15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 1 من 21 123456711 ... الأخيرةالأخيرة
النتائج 1 إلى 15 من 307

الموضوع: (( وجدنا الحل لرجة الدركسون في السفاري )) لا تدبيل ولا ترهيم ....!!

  1. #1
    تاريخ التسجيل
    Sep 2006
    الدولة
    نجد العذية
    المشاركات
    1,632

    (( وجدنا الحل لرجة الدركسون في السفاري )) لا تدبيل ولا ترهيم ....!!

    الحل الأسهل والأفضل لمشكلة الرجة في دركسون السفاري بدون ترهيم ولا تدبيل!!


    بعد البحث والتحري عن مشكلة الرجة في السفاري والبحث في الانترنت والمواقع التي تهتم بمثل هذه الأمور لم أجد حل مقنع واقرب ما اقتنعت فيه هو تدبيل مساعد الدركسون كما ذكره الأخوان مثل راعي الهدد والأخ Nissan وغيره من المجتهدين في حل هذه المشكلة وذكرو ورشه في بريده وذكرو ورشة مرات وقد ذهبت إلى ورشة مرات في الصناعية القديمة في الرياض عند اليماني مبارك وقال لي انه يركب مساعد الجبريل تدبيل ولم أقتنع بهذا المساعد لان الجبريل أطرافه عبارة عن مسامير باتجاه واحد وتركيب مثل هذا النوع اعتقد انه قوي على العمود ويثبته أكثر من اللازم مما يتسبب في تلف أطرف عمود الدركسون وخاصة الجلد والمفصلات واحتمال يطول الضرر الدودة .


    ما أطول عليكم المهم اليماني دلني على ورشة النويصر ولقيتهم مالهم بالدركسون ودلوني على ورشة وقد وجدت ضالتي عند هذه الورشة مع العلم إني رحت لميزان العضيب وأوجعني راسي من كلامهم وكتبولي قائمة من القطع تقول مقاضي أخر الشهر ...... جيت الورشة لقيت سوري أسمه ( امجد قاعد يعسل نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ) وقالي حلها عندنا فقط وكل يوم نصلح سيارة سيارتين طبعاً سفاريات بحكم أن الخلل هذا مصنعي في السفاري منذ مبطي... وشلون ياولد قال هذي شغلنا من سنين طويلة وإذا رجعت الرجة خذ فلوسك وش بتسوي ؟ قال لي بنفك الفليورات ونوديها المخرطة ... وبدت الشكوك والتفاكير تراودني وش بيسوون وش بيحطون !؟ المهم حسيت أن العمال والمدير ( أمجد ) ما يبون الطريقة توضح لي ( سر المهنة على قولتهم ) مع العلم أن حاولت على خفيف أن أكتشف لأكن ما وصلت لشي إلي شفته أنهكم فكو الفليورات إلي يجي فيها رمان ومكانها بعد الفك واضح في هذه الصورة ::


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    وأعطوها احد العمال ثم وداها إلى المخرطة على سيارته علشان ما أشوف الشغلة يعني الدعوة متكتكة ومتمرسين في مثل هالامور كل واحد عارف شغله .
    بعد ربع ساعة جابو الفليورات وشحموها وتأكدت أنها حقت سيارتي بس ما أدري وش سوو فيها يمكن غيري يكتشف الدعوة كانه راعي بخص وبعد ركبوها حطو السيارة على الميزان لقوها تمام ما تحتاج وزن.

    نجي للسعر بعد المكاسر( 350) ريال مع أن الشغله ما تعدا قيمتها الحقيقية (150) ريال من وجهة نظري لأكن قال لي الشغله محتكره وتوفر عليك وجع الراس وقال لي أن واحد معه نفس سيارتي ركب عند ورشة مرات مساعد أصفر ولا طلع بنتيجة وجاهم وفكو المساعد وضبطوها مثل ما سوو في سيارتي وضبطت سيارته .

    المهم حاسبت الرجال وطلعت والحمدلله اختفت الرجة إلي أهل السفاريات يعرفونها حتى أصحاب موديلا 2009 عندهم المشكلة وقال لي لابد أنك تغير الصوف حقت العكوس لأنها متأثرة من الرجة بس إنا أجلتها لان التهريب عندي خفيف جداً .

    نجي الحين لاسم الورشة وانا خايف أذكر أسمها وأسوى لهم دعاية مجانية لأكن إلي ملزم منكم يعرف أسم الورشة يرسلي رسالة على الخاص وأعلمه باسم الورشة واتمنا من إلي يسويها عندهم يحاول يكتشف وش إلي يسوونه بالفليورات بطريقته واجتهاده على شان نستفيد .

    في النهاية أرجو أن لاأكون طولت عليكم بس أنا متأكد أن إلي عندهم المشكلة بينبصطون من سرد تجربتي في البحث عن حل لهذه المشكلة والتي تعب منها الكثير من أصحاب النياسين وهي أفضل من شغلات الترهيم واللحام ووجع الرأسنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي حيث أن الاظافات والترهيمات قد تتسبب في أحداث ضرر على السيارة ولو على المدى البعيد .



    تقبلو تحياتي والسلام عليكم ALBDRANE


    لا أسمح بنسخ الموضوع أو بنقله للمواقع الأخرى دون ذكر المصدر،،،نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    التعديل الأخير تم بواسطة ALBDRANE ; 11/12/2009 الساعة 08:33 PM سبب آخر: اظافة

  2. #2
    تاريخ التسجيل
    Feb 2007
    الدولة
    الدمام
    المشاركات
    197

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    ولو اني ماعندي سفاري ولكن من باب العلم بالشيء الله يجزاك خير وييسر امرك

  3. #3
    تاريخ التسجيل
    Mar 2009
    المشاركات
    144

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    جزاك الله خير
    لكن ليتك قدرت تعرف الطريقة عشان الناس البعيدين مثلي في تبوك

  4. #4
    تاريخ التسجيل
    Dec 2008
    الدولة
    الرياض
    المشاركات
    200

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    طيب انا عندي باترول 91 فيه رجه لا وصلت الميه بعده تروح وش السواات

  5. #5
    m1m غير متواجد حالياً

    مراسل مكشات في النعيرية

    تاريخ التسجيل
    Nov 2005
    الدولة
    الرياض-النعيرية -الخفجي
    المشاركات
    1,131

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    الحمد لله ثلاث سيارات سفاري من 90 إلى 98 لم تحصل رجة إلا بعد كم سنة وأغير مساعد الدركسون وتروح أعتقد أنه خذ لفه بالسيارة ورجع لك وشد على الرمانات وأخذ الدراهم..

    شغل السواريا ما يخش مخي كله سرق ونهب وطمع .. لو ما ألقى الا الحلّ عنده نمت في السيارة ولا أخليه لحاله

  6. #6
    تاريخ التسجيل
    Sep 2005
    المشاركات
    1,744

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    السوريين حرامية والله الشغله لو ما لقها الا عنده بلاها ،،،،،،،،،،،،،،،،

  7. #7
    تاريخ التسجيل
    Feb 2008
    المشاركات
    505

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    بيض الله وجهك
    وجزاك الله الف خير
    وكلامك صحيح عن تجربه شخصيه
    اخوك ابو فيصل

  8. #8
    تاريخ التسجيل
    Aug 2007
    الدولة
    الريـAـSـKـاض
    المشاركات
    7,858

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    ان الله احيانا .. بشوف وش علم هالسواريا بس بشوف لي موتر به رجه

    لان عندي باترولين والحمدلله مافيهم شي .. بس لاهنت رقم الورشه ومكانها على الخاص

  9. #9
    تاريخ التسجيل
    Dec 2009
    المشاركات
    454

    Lightbulb رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    الله يجزاك خيرعطنا بس وصف الورشه

    يقول المثل (اعط الخبازخبزه ولواكل نصه)

  10. #10
    تاريخ التسجيل
    Sep 2009
    المشاركات
    3

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    مشكور على التنبيه
    ارجو ارسال عنوان الورشة كاملا فضلا ليس امرا

  11. #11
    تاريخ التسجيل
    Jan 2009
    المشاركات
    206

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    جزاك الله خير
    بس تذكر كلامي راح ترجع الرجه
    وهذي طريقه قديمه وهي كبس الذراع من على بالمخرطه
    وليس كل رجه من الذراع!يمكن من الجنط او الكفر او الدوده او ذراع الدركسون
    وبا الغالب كفرات البالون تسبب الرجه وخاصه اذا كانت الجنوط تجاريه وليست اصليه
    تحياتي لك

  12. #12
    asd6244 غير متواجد حالياً

    مشرف خيمة أجهزة الملاحة والخرائط والطرق

    تاريخ التسجيل
    Jun 2007
    الدولة
    بريدة
    المشاركات
    2,317

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    شكرا أخي ALBDRANE على إفادتك لإخوانك
    سبق أنني عانيت كثيرا من رجة السفاري و ذهبت إلى كثير من الورشات و لم تنحل المشكلة وبعدها ذهبت إلى ورشة و تشليح أبو عبدالله الصمعاني ببريدة و أخبرته بمشكلتي و ترددي على الورشات فأخبرني أن المشكلة بسيطة بعدما قام بفحص السيارة فقام بصلاحها أمامي فكان الحل حتى تذهب مشكلة الرجة أن قام بفك الفليورات إلي يجي فيها الرمان و رمى الوجيه (( الوردات ) و أعاد الرمان إلى مكانه فذهبت المشكلة ولله الحمد فلما ذهبت المشكلة طلبت منه إصلاح بعض الأمور بالباترول ولم يأخذ مني إلا مائة ريال أو مائة وخمسين ريالا على جميع شغله فجزاه الله خيرا .
    أخبرني أن من يعرف حل المشكلة يخفيها عن الآخرين حتى يستفيد ..... فسألته لما تخبر أنت الآخرين عن حل المشكلة فقال الرزاق هو الله

  13. #13
    تاريخ التسجيل
    Nov 2006
    الدولة
    الرياض
    المشاركات
    1,357

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    اقتباس المشاركة الأصلية كتبت بواسطة m1m مشاهدة المشاركة
    أعتقد أنه خذ لفه بالسيارة ورجع لك وشد على الرمانات وأخذ الدراهم..

    شغل السواريا ما يخش مخي كله سرق ونهب وطمع .. لو ما ألقى الا الحلّ عنده نمت في السيارة ولا أخليه لحاله
    والله انك صادق يعني وشلون يبي يخرط الرمانات؟ كل العملية انه شد عليها

  14. #14
    تاريخ التسجيل
    Nov 2007
    المشاركات
    2,474

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    انا ادري وش يزين فيه قصايص حديد صغيره مره يفكها ويركب الفليورات يعني الرمان بدون القصاصه الحديد

    وهذي القصايص عباره عن وجه للفليورات على قولتك اي الرمان ومع المطبات وكذا لانه حديد يرتخي بعدين يصير فيه اشويه رجه انا اذكر ورشه ببريده يسويها فيه ناس اقتنعوا

    وفيه ناس ماااقتنعوا

    ياليت تفك موترك وتتأكد هل فيه قصايص صغيره ولا لا

    وخبرنا مشكورااا

  15. #15
    تاريخ التسجيل
    May 2007
    المشاركات
    7,090

    رد: (( وجدنا الحل لرجة الدركسون في السفاري )) لا تدبيل ولا ترهيم ....!!

    اقتباس المشاركة الأصلية كتبت بواسطة asd6244 مشاهدة المشاركة
    شكرا أخي ALBDRANE على إفادتك لإخوانك
    سبق أنني عانيت كثيرا من رجة السفاري و ذهبت إلى كثير من الورشات و لم تنحل المشكلة وبعدها ذهبت إلى ورشة و تشليح أبو عبدالله الصمعاني ببريدة و أخبرته بمشكلتي و ترددي على الورشات فأخبرني أن المشكلة بسيطة بعدما قام بفحص السيارة فقام بصلاحها أمامي فكان الحل حتى تذهب مشكلة الرجة أن قام بفك الفليورات إلي يجي فيها الرمان و رمى الوجيه (( الوردات ) و أعاد الرمان إلى مكانه فذهبت المشكلة ولله الحمد فلما ذهبت المشكلة طلبت منه إصلاح بعض الأمور بالباترول ولم يأخذ مني إلا مائة ريال أو مائة وخمسين ريالا على جميع شغله فجزاه الله خيرا .
    أخبرني أن من يعرف حل المشكلة يخفيها عن الآخرين حتى يستفيد ..... فسألته لما تخبر أنت الآخرين عن حل المشكلة فقال الرزاق هو الله
    ابو عبدالله و نعم الرجل نصوح و يخاف الله نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    لكن اللي صلح بموترك من وجهة نظري
    انه شد رمان العكس و الغى الوردات




صفحة 1 من 21 123456711 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •