15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
اين اجد مستلزمات مخيم باسعار مناسبة او مخيم للبيع ؟
السلام عليكم ورحمة الله ..
اريد انشاء مخيم في المنطقة الشرقية
وقد بحثت عن المستلزمات في السوق وجدتها باسعار كبيرة ومبالغ فيها
ونصحني البعض بجلبها من الرياض ؟
ابحث عن اربع خيام 4×6 او 4×5
و بيت شعر بحجم مناسب ..
رواقات ...
وماطور ...
وبقية التجهيزات .
الإخوة الأفاضل اتمنى من لديه خبرة ومعرفة يفيدنا وينصحنا
لأني أريد إنشاء مخيم للإستخدم الشخصي وللتأجير وتنقصني الخبرة
والمعرفة بكيفية ادارة وتنظيم المخيم والتسويق له.
يبي لك تروح بنفسك الرياض وتشوف الاسعار وتقارن بين البضائع
واذا اشتريت كل شيء من مكان واحد فاكيد بيسوي لك تخفيض
اهم شيء تقيس مساحة المخيم و توزيع الاماكن و اهم شيء ما يكون دورات المياه قريبة
ولابد يكون فيه عمالة تهتم في المخيم لان السرقات منتشرة ولابد يكون اكثر من عامل
وتحتاج غير الخيام خزانات ماء كافية و كبيرة و موتورات احتياطية
وتسوير المخيم بسور عالي و قوي هذا غير تسوية الارض بتربة متماسكة لتسهيل الوصول للمخيم
نوعية الانارة تكون مضادة للرطوبة و المطر
وانتبه ان المنطقة الشرقية سنويا يجيها عواصف قوية تدمر المخيمات×
مكشاتي
المشاركة الأصلية كتبت بواسطة الصيادالمليح
بارك الله فيك يالصياد نصايح في محلها
العامل موجود ...
من ناحية العواصف والرياح راح احط طربال على الخيام
نصحني صديق اشتري مخيم جاهز شبه جديد بدل مااتعب وادور لكن وين تلقى شبه جديد اغلبها ردي
التأسيس مكلف جداً
والمخيم الجاهز نادر ما تجد المناسب سواء للموقع أو الأغراض
لكن قبل كل شي يجب عليك معرفة متطلبات السوق والدخل اليومي
اذا كان الموقع عليه سوق ودخل جيد فلا بأس بالتأسيس الجيد
مع إضافة دبابات لتأجير اذا كان مسموح
وربي يوفقك
مكشاتي متواصل
تعال للرياض البطحاء الغرابي سوق الخيام تلقي متطلباتك بس دور محلات الجملة
وبالنسبة للماطور والكهرباء عندك شارع الريل جنب سوق الخيام هذولا ارخص شي
فيه في منطقة الجبيل الصناعية جهة خط أبو حدرية مخيمات معروضة للبيع لو تسأل هناك بيفيدونك العمال اللي في المخيمات القريبة
مكشاتي برونزي
حراج ابن قاسم بالرياض تحصل فيه خيام ومواطيركهرب واروقه وخزانات مويه مستعمله ونظيفه وكل ما يخص المخيمات بأسعار رخيصه غير مكلفه
وفقكم الله
استغفر الله واتوب اليه
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس