الحراره والبوصله بالسفاري ؟؟؟

[شحبار]

السلام عليكم
اخواني عندي جيب سفاري 2008 ابي اركبله قارىء حراره وبوصله مثل السوبر سفاري
هل في مشاكل اذا ركبت ؟
ولا الطريقه سهل
وجزاكم الله خير

[عنيد الجبيل]

ما اعتقد في مشككلة
وفي موضوع قديم بالخيمة يشرح كيفية التركيب
خلني ادوره واعطيك الرابط ان شاء الله

[شحبار]

الي يعرف الرابط يكتبه بارك الله فيكم

[سهم قيادي]

الي يعرف الرابط يكتبه بارك الله فيكم

وعليكم السلام
تفضل هذا الرابط
اللي يبي يركب بوصلة ودرجة حرارة للباترول والباثفندر <<< صور

[شحبار]

جزاك الله كل خير ياسهم قيادي

[سوبر مكشات]

وش اللي حاطه على كبوت السياره

[myking]

السلام عليكم

اخواني عندي جيب سفاري 2008 ابي اركبله قارىء حراره وبوصله مثل السوبر سفاري
هل في مشاكل اذا ركبت ؟
ولا الطريقه سهل

وجزاكم الله خير

تفضل اخي العزيز هذا الموضوع ممكن يفيدك

حصرياً : تركيب مراية 3×1 درجة حرارة وبوصلة وتعتيم آلي على أي سيارة

[س10]

السلام عليكم ورحمة الله وبركاته

اخوي انا موتري 2007 سفاري كامل ما عدا الجلد والزينون وبعض الشغلات البسيطه ولحبي ولتعلقي بدرجة الحرارة والبوصله قمت بتركيب بوصلة سفاري 2004 مع العلم إنه السفاري والبايفندر الشكل القديم نفس الشي ..
يعني نفس البراغي ولا ترهيم ولا غيرة
ولكن مع اني حرصت على ان تكون قطعة الديكور العلوية التي بها البوصله والحرارة نفس الشكل الجديد لسبب واحد فقط وهو لونها + لون الشاشة العلوية إلا إني لم اجد نفس الشكل الجديد مع ان الفرق باللون بسيط ولا يلاحظ ..إلأا الشاشة الخضراء بالليل

عموما عليك الحرص عند شرائها من السكراب ( التشليح ) ان تكون ثلاث قطع
1- الديكور العلوي وإذا كانت سيارتك بها فتحة تركز على ازرار الفتحة
2- السنسر (المستشعر ) ويهذا يكون اسهل قطعه يمكن الحصول عليها لسهولة تركيبها وفكها
3- الكيبل وهو ما يسمى ايضا ظفيرة الذي يربط الشاشة والاضاءة مع ظفيرة السيارة

يرجى الانتباه لايوجد ما يستدعي من قطع وترهيم إلا فقط واير اللمبات العلويه النصفيه والاخيرة فقط وهو يشبك مع الظفيرة اللي راح تركبها


اخيرا تكلفة القطع + التركيب

30 دينار للقطع الثلاثة من السكراب
20 إلى 25 دينار اجور التركيب

اخوك ابو سعود

[رفيع المقآم]

كفو ومشكور وما قصرت

[سيف الظفير]

الله يوفقك يالغالي كنت بشتري سفاري 2


بس فرق المواصفات الزينة في السوبر صملت على السوبر احسن

وللحين ما عينا الزين والله يرزقنا

[جهام القصيم]

وعليكم السلام ورحمة الله

حياك الله يالطيب تحتاج 3 أغراض والباقي بسيط ولا يحتاج مكنيكي يلعب عليك
1- الديكور العلوي مرفق صورة


2- جميع الاسلاك حتى نهايتها بفيش من 8 اسلك التي يتم تركيبها في البوصلة العلوية السابقة في رقم 1 يتم استبدال الفيش الموجود في السيارة بالفيش الجديد بزيدة فقط شبك كهرب المبات السقف موجود في يمين الديكور فوق الدرج الامامي الكبير

3- حساس, عندك واحد موجود في امامي السيارة تأتي بثاني يتم تركيبه بجانبه في نفس القاعدة وفيش الحساس موجود فقط تسحبه من جنب القاعدة وتركبه مرفق صورة


إخوك امركبها بنفسي مع مساعدة صديقي البيج على الباترول أهم شي الاغرض الثلاثة والباقي امرة بسيط الزيادة التي تتم هي شبك لمبات السقف في الكهرباء مع الفيش الجديد
اي استفسار ان جاهز بحكم تجربة
وفق الله الجميع لكل خير

[ابونايف الروقي]

مشاء الله شغل عدل

بس ابي اسال وش الفرق بين بوصلة الباترول والباثفندر لان عندي الباترول بدون فتحه فما احتاج ازرة الفتحه ..

اخوكم
ابونايف الروقي