(( وجدنا الحل لرجة الدركسون في السفاري )) لا تدبيل ولا ترهيم ....!!

[ALBDRANE]

يا رجال رمى الوردات واخذ 350

حياك الله اخوي كلامك ممكن يكون صحيح وأما من ناحية 350 فانا اشتريت السيارة بمبلغ ......

ما يهمني لوحطيت فيها اي شي الواحد يشتري راحته ونا أخوك

وفيه ناس سوو تدبيل مساعدات وخسرو الكثير ولا طلعو بنتيجة ناهيك عن التعب النفسي يوم تتعب ولا تجد نتيجة .....

[ALBDRANE]

الأخ / Abo saad كلامك خطير لوكان الشغلة حف وجه الفليورات وان هذا الشي حصل في سيارتي فهل هذا فيه خطر على السيارة

شكلك تبخص في مثل ها لامور تحياتي لك

[o_m55]

يعطيك العافيه
ممكن رقم الورشه او مكانه ترسله لي على الخاص اذا امكن

[الكلاسك]

سبحان الله
السوري تطلع من عنده وانت ملعوب عليك ملعوب عليك مره غيرت
عند واحد سوري دودة دركسون فورد 97 قال تعال بكره خذها
جربتها خف الخراب بشكل بسيط ورجع بعد شهرين ثلاثه مثل اول.
وفيه قصه ثانيه:
اول ما طلعت الفورد الفكتوريا الشكل الجديد ذاك الوقت عام 1992
كان لها مشاكل بالقير لانه اكتروني وكان الخراب بالحساسات فقط داائما
كانو السواريه في شالنجر وطقتها يفك القير ويخليه ينام بغرفه خاصه يومين عشان يعطيك انطباع انه كرف واشتغل فيه وهو مجرد حساسات تحت القير مجرد فك الكرتير تتغير. وياخذ5000

[ALBDRANE]

الي يبي أسم الورشة يرسلي على الخاص كما ذكرت في بداية الموضوع وانا في الخدمة

[هاوي موتري96]

شباب ابي رقم ابو صالح التركي ولا وصفه على الخاص لاهنتو

[ابوحمد666]

ان شاء الله طال عمرك بقراء الموضوع ثاتيه
تحياتي لك

[الكونترولCONTROL]

إذا كنت أذكر" ورشة البادية "قبل 10 سنوات !!
و الذي يبدو لي أنه يبدل السيلة أو الوردة العريضة فوق
الفليورات إلي يجي فيها رمان ! بسيلتين و لم يعمل أي شيء
غير ذلك ( حسبما اذكر !! ) و انتهت مشكلة الرجة نهائيا .
لأني أول ما طلعت باترول وكالة موديل 1999 باب واحد ( سلقة !! )
أشغلتني فيه الرجة بكفرات و جنوط بلده و كذلك الكفرات والجنوط العريضة

[قناص خلاوي]

ارسلت لك الرقم اخوي هاوي موتري

[ملك_الحر]

أخوي قناص
الله لا يهينك بغيت رقم أبو صالح ... و هل هو بالرياض ؟؟؟

ALBDRANE
وصف الورشة لا هنت ..

[ابو ناصر2020]

والله مشكله الواحد يحتار بالموتر مايدري وش يسوي ووين يروح

كنت افكر بتركيب مساعد ثاني عشان تروح الرجه بس الحين مادري وش اسوي


الله يكون بالعون ومشكور على التجربه المفيده

[العوووفي]

انا سمعت من واحد يقول تفك الفريولات اربع مسامير وتلقا ورده فوق
شيل الورده ورد الغطا وتروح الرجه والورده يقول فيها اربع فتحات

[الصقار10]

الله لا يهينك لو سمحت اسم الورشه وتلفونها وكانها مع الشكر

[الذيب 30]

الله يعطيك العافية أخوي ALBDRANE

وماقصرت لأنك تبي الخير لأخوانك المسلمين

[خزان الوادي]

دعوة لجميع (العملاء والاعضاء )

للمشاركة بمسابقة المنتدى لافضل 3 مواضيع للاطلاع على الشروط الرابط والمشاركه :

http://www.mekshat.com/vb/showthread.php?t=245437

مع تمنياتنا للجميع بالتوفيق
خزان الوادي