يأهل ...تبوك... وعرعر... وطريف... ((( نقرة حضوضا))...!!!

[((( الحر)))]

تحيتي للجميع.....

ليس الامر مقصور على اهل تلك المناطق .ولاكن لان موقعها قريب منها

نقرة حضوضا ذكرها لي قبل ايام احد الرجال الذي له باع طويل وخبرة كبيره في المواقع والمعالم الاثريه( شرواكم) وذكر انها تقع بالقرب من تبوك وحول حزم الجلاميد .. وقد زارها قبل حوالي 18سنه وذكر انها ارض محميه بسياج لايدخلها احد لانها خطره وعباره عن رمال او ارض هشه تسحب من يمشي عليها .. او ماشابه ذلك ... ولا تقربها الدواب..

وذكر بعض الامثال عنها... لا تحضرني الان

فارجو من اخواني الذين لديهم معرفت بالمكان ان يتكرموا بتزويدنا بما يعرفونه عنه... ولو حصل تقرير مصور فهو اشمل للفائده....
بارك الله بالجميع...!!!

اخوكم................ ((( الحر)))...!!!

[مفتش الريضان]

هلا اخوي الحر
نقرة حضوضا تقع بالقرب من طبرجل بمنطقة الجوف وهي معروفة بخطورتها فهي عبارة عن رمال تبتلع من يعبر فوقها بما في ذلك الجمال والسيارات وذلك طبقا لروايات كبار السن وأهل المنطقة ولا أعرف إذا كانت مسوّرة أم لا ولكنها معروفة عند اهل اشمال وهي مضرب مثل لديهم. آمل أن أكون قد افدتك وإليك الموقع على الخريطة.

[أبو تركي القطامي]

أخوي الحر مساك الله بالخير
وتسلم على أثارت هذا الموضوع عن هذه المنطقه حضوضاء
وهي كما ذكر أخوي مفتش الريضان في منطقه الجوف بالقرب من العيساويه
ولقد سبق أن وضع موضوع عن النجم الذي سقط في هذه المنطقه ولعلك تجد فيه مايفيدك من معلومات
وعلى فكره
انها تقع بالقرب من تبوك وحول حزم الجلاميد .. وش جاب لجاب

[الحذر]

سعادة الاخ الغالي الحر تحية طيبه لك ولكل الأخوان

أولاً ماشاء الله تبارك الله

على معلومات مفتش الريضان لا وبعد مدعومه بالصور الله يزيده من خير والسامعين ايضا الايضاح الوارد من أخي أبوهناالقطامي واضيف معلومه بسيطه وهي أن حضوضاء تعتبر مصب شعبان ومن ضمنها شعيب الاعيلي الذي يسيل من الحره كل سنه والذي يوم العيد الموافق1/10/1424هـ من السنه الماضية توفي فيه أحد رجال الحمايه التابعين للحره رحمه الله وليس عليها سياج وهي منطقه تشبه القاع تحدها من جميع الجهات حره وفي وسطها تل يقال له (القديريات) وأذكر مره قالو بلعة جمل بأكمله وهي أرض سبخاء ملحيه.آمل أن أكون أفدتكم ولوبشئ بسيط ولكم الشكر والتقدير

[عليم العطش]

السلام عليكم ورحمة الله وبركاته
اخوي الحر موضوع جيد والله يعافيك على طرحه.
نقره حضوضا ارض مستويه ملحيه وهي المكان الذي تفيض فيه مياه وادي السرحان واوديه الحره وتكمن خطورت هذه المنطقه اذا نزلت عليها الامطار تكون طينيه وهناك صعوبه في اجتيازها وقبل اربع سنوات كنت
قد عبرتها على السياره في منطقه قريبه من طبرجل بالقرب من جزء من الحره يمتد وسط السبخه يسمي
(مطب حربي وحصانه)وهو ان هذا الرجل نزل في السبخه لكي يختصر الطريق وقد نهاه من عنده ولكن لم ينتهي
واختفى في السبخه0
عسى ان اكون قد افدت
تحياتي
عليم العطش

[فـ(الجـوف)ـتى]

اخوى الحر السلام عليكم ورحمة الله وبركاته


اخوى بالفعل حضوضا ارضها سبخاء خطيره حيث قالوا انها بلعت جمل وقيل ايضا انه

سقط بها وايت للماء وانها تبتلع اى شىء وهى ليست كما تقال .. وذكر انها تقع بالقرب

من تبوك وحول حزم الجلاميد .. وش جاب لجاب بالفعل 0

لانها بالفعل قرب العيساويه حيث العيساويه تبعد عن القريات مايعادل (95 كيلو ) 0

عساني افدت بشىء اخوى0

[((( الحر)))]

اخواني الافاضل بارك الله فيكم جميعاً وعزالله ماقصرتوا... ولاكن ينقص ردودكم صور من الموقع

وبالتفصيل نبداء

اخوي مفتش الريضان
مشكور على الخريطه الي توضح الموقع بالتمام وان المنطه الي حوله رمال... وفعلا ينسب اليها الكثير من الحكايات الغريبه...

اخوي ابو هنا القطامي
مشكور يالغالي على توضيح الموقع والمعلومات الوافيه والموضوع الي ذكرت لم اجده لعلك تزودني برابطه كرما لا امراً
اما سالفه تبوك وحزم الجلاميد ... فالرجال الي وصفلي وهو يسولف قال انه معزم عند رجال في تبوك وانهم طلعوا كشته في حزم الجلاميد ... وسال عن النقره وصارت قريبه منهم ... وهذا الي خلاني اقربهم لبعض وصرت قاطع جاده..


اخوي الحذر
ماشاء الله عليك معلوماتك وافيه الله يجزاك خير وفعلا الروايات عن هالموقع كثيره لا نعلم ماصحتها...

اخوي عليم العطش
بارك الله فيك معلومات وافيه والمثل صحيح وهو الي اسال عنه (( مطب حربي وحصانه))..

اخوي فتى الجوف
كفيت ووفيت وماقصرت والصراحه الموقع وش جاب لجاب ولا كن العتب على الراوي

[((( الحر)))]

خلا ل بحثي بالانترنت عن نقرة حضوضا وجدة قصه وابيات قديمه ذكر فيها نقرة حضوضا وهذه البيت الشاهد

يهوم بي يا جديـع شرقـن وغربـي........ والله علـم يـم الشمـال انتحـابـي

وبادق من سلك العنكبوت انحدر بـي..... ليما على نقرة حضوضا رمـى بـي

للاطلاع.........اخوكم..........((( الحر)))

[أبو تركي القطامي]

أخوي الغالي الحر
هذا الرابط الله يسلمك وتجد فيه بعض المعلومات وصوره للمنطقه في الردود أرجوا أن يفيدك
وشكراً لك
( نجم) يضرب منطقة العيساوية بالقريات ؟؟
وادعوا لأخوك

[حفرلوجيا]

إيه .. هذا الحس الإشرافي بدأ يشتغل عند أبو محمد . . قام يستحثنا على جلب المعلومات

اما مفتش الريضان ( ولا يهون بقية الإخوان اللي أجابو ) .. الفرق بين إجابته المدعمة بمقطع من خريطة وبين السؤال .. كانت حوالي ربع ساعة ... ماشاء الله .. مراكز معلومات تتصفح المنتدى ..

يحق لك يابو محمد ( صرت مشرف ) .. والأعضاء ماصدقوا خبر يجاملونك بسرعة الرد ..

[غديرالخيل]

السلام عليكم ورحمة الله وبركاته

بالنسبة لصور حضوضا موجودة في كتاب اسمه صور من صحراء الجوف وهو موجود في جميع فروع الرماية ومكتبة العبيكان وجرير بالمملكة كما يوجد في جميع مكتبا المنطقة الشمالية وسعره 30 ريالاً..

ولك فائق احترامي,,,,,

اخوك/
غــــــــ الخيل ــــــدير

الجوف

[المترو]

السلام عليكم ورحمة الله وبركاته
قمه بالمعلومات حفظكم الله
وانا من زمان ايام ايام يوم كنت كبير والكبير الله اسمع بمثل يقول

(هذي والله نقرة حضوضا ) او يقال ( لقطة حضوضا ) وهو مثل عندنا يا الخوجات يضرب لمن نشب له نشبة (ورطه )صعب الخروج منها وتصدقون اني اول مره اتعرف على صاحبة هذا المثل نقرة حضوضا اللي بموضوعكم

شكرا لصاحب الموضوع وللاخوان وهذه المعلومات الجميله التى نضيفها الى رصيدنا المعلوماتي والبركه بكم
والسلام عليكم
الرحال2003

[slamah]

اخي الحر

حضوضا تقع شمال طبرجل وهي ارض صبخا والمثل الذي نعرفه عنها هو (طصت حربي وحصانه )

[ناصر نايف]

ويقال انها بها ماء ينبع ولا عندي اكيد من المعلومه
الماء هذا للعلاج عن الصدفيه والأمراض الجلديه
من لديه معلومه عن الماء يتفضل

[slamah]

الاخ ناصر نايف

العين بعد حضوضا واللي مايعرف المنطقه صعب ياصل العين لأن الطرق كثيرة وأخشى عليك أن تمسك الطريق اللي يوصلك حضوضا وتطيح فيها