طيري مريض ويوجد صور

[NAWAFQ8]

السلام عليكم ورحمة الله وبركاته
انا عندي طير مريض ولاعرفت وش علته
وديته مستشفى الهمل بالكويت وقعد الطير اسبوعين
واخرتها قالي الدكتور اخذ طيرك ومابي فلوس
عجزت اعالج الطير والي يعرف وش علته الطير يعلمني
وش علاجه مدري هي صده ولا صرع ولا ابو رقيبه والطير يرجف وان شلته طاح مايتوازن

[كحيلان 2006]

اذا كانت في الكويت تعال في رجال خبير في الطيور وامراضها ويعلاج الطيور ويقال له العويدي ومعروف وفي حي الخليج علي شارع سلمان الفارسي

[بو فواز]

صباح الخير اخوي نواف هذي بو رقيبه والله يعينك اذا الطير ماهو عزيز عليك ذبحه والله يعوضك واذا عزيز عليك انتف ريش الرقبه كله وخله بالشمس وحاول تجرح لرقبه جروح سطحيه عشان الدم الفاسد والتجلطات تروح وانشاء الله تستعدل بس مو اميه بالاميه وخله فترت النهار بالشمس وخل يمه ماء
والله يعوضك باللي احسن منه اخوك بو فواز السلمان

[NAWAFQ8]

الله يجزاكم خير
والله يجزاك خير ابو فواز

[شامان 28]

الله يشفي الطير قول امين

[عاهد بن علي]

حاول تجيب الطيرا لى قطر

وان شاء الله يسير خير

الله يشفيه

[سٌِِّيَآفْ]

هذا علاجه الكوي مع الراس هذا المرض نفس الي يصيب الحمام ويعلجونه بالكوي وهذا المرض يكون جز من المخ مايوصله دم واذا فيه علاج غير الكوي جربه والله يشيفيه ... وان شاء الله يفيدونك الاخوان

[عادل الجابر]

السلام عليكم ورحمة الله مثل ماقال ابوفواز ابو رقيبه وعلاجه قالو التشمس والكي وبعض الفيتامينات اللي تكون ناقصه للطير وتعوض في بعض الكبسولات والله يشفي طيور الجميع العلاج لدى العويدي أو مستشفى الرياض والله اعلم لك تحياتي

[مشبر البران]

الله يشفيه

[مكشاتي كوكتيل]

هذا مرض اسمه (أبو رقيبة) وكثير أشوفه يصيب الحمام . لكن أول مرة أسمع إن علاجه الكي يمكن لأني ماني مهتم أو الناس اللي عندنا يربون حمام مايعرفون عن المرض شيء .

الله يشفيه .

[مقناص_111]

الله يشفيه ان شاء الله

يفيدونك الاخوان

[aooa]

عسى الله يشافيه ويعود مثل اول واحسن

[مدمن مرقوق]

عسى الله يشافيه ويعود مثل اول واحسن

[راعي جالود]

وعليكم السلام يا نواف

الله يشفي الطير بـ أذن الله



وما ودنا نتطبب فـ الطير لكن .. حالت طيرك .. تشابه .. لـ حد كبير .. حالة طير عندنا .. ما غير .. يقّلب براسه .. وعينه .. لـ سقف الدوانيه .. والحاله هذي كانت تصير .. معه .. بعد ما نطلعه من الربط

وكنا .. نسوي معه شغلات لكن ما أذكرها كلها .. بـ بعلمك بـ اللي كنا نسويه

نشربه .. بيض طازج .. ونحطه .. فـ الحوش .. وفـ الشمس .. الظهر .. قبل لا تصير عاموديه الشمس .. تقريبا على الساعه .. 10 ولا 11 .. المهم .. ومدري وش كنا نحط له بعد .. من علاجات ..

لكن سو الطريقه .. اللي قلت لك .. عليها .. وبتنفعه .. أن شاء الله .. ما تضره .. وأتمنى أنك تخليه بـ مكان مكشووف .. وتفرع الطير . مو شرط فـ البر فـ الحوش .. ولا ..فمكان .. مكشووف

وشف راس الطير . وش يسوي فيه .. وعليك فـ شمس الظهر .. لكن .. لا يطول فيها 20 دقيقه .. وعقبه طرفه عنها وشربه البيض .. تراه مهم.. وينفع ولا يضر
.. والله يشفيه .. و الله يكتب اللي فيه الخير

( لا تكوي الطير ) < لان الكوي من الممكن انك تقطع عرق فـ الطير ولا اتسبب على الطير .. الكوي لـ شخص يعرفه نصيحه لـ وجه الله


بـ \ ا لتوفيق .. وبشرنا وش يصير معك

[NAWAFQ8]

الله يجزاكم خير جميع وبيض الله وجيهكم وماقصرتو
وانا عطوني علاج بديل عن الكوي ومجرب وان شاء الله
بأذن واحد احد راح اجربه على الطير وذا نفع راح
اكتبه هني للفايده عشان الاخوان جميع يستفيدون منه
وجزاكم الله الف خير