن الله

و الدليل انه من البلف اذا كان الموتر حار و دقيت سلف يشتغل الموتر على طول
اما
اذا كان الموتر بارد خصوصا الصبح فما يشتغل الا بعد فتح السويتش 3 مرات
و هذا يدل ان البنزين يرجع للتانكي ينسم طول الليل
و يرجع كل البنزين اللي بالمواصير بين التانكي و البخاخات

هذا العطل أشغلني كثيييييييير - منتديات مكشات


+

هنا ايضا ==> 6

و لا تنسى تمر على رابطة ملاك التريل بليزر بخيمة الروابط

[Fmejrad]

شف جرب هالطريقة ..

دق السلف بس لاتشغل السياره اوكي .. انتظر لمن تطفي كل التحذيرات الي بالطبلون .. بعدها شغل

وقلنا وش يصير معك لاجربتها