(( وجدنا الحل لرجة الدركسون في السفاري )) لا تدبيل ولا ترهيم ....!!

[ALBDRANE]

السلام عليكم جميعاً

الصراحة كنت بعيد عن المنتدى في الفترة الماضية والعذر منكم وخصوصاً ابو عبدالاله
بالنسبة للورشة فهي اسمها ميزان البادية بصناعية الرياض القديمة معروفه عند اهل الصناعية
ولي اكثر من سنتين مصلح الرجة والا الان والامور تمام

واي خدمة حاضرين
والي يقول ان الرجة شي اساسي في الباترول اقوله معليش يمكن في سيارتك اما انا والحمدلله نسيت شي اسمه رجة .واذا تبي تجرب وتتاكد حياك .

[جفناوي]

جزاك الله خير

[طرح السعودية]

هذي الرمانات يصلحهن الصمعاني ببريدة (التشليح)

صلحهن لي قبل سبع سنوات سوى لهن خرط بس هو ركب لي من عنده مخروطات وجاهزات ب(200) ريال وبدون مكاسر واختفت الرجة نهائياً
المفروض هالموضوع يتم تثبيته لأنه يحل مشكلة الكثير من الناس يعاني منها ويجهل الحل
شكرا لك على الموضوع

[عاشق FJ]

السلام عليكم....
اخوي ALBADRAN انا جربت هذه الورشه اكثر من مره واريد تحذيركم من هذا السوري لانه فعلا حرامي ونصصااااب مايخاف الله ... هو ياخذ الرمانات ويخرطها ويركبها صحيح الرجه تروح لكن فتره بسيطه وتهرب الركب وتغير صوف وتهرب مره اخرى ولو تغير الف مره ما ترتاح ......
ماترتاح الا اذا رجعت كل شي زي ما كان تغير الرمانات....
واريد ذكر اسم الورشه للحذر منها وهي ورشة الباديه صحيح يا اخوي ALBADRAN ؟؟؟

[شاهينن]

السلام عليكم
يااخوان ليش الواحد يدفع من جيبه مبلغ وقدره ولايتعلم ليش يهمني اني اخلص ولايهمني كيف اخلص والعماله الي عندنا 90% منهم متعلمين على مواترنا مجانا لاونعطيهم فلوس بعد .
يااخوان المهم انك تعرف وش صلح بموترك قبل مايصلحه من حقك (( الاثم ماحاك في نفسك وكرهة ان يطلع عليه الناس))

[ALBDRANE]

عاشق fg الصراحة السوري الي في الورشة ما هضمته والنصب محتمل أما الرجة أرتحت منها لي سنتين والتهريب في الصوف لحد الان ما فيه تهريب والحمد لله وعندك الرد الي في هذي الصفحة من احد الاخوان وله كم سنة مسويها وأموره زينه .

للمعلومية ممكن كثرة الاستخدام والارصفه وعفل السيارة في الجروف يسبب تهريب في الصوف ومن ناحيتي أستخدامي للسيارة استخدام حشمه.

[جاسم العنزي]

تحياتي للجميع اول ما شريت الموتر عليه كفرات بالون وكانت الرجه تخوف على سرعة 110 الى 140 تقريبا على طول نزلت البالون وركبت عراض اختفت الرجه للمعلوميه الموتر فتك 2005 يا ترى وين المشكله.

[فهد 003]

فيه برضو ورشة الملحم في محافظة المجمعة يسوونها وتختفي رجة الباترول مع كفرات البالون
وقيمة الشغل كلها 100 ريال وانا كان عندي باترول وسويتها عندهم وراحت الرجة كلهاااااا

[سوبر ساري]

يا اخوان انا عندي باترول كانت فيه هذي الرجه ومسويه قريب والشغله بسيطه ولا كلفت 200 ريال بالقطع والمخرطه وشغلها .
- تغيير جلود عمود السحب الأمامي اللي يركب فيه مساعد الدركسون . وهي ربلتين كبار يكبسها عند المخرطه بدل القديمه بـ 20 ريال .الربلات سعر الحبه 55 ريال .
- يعبي الفررات شحم وذلك عن طريق فك الغطاء اللي أعلى الركب ويعبيه شحم . تحتاج علبتين شحم أصلي بـ 30 ريال .
بعدها الفرق 180 درجه وتنسى الرجه .

[بوسليمان22]

السلام عليكم ورحمة الله وبركاتة
اخوني انا صاحب ورشة واعرف شو سوا في سيارت خوينا البدراني
الي سواة المكنيكي السوري بعد فك رمان الركبة العلوي والسفلي هو يودية عند المخرطة ويمسح منه 1 من الف ملي من فوق وا تحت طبعان من الاقاعدة الي يركب عليها الرمان .علشان يزيد من ضغط القاعدة على الرمان فاتحكم الركبة من الحركة او تقلل الاهتزاز. وشكرا

[ALBDRANE]

اخوي الي فكه فقط الفليورات الي فوق الي تحت ما قربها وباقي كلامك صحيح

[ابو عبدالملك 2]

جزاك الله الف خير على الافاده انت والشباب

انا عندي الرجه على الثمانين واذا تعديتها راحت بس المشكله اذا وطيت حاجه عيون قطط او الطريق كان مهوب مظبوط تجي النفاظه الله لايوريك يعني نفس الشباب
وانا قاعد استفيد من خبراتكم وماني مستعجل حتى اعرف الحل اللي مافيه ضرر على السياره
بيض الله وجهك

[عاااشق الشمال]

ممكن رقم الصمعاني ورشة في بريده التشليح او رقمه او وصف للورشه

الله يعطيكم العافيه ويجزاكم كل خير

[ابوقاسم2009]

والله يمعي باترل ٩٨ لرج من قوت ارجه شوي ابيطيرني مع ادريشه ورجه لاوطيت عيون القطط او اطريق مو مضبوط خضني خض معااااااااااانات ×

[ابوقاسم2009]

فيه برضو ورشة الملحم في محافظة المجمعة يسوونها وتختفي رجة الباترول مع كفرات البالون
وقيمة الشغل كلها 100 ريال وانا كان عندي باترول وسويتها عندهم وراحت الرجة كلهاااااا

الملحم ما وراهم الا ادجه وديته وهو صاح وخربوه