ادخل اسأل وحنا نجاوب ( بخصوص البنادق الهوائيه ) الجزء الثاني

[الخيال 1]

نصيحه لاتخذها....اسال مجرب ولاتسال طبيب.

[classica]

خذ ديانا والا فايروخ

[Ezy Man]

السلام عليكم، أنا شفت الاسبانية الوكيل صاب وأول شي مهيب أسبانية أول شي تراها صينية إذا كان خشبها شوي باهـت (الكلام على أبو سارة اللي بمعرض صاب اللي في النسيم ولا أحط في ذمتي شي) لكن وأنا أخوك خذلك ديانا 35 مثلاّ وتقدر تكسرها بالسيارة وبالراحـة أنا شريتها والله أنها مفجرة راس الضب العام الماضي وجربها وإذا ماضبطت تعال وأنا أعطيك حقها كامـل وش تبي بعد لأن والله ديانا عليها تصويب ماشاء الله تبارك الله ولا يحتاج بواردي يرمي فيها الورع الصغير يرميها... وتحياتي

[اهل الردات]

نصيحه لاتخذها خذلك الجرماني احل صنعه ولا يقل قوته

[مدمن مرقوق]

جرماني وحط في بطنك بطيخ صيفي

[برنس الديره]

السلااااااام عليكم

كيف حالكم يالربع ؟؟........................ يا اخوان عندي سؤال لا هنتم !!!!!!!!!!!

أنا والله ما أعرف بالسكاتين شيء .....


لقيت عند الرماية بالرياض سكتون هوائي أسباني حق الزيد
مقاس 85 فيبر وخشب ايش احسن الفيبر ولا الخشب ؟
علما أن الفيبر أخف "؟؟؟؟؟؟؟

وهل مقاس 85 ممتاز وسعرها 1350

ولقيت مقاس 90 سعرها 1700


أفيدوني يا اهل الخبره بيض الله وجيهكم


أنا والله ناوي أشتري وش رايكم

وسلمتم

[hawk511]

بسم الله الرحمن الرحيم

كيف حالكم انشاءالله بتمام الصحه والعافيه


انا ابي اشتري بارود أم هوآ ومادري ايش افضل بارود

ممكن تنصحوني وتعطوني اسمائهن والصناعه الممتازه

[سليمان1400]

صدقت اخوي راع الذيب فايرخ ماعليه غبار لكن غرني خفة البارود وحجمه بس مادامه ماتنفع خله عندهم


جزاك الله خير اخوي ابو عنقا على النصيحه


اخوي بواردي الروضه ابشر مانيب شاري غير فايرخ وديانا بارك الله فيك


حياك الله اخوي العادول الله يعطيك العافيه وماقصرت

[سليمان1400]

الله يجزاك خير اخوي الخيال على النصيحه الطيبه


اخوي classica الله يعطيك العافيه



اخوي ezy man والله مشكله كان البارود صينيه ومكتوب عليه اسبانيه (فوظه) والديانا مابه كلام والدليل بعد انك مراهن على الجوده ههههههههههههه الله يبارك فيك


اخوي اهل الردات جرماني جرماني ابشر الله يعطيك العافيه


اخوي مدمن المرقوق جزاك الله خير على النصيحه بس منين اجيب بطيخه صيفي بهالمربعانيه هههههههههه


وجزا الله كل من رد على تسائلي خير الجزاء

[برنس الديره]

أفيدوني يا اهل الخبره بيض الله وجيهكم

[برنس الديره]

السلااااااام عليكم

كيف حالكم يالربع ؟؟........................ يا اخوان عندي سؤال لا هنتم !!!!!!!!!!!

أنا والله ما أعرف بالسكاتين شيء .....

لقيت عند الرماية بالرياض ساكتون هوائي أسباني حق الزيد
مقاس 85 فيبر وخشب ايش احسن الفيبر ولا الخشب ؟
علما أن الفيبر أخف "؟؟؟؟؟؟؟

ويقولون أن الاسبانيه مشكلتها الوزنيه حقتها تخرب
هل هذا صحيح ؟؟؟

وهل مقاس 85 ممتاز وسعرها 1350

ولقيت مقاس 90 سعرها 1700

وهل وصلت السكاتين الالمانية عند الرميح ؟؟؟

أفيدوني يا اهل الخبره بيض الله وجيهكم

أنا والله ناوي أشتري وش رايكم؟؟

وسلمتم

[Ezy Man]

رد: ادخل اسأل وحنا نجاوب ( بخصوص البنادق الهوائيه ) الجزء الثاني


حياك الله أخوي البرنس الله يرضى عليك لاتروح للأسباني أكيد فيه ناس تفضل الاسباني لكن أنا عن نفسي أشتريها لكن مليون بالمية أني لازم أصلح فيها الحين ولا بعد سنين ، لكن الألماني ياغلاهم أرم وتعش ماتبي غير كذا

إنشاء الله وصلت المعلومة

[برنس الديره]

مشكور ما قصرت

Ezy Man

[قانوص قديم]

السلام عليكم اترك عنك الاسباني وبلاويه اخذ لك فايروخ 80 للصيد الكبير نسبيا او فايروخ 27 للصيد الصغير مثل الدخل وتاكد انه الفايروخ مافي شي يضاهيها بالسوق الخليجي لا بالجوده ولا بدقة ونظافة المصنعيه حتى الديانا خربت ماهي القديمه اليوم الفايروخ وبس ونصيحه من اخوك تجنب الاسبانيه ماتعمر وانا اخوك وعسى الله يوفقك

[هماش]

ان شاء الله يفيدونك اهل الخبره

وحاول تبحث في المواضيع السابقه لعلك تجد الافاده الكافيه لسؤالك