(( وجدنا الحل لرجة الدركسون في السفاري )) لا تدبيل ولا ترهيم ....!!

[مستعد للتضحية]

الله يعطيك العافية أخوي ALBDRANE
وبيض الله وجهك
وبغيت اسم و مكان و رقم الورشة لاهنت .

[adil33]

طيب انا عندي باترول 91 فيه رجه لا وصلت الميه بعده تروح وش السواات

رصص الكفرات زين مره ومرتين حتى تروح الرجه واذا ما راحت الرجة اوزن الرمان

[قطمان المحازم]

الورشه اسمها ميزان الباديه في مخرج 18 طريق الخرج وصاحبها سوري اسمه >>>> امجد <<<<

[adil33]

اهم الاشياء الي لازم نعملها عشان تروح الرجة :-
1- وزن الرمان ومستحيل يتم وزن الرمان الا والكفر راكب ومرفوع على العفريته
2- انزال عمود الدبل وعمل ترصيص ارضي للكفرات وبعدين نرد العمود مكانه مع ملاحظة عمل علامه لمكان واتجاه العمود

[TNT 11]

كفيت ووفيت مابقى الا تاخذ الموتر وتصلحه ماشاء الله

[aooa]

جزاك الله خير ...

[ابوفيصل vtc]

السلام عليكم خرط الرمان حق الركبه يصلحه عندنا الصمعاني ببريده 100ريال ولاكن تخرب عندك الصوف حقت الركبه اي استفسار المراسله على الخاص

[سوبر152]

شكرا أخي ALBDRANE على إفادتك لإخوانك
سبق أنني عانيت كثيرا من رجة السفاري و ذهبت إلى كثير من الورشات و لم تنحل المشكلة وبعدها ذهبت إلى ورشة و تشليح أبو عبدالله الصمعاني ببريدة و أخبرته بمشكلتي و ترددي على الورشات فأخبرني أن المشكلة بسيطة بعدما قام بفحص السيارة فقام بصلاحها أمامي فكان الحل حتى تذهب مشكلة الرجة أن قام بفك الفليورات إلي يجي فيها الرمان و رمى الوجيه (( الوردات ) و أعاد الرمان إلى مكانه فذهبت المشكلة ولله الحمد فلما ذهبت المشكلة طلبت منه إصلاح بعض الأمور بالباترول ولم يأخذ مني إلا مائة ريال أو مائة وخمسين ريالا على جميع شغله فجزاه الله خيرا .
أخبرني أن من يعرف حل المشكلة يخفيها عن الآخرين حتى يستفيد ..... فسألته لما تخبر أنت الآخرين عن حل المشكلة فقال الرزاق هو الله

كلام مزبوط تشيل الوردة اللي مثل الوجه به أربع مسامير وهن حقات الركبة التحتية والفوقيه حقات العكس اليمين واليسار

[برق بن رعد]

رقم ابو صالح التركي 0504118191 في صناعية الرياض القديمة

[محب النيسان]

انا مجربها في ورشه مرات وزبطت

[ALBDRANE]

الاخ واثق الخطوة افتح بريدك طال عمرك

[الظافر]

عطونا الحل نغير مساعد دركسون او لا الرجه رجتنا الله يعين

[واثق الخطوه-]

الاخ واثق الخطوة افتح بريدك طال عمرك

جزاك الله خير
ابي امرهم واردلك خلال اليومين الجايه

[الغريق11]

أرسل موقع الورشة كامل الله لايهينك ....

[واثق الخطوه-]

السلام عليكم ورحمة الله وبركاته
مريت الورشه البارح وعرفت وش يسوون بالفريولات
من يوم وقفت عنده قبل ما اقول السلام عليكم قال عندك رجه قلت اكيد وراني جايك قال ازينها لك ب 350 ريال قلت الموتر جديد وش تبي تسوي قال نبي نخرط الفريولات نحفها اشوي شغلت ساعه قلت وش بعد قال لازم تغير الصوف حقت العكس إذا ما غيرتها راح تهرب يوم قالي كذا قلت السياره جديده ودافع فيها دارهم منيب مزين فيها شيئ خرط ما خرط إذا جينا نغير فحمات وقال خرط هوبات اوجعني راسي المخارط ما ودك تقربها ومشيت من عنده وامر ميزان المجد وقلتله عندي رجه قال اكبس العمدان الدركسون قدام وراء وررصص الكفرات قلت بكم قال ب 250 وانا وياه الين 220 ويكبسها وراحت الرجه عاد ناس قالو ترجع هل صحيح ترجع
وآسف على الدندره شكلي اوجعت روسكم