(( وجدنا الحل لرجة الدركسون في السفاري )) لا تدبيل ولا ترهيم ....!!

[سوبر VTC]

بعض الاخوان عرفو الطريقه
لاكن الرجه ترجع بعدين
الحل انك تغير الرمانات والمرايات حقاتهن جدد
يمين 2 ويسار 2
يعني 4رمانات مع مراياتهن اصلي 440 ريال
ياباني 200 ريال
وشغل يد 200 ريال
يعني طقم رمانات ياباني مع الشغل وشحم اصلي يكلف 400 ريال
طقم رمانات أصلي مع الشغل وشحم أصلي 640 ريال
وبإذن الله تختفي الرجه الى الأبد يمكن ترجع بعام 1462 هـ
ببريده فيه واحد يصلحهن بصناعية الرواف

اخوي فيه ورشة السيف يصلحهن ب50 ريال و على الشرط
يركب وردات حقت جيب م97 و تحت

[SRAAAB]

تسلم والله على المعلومة
الله يجزاك خير
وبيستفيد منها كثير إن شاء الله

[himaa]

بيض الله وجهك وماقصرت ع الموضوع

لاهنت رقم الورشة والعنوان

وان حصل احداثي


الله يكتب لك الاجر

[شبل داورد 1]

للرفعع

من أجل الفائده

[ALBDRANE]

السلام عليكم ورحمه الله وبركاته

عزالله انه صادق انا عرفت الورشه وفعلا رحت لمهم وضبطولي اياها والحمد لله والشكر راحت تماما وارسلت لهم واحد من اخوياي وضبطها له طبعا السيارات كلها فتك 2006 جزاك الله خير على النصيحه وياشباب انصحم تروحون لمها للي يعاني من الرجه في الدركسون انا مجرب الله يوفقك يالذيب

حياك الله أخوي وسعدت بمرورك على الموضوع والأستفادة وتحياتي

[ALBDRANE]

بعض الاخوان عرفو الطريقه
لاكن الرجه ترجع بعدين
الحل انك تغير الرمانات والمرايات حقاتهن جدد
يمين 2 ويسار 2
يعني 4رمانات مع مراياتهن اصلي 440 ريال
ياباني 200 ريال
وشغل يد 200 ريال
يعني طقم رمانات ياباني مع الشغل وشحم اصلي يكلف 400 ريال
طقم رمانات أصلي مع الشغل وشحم أصلي 640 ريال
وبإذن الله تختفي الرجه الى الأبد يمكن ترجع بعام 1462 هـ
ببريده فيه واحد يصلحهن بصناعية الرواف

الحمدلله عندي تمام ولا رجعت الرجة ليه أدفع الكثير ولعلمك الرجه تجي في الباترولات وهي توها شبه جديدة

[OSAMA1167]

السلام عليكم ورحمة الله وبركاته
حيا الله المكشاتيه جميعا
جزاك الله خير يالبدراني على هالموضوع
وان دل يدل على حبك الخير للجميع

بس من باب النصح لأخواني أنا رحت للورشه
وصلح موتري وخفت الرجه ثم رحتله اكثر من مره
وماضبط الموتر اخيييرا مليت من المشاوير وتركته يرج
نصيحه وحاشاك ماهو تكذيب لكلامك
الرجال ذا نصصصصاب
يمكن ضبط معه كم موتر منها موترك
لاكن كثيرين ردت الرجه وتهاريب الا بكره

محبكمosama

[وليد46]

ياشباب والله نصيحه الي يبي الرجة تروح يركب قدام مساعداااات تيوتا ويركبن على طول لا ترهيم ولا شي والله

انا امجرب لهن اكثر من سنتين او سنة ونص

[pader]

طيب وين يجي الفليور بالضبط ياشباب ؟

[سلكي نت]

الحمد لله ثلاث سيارات سفاري من 90 إلى 98 لم تحصل رجة إلا بعد كم سنة وأغير مساعد الدركسون وتروح أعتقد أنه خذ لفه بالسيارة ورجع لك وشد على الرمانات وأخذ الدراهم..

شغل السواريا ما يخش مخي كله سرق ونهب وطمع .. لو ما ألقى الا الحلّ عنده نمت في السيارة ولا أخليه لحاله

انا معك في كل ماقلت

[«نجم الخير»]

الرجه ماعرفنها الى مع البوالين لاتقرب البالون وترتاح وخاصه ابوعنز مدري جمل

[ALBDRANE]

وليد 46 وشلون تغير المساعدات وتروح الرجة وش دخل المساعدات في الدركسون أعتقد أنت ما مرت عليك نفس المشكلة على الباترولات الحديثه الصرحة ما أدري وش أقول بعد لاكن كلامك مهوب حول الموضوع وتحياتي لمشاركتك

M1 m
وسلكي نت
من الي قالكم أني تركت السوري وعطيته السيارة ورحت للبيت وين جبتو ذا الكلام منه السيارة صلحوها وأنا عندهم في خلال
ساعة وأنا واقف على راسه ولا ساق السيارة ولا فر دركسونها والحمد لله الى يومك ماكو رجة ولا تهريب صوف
وبعدين الباترولات 97 والي حولها تختلف عن الفتكات الرجة طلعت في الموديلات فوق 2000تقريبا

والله أنه مكلمني واحد يتوصف الورشة وسيارته باترول سياحي ما مشت الا 20 الف وعنده رجة دركسون وراح لهم ومشت أموره .يوم أكتب الموضوع ما أحد قبلي تطرق لنفس الحل كل المواضيع تتكلم عن ترهيم مساعد دركسون وأمور ثانيه بس للخساير

[ALBDRANE]

السلام عليكم ورحمة الله وبركاته
حيا الله المكشاتيه جميعا
جزاك الله خير يالبدراني على هالموضوع
وان دل يدل على حبك الخير للجميع

بس من باب النصح لأخواني أنا رحت للورشه
وصلح موتري وخفت الرجه ثم رحتله اكثر من مره
وماضبط الموتر اخيييرا مليت من المشاوير وتركته يرج
نصيحه وحاشاك ماهو تكذيب لكلامك
الرجال ذا نصصصصاب
يمكن ضبط معه كم موتر منها موترك
لاكن كثيرين ردت الرجه وتهاريب الا بكره

محبكمosama

مشكور أخوي على الرد
وبالنسبة للسوري أنا ما أزكيه أنا صلحت سيارتي عنده وكثير من الباترولات ومنهم الي أعرفه وأمورهم تمام وشغلته هذي أقصد طريقته صار كثير من الورش تسويها مهوب لحاله وبسعر أقل بعد والظاهر أن السيارة الي معك قديمة ياليت تقول لنا عن نوعها وموديلها ومشكور

[ALLAITH531]

وليد 46 وشلون تغير المساعدات وتروح الرجة وش دخل المساعدات في الدركسون أعتقد أنت ما مرت عليك نفس المشكلة على الباترولات الحديثه الصرحة ما أدري وش أقول بعد لاكن كلامك مهوب حول الموضوع وتحياتي لمشاركتك

M1 m
وسلكي نت
من الي قالكم أني تركت السوري وعطيته السيارة ورحت للبيت وين جبتو ذا الكلام منه السيارة صلحوها وأنا عندهم في خلال
ساعة وأنا واقف على راسه ولا ساق السيارة ولا فر دركسونها والحمد لله الى يومك ماكو رجة ولا تهريب صوف
وبعدين الباترولات 97 والي حولها تختلف عن الفتكات الرجة طلعت في الموديلات فوق 2000تقريبا

والله أنه مكلمني واحد يتوصف الورشة وسيارته باترول سياحي ما مشت الا 20 الف وعنده رجة دركسون وراح لهم ومشت أموره .يوم أكتب الموضوع ما أحد قبلي تطرق لنفس الحل كل المواضيع تتكلم عن ترهيم مساعد دركسون وأمور ثانيه بس للخساير

اقول بيض الله وجهك

واهم شي لقينا المشكله وبأذن الله نلقى الحل بمجهودات اخوانا المشاركين

ومره ثانيه ماقصرت وجعلها الله في موازين اعمالك انت وكل من شارك

[ذئب الخليج]

مشكووووررررررر