15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 16 من 21 الأولىالأولى ... 6101112131415161718192021 الأخيرةالأخيرة
النتائج 226 إلى 240 من 307

الموضوع: (( وجدنا الحل لرجة الدركسون في السفاري )) لا تدبيل ولا ترهيم ....!!

  1. #226
    تاريخ التسجيل
    Nov 2011
    المشاركات
    14

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    السلام عليكم ورحمة الله وبركاتة
    قبل 3سنوات رحت للورشة وحصلت السوري جالس يعسل امجد عندي رجة وش الحل قال عندي كم التكلفه 700ريال بعد المكاسر والشغل مضمون
    سم بالله وزبط السياره
    كيف الشغل تمام بس الطاره تتكون ثقيلة شوي تروح بعد اسبوع خلاص بعد القيادة للسيارة
    لازم تكون من اصحاب كمال الاجسام اسبوع قريب صارفية فضاوه بالدركسون ويبغاله وزن اذرعة مر اسبوع وشهر وسنة لم يتغير شي ارجعة الرجة كنك يابوزيد ما؟؟؟؟
    الصوف تهرب زيت مع كل محل
    التلفون مفصول ؟؟؟؟
    باترول 98سوبر
    حسبي الله علية ونعم الوكيل

  2. #227
    تاريخ التسجيل
    Sep 2010
    الدولة
    مكه المكرمه
    المشاركات
    10

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    يعطيك الف عافية اخوي ALBDRANE وعلى سعة صدرك موضوع جدا مهم لاصحاب الباترول وانا واحد
    من اللي يعانوا من هل المشكلة لو اني في الرياض لتجهت للورشة مباشرة والتجربة خير برهان لاكني من جدة
    والله يوفقك لعمل الخير .

  3. #228
    تاريخ التسجيل
    Sep 2010
    الدولة
    مكه المكرمه
    المشاركات
    10

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    اقتباس المشاركة الأصلية كتبت بواسطة ابومحمد 16 مشاهدة المشاركة
    السلام عليكم ورحمة الله وبركاته
    اخواني اعضاء المنتدى العريق مكشات كيف حالكم انشاء الله طيبن وبخير
    وعسا الله يرزقنا المطر والخير
    تعليقي على الموضوع ومن واقع خبره وتجارب طويله في رجة الباترول من موديل 1989 حتى موديل 2009
    هي شغله ليست سهله بما تتوقعون
    ميزان البادية يفك ويمسح بدون وزنيات او قياسات ويركب ويغير الصوف وشوي الا وهي تهرب ترجع له يقولك هذي صوفه عادي تخرب يمكن مهب اصلي او اي عذر
    انا شخص عملت في رجة الباترول واكتشفت كل الاسرار خصوصا انه جي معي حوالي 5 جيوب باترول من موديل 95 و 99 و 2004 و 2006 وعندي ورشه واشتغلت في الباترول وعرفت اسرار كثيره فيه ومنها الرجه اللي تعمقت فيها وتحديت ناس فيها وصلحوا سياراتهم عندي وعطيتهم ضمان مفتوح والحمد لله ما احد اشتكى من شي لاني جربت في سياراتي اللي معي الى ان عرفت اسرار
    والاخوان اللي يقولون شل الوجه الحديد وخلاص واللي يقول دبل مساعد ركسون واللي يقول اكبس اذرعه هل له تجارب في هالشغله؟
    اخواني طولت عليكم لكن اللي يبي حل نهائي وضمان مفتوح يجي ويحط سيارته وبدون اي دوشة راس واعطيه ضمان مفتوح وانا خصمه في اي رجة بعد ما اصلح الموتر ولا تهريب صوف طبعاً اذا صلحت الرجه لازم تغير الصوف لانها مع الرجه تتوسع وبعد الاصلاح يثبت ولا عاد فيه رجه فيبدا يهرب والله يوفق الجميع
    اللي يبي يجي ويتحدى وانا خصمه يراسلني على الخاص
    ابو محمد يريت ترسلي رقمك او اي طريق للتواصل طال عمرك لاني ماقدرت ارسلك على الخاص مشاكاتي اقل من خمسين .

  4. #229
    تاريخ التسجيل
    Feb 2005
    المشاركات
    832

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    بسم اله الرحمن الرحيم
    السلام عليكم ورحمة الله وبركاته

    أنا بإخوان يالرياض عندي باترول 99 SGLE نظيف ولله الحمد وتحت إيدي ماأحد يسوقه غيري والى الان ماشي ولله الحمد175000 من أول ماطلعته من الوكاله عام99 حسيت فيه رجه بسيطه جدا بعض الاحيان وخصوصا الصباح تكون الرجه لثواني معدوده وتروح وديته للوكاله وهو تحت الضمان وقلت فيه رجه جلس عندهم الموتر يوم وأخذته منهم ولا كأنه تغير شئ على ماأذكر وعموما كانت الرجه ماهي مقلقه في ذلك الوقت.. الان المهم من يوم الجمعه الماضي صليت الجمعه وطالع على طريق خريص أمشي تقريبا 100-120وفجأه بدأ الموتر ينتفض والدركسون يرقل رقل كأن مسامير الدركسون والاذرعه والمقصات وكل مسمار بالسياره تبي تفكك (أعتقد أني أكلت المطانيج اللي تكون في بعض الخطوط) أو (إني وطيت غرفة تفتيش )(الله يكرمكم)الصراح خفت وإرتعت وهديت بدون عقل واللي زاد روعتي كان معي عيالي الذكور الله يصلحهم (وتخيلت أشياء الله يحس الخاتمه)والخط مليان تريلات.والحمد لله هديت وجات سليمه واصلت مشواري والرجه على خفيف وكذلك وأنا راجع من مشواري الرجه على خفيف (والصراحه أنا كنت أمشي مهدي من الخوف واللي شفته).
    مع العلم أن الكفرات والجنوط سليمه ونظيفه وكذلك الجلد.
    سألت وبحثت بالمنتدي ودلوني عيال الحلال الى عدة سبل وأشخاص لإصلاح الرجه:

    إتصلت على الاخ عبدالرحمن اليوسف ميكانيكي ولكنه للأسف لايرد على الجوال.
    إتصلت على يماني ميكانيكي وجدت رقمه بالمنتدي ولكن جواله مقفل من يوم أمس.
    إتصلت على أبو صالح التركي أمس الاثنين والحمد لله وجدته ووصف الورشه ورحت له وفك الفليورات ولا حصلنا الوردات أو الوجيه اللي بها أربع فتحات في مكانها . وينها الله أعلم (يمكن الوكاله شايلتها يوم أقولهم عن الرجه أول ماطلعت الموتر) مع العلم أني متأكد 100% ماحد لمس موتري سواء ميكانيكي أو غيره إلا وأكون موجود مع الموتر طوال الوقت. قالي أبو صالح التركي أجل بنخرط القاعده حقت الرمان قلت له إصبر شوي ماني مستعجل (والمشوره زينه بهذه الامور لأن الخراب ماهو واضح ومكان محدد أبشاور وأردلك.
    اليوم الثلاتاء على الدائري الشمالي هبلت بي الرجه (امشي وراء التريلات اللي محمله ويالله تزحف ومهدي بالمره).

    الان ياإخوان أبغى رأيكم ومشورتكم.

    والله يحفظ الجميع من كل شر

    أدري إن القصه طويله لكن كنت أحاول أوصل الفكره قدر الامكان إلى القارئ.

    والسلام عليكم

  5. #230
    تاريخ التسجيل
    Sep 2006
    الدولة
    نجد العذية
    المشاركات
    1,632

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    altheeeb9


    مشكور وسالفتك حلها خرط الفليورات وسو الي سويناه وتضبط أمورك

  6. #231
    تاريخ التسجيل
    Oct 2005
    الدولة
    الرياض
    المشاركات
    809

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    اللي اعرفه انه يخرطها سانتي واحد ويرجع يركبها عشان تسقط الرمانات في مكانها بالضبط صح
    ولا تسبب فضاوة حسب كلام واحد من الشباب

  7. #232
    تاريخ التسجيل
    Mar 2012
    الدولة
    محافظة المزاحميه
    المشاركات
    1

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    يأخوي البدراني أنا عندي باترول جي أل في فيه رجه من 80 ألى 110 موديله 2010 لوماعليك أمر أبي رقم راعي الورشه لأهنت

  8. #233
    تاريخ التسجيل
    May 2009
    الدولة
    الأحساء
    المشاركات
    155

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!


    السلام عليكم أخوي البدراني أرسلت لك على الخاص من ثمانية أيام ومارديت علي وهذا نص الرسالة

    السلام عليكم ورحمة الله وبركاته

    اخوي البدراني انا قبل شهر ونص بالضبط رحت الرياض لميزان العضيب علشان يحلون مشكلة الرجه فتك 2009 قالوا غير مساعد دريكسون وذراع دريكسون وكبسوا قطعتين يركب فيها الذراع نسيت اسمها المهم الرجه راحت بنسبة 95% الان الاسبوع هذا رجعت وشكلها اقوى من الاول اي تعرج صغير في الشارع يرج الدركسون رج شديد ، ضاق الصدر وقلنا كأنك يابو زيد ماغزيت الان وش الحل مع ذا المشكله مع العلم اني اروح للبر والبحر كثيير والبحر اللي اروحه مناطق طريقها في اغلبه مطناج واخوك يمشي على المطناج 100 - 120 فياليت تدلني على حل وياليت يكون بالاحداثيات لاني من سكان الاحساء ولك جزيل الشكر

  9. #234
    تاريخ التسجيل
    Apr 2012
    الدولة
    القصيم
    المشاركات
    737

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    جزاك الله خير بس ترى الرجه غالبا من مساعد الدركسون يكون فيه فضاوه يغير وتنتهي الرجه لا عيب مصنعي ولا شي الباترول عيبه المصنعي الوحيد مكينته

  10. #235
    تاريخ التسجيل
    May 2009
    الدولة
    الأحساء
    المشاركات
    155

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    أخوي البدراني وينك لايكون زعلان علينا

  11. #236
    تاريخ التسجيل
    Oct 2005
    المشاركات
    644

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    جزاك الله خير

  12. #237
    تاريخ التسجيل
    Aug 2011
    المشاركات
    93

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    الحمد لله والشكر مالاحظت الرجه بموتري نهائيآ

  13. #238
    تاريخ التسجيل
    Aug 2008
    المشاركات
    48

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    انا كانت عندي نفس المشكله ورحت لميزان الباديه الصناعيه القديمه والحمد لله انتهت المشكله

  14. #239
    تاريخ التسجيل
    Sep 2010
    المشاركات
    35

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    الله يعطيك العافية يّ صاحب الموضوع
    وياليت انت او احد الاخوان اللي عندهم اسم الورشة يعطوني ايااه
    لاني توني مربط بحدود 2000 ريال او ازود من جلد كامل بطنه وتربيط ومساعد دركسون وكالة بـ385
    وباقي رجه الدركسون
    وخايف ان الموتر يتفكك من ذا الرجه وكانك يابوزيد ما غزيت
    رجاء لمن يعرف اسم ها الورشة يرسله خاص
    لاني بتعناء من الشرقية
    معي فتك 2007والرجة اللي عندي من 100 الى 120 وبعدها شبه تختفي

    والسلام عليكم

  15. #240
    تاريخ التسجيل
    May 2010
    الدولة
    السعودية - الرياض
    المشاركات
    4,555

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    الرجه في الباترول قبل تسوي شي

    تاكد ان كفراتك وجنوطك حقت الوكالة ونفس المقاس

    بعدها تاكد ان الباترول الرجه فيه شي غصب ومستحيل تزول


    وانتبهوا من كبس الاذرعه لانها باي لحضة ممكن تتكسر وتسبب حادث

    وغالبا الرجه في الباترول من

    مساعد الدركسون
    فضاوة الرمان يحتاج تربيط
    ترصيص
    مركب كفرات بالون
    فضاوة اذرعه وتعرفها بفضاوة الدركسون

صفحة 16 من 21 الأولىالأولى ... 6101112131415161718192021 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •