صور ذئب ........

[المربعانية 30]

ذئب بعد مطاردته وقتله وهذا بعد مهاجمته لقطيع أغنام بالقرب من قبه شرق القصيم ، بتاريخ 11- 12-1430هـ،














وتقريباً في العام الماضي وفي نقس الوقت هاجمة جماعات من الذئاب عدد من قطيع الأغنام وافترسة عدد منها مما ينبغي الحذر .




هذه صورة توضح افتراس الذئب لواحده من الاغنام ... (( وقد ألتقطت في شهر 1 / 1430هـ

[صقر القصيم 16]

مشكور اخوي والذيابه بالفتره الاخيره بدت تهاجم وبكثره لشدت الجوع
تقبل مروري

[Hch]

غريب ماهي ذيب هي ولبه لحظو ديودها تربي صغاره والله حرام تموت وراها جراوه ومعذوره ..
لو اعرف موقعهم وكنت موجود عنده والله لروح ورا جرتها اشف جراوتها ولا اخذها وانقلها لمكان امن لهم..

[إًلْقَنْإًصْ]

غريبه صارت الذيابه تهاجم بهالايام ومثل ماقال اخوي اضاهر انه من الجوع بس تنرحم هالذيبه شكله عنده جرا الله المستعان بس.

[مجري الهياب]

اكثر مايضيق خاطري لا شفت السباع مذبوحة صراحة شعور ماقدر اوصفة

[نمر الصحراء]

السلام عليكم
تقبل مروري

[راع الابل]

عادة الذئاب وكثرة الكلاب في بعض المدن وخصوصا الريفيه .............؟

كما ان العام الماضي وهذه السنه كثرة هجرة الطيور والعبور لمناطق المملكه

فهذا له دلالات ان الارض سوف تعود مروج وانهار

اشكرك

[AJMI08]

والله ياشباب وانتم ما حلفتوني انا في العيد الاضحى الي فات مخيمين في منطقه حول( ظهرة عليا ) وانها ماجات الساعه ثنتين ونص الانسمعها تخانق بينها جمب الخيام ( اعتقد والله اعلم انها شامه ريح دم الاضاحي وشواه عندنا ) الاوينقز احد اخواني على الجيب ويكشف عليها يمين ويسار ومعه السلاح طبعا وتخيلوا وش حصل..


حصل ام مع جروه وذيب ثاني الام بعد مارقت الجبل من الخوف رجعة الى جروها تدفه من ورا بوجها تبيه يرقا الجبل خوفن عليه سبحان الله والله ان خوي قعد يناظر فيها ولا رماها حتا انا شفناه وقف بسياره في منطقه وعره ويوم جانا علمنا بالقصه فا ياخواني ننستفيد من هذي الحادثه انا الذيابه مخلوقات مثل الانسان لها الحق في العيش مثل مالنا وحنا جيناها في ديرتها ومع ذلك البعض منا مايصدق انه يشوفه عشان يذبحها ويتفتخربها
بالمختصر هذي فرصه حقيقيه انا نحافظ على وجود الذئاب في الجزيره العربيه التي كثرة في السنوات الاخيره
الحادثه هذي صارت في12/12/1420

[رحال الجوف]

الي مايعرف الذيب يشويه
ههههههههههههههههههه
هذى مهو ذيب ياذيب
مثلاّ اذا جيت ولقيت الغنم مذبوح وتبي
تعرف وش الي ذابحهن شف مكان العظة
لاحض بصوره عندك شف الخروف منين
معضوض مع ظهره هذا معناته كلاب مغلوثه
وهي اشنع من الذيب تاكل الغنمه هي حيه
اما الذيب وماادراك مذيب تلقاه عاض الغنمه
مع حلقها حتى لا تتعذب يعني يلوطها ومن
سابع المستحيلات ان الذيب يذبحها مع خورانها

[معدي المرقاب]

سبحان الله العضيم

[صقرحايل]

الله يستر با ستر
وشكر ك

[قناص سوريا]

اللي انت "قاتله" اخي مو ذيب ... بل احد الكلاب العقورة
والذي نسميه بسوؤيا الكلب الجعاري...
وفعلا كما ذكر احد الاخوة
بان الذئب وغيره من الققط الكبيرة كالاسد والفهد الصياد والنمر لا تقتل هكذا , وانما تتجه الى الرقبة مباشرة وتركز على القصبة الهوائية لانهاء حياة الفريسة قبل اكلها
على عكس الكلاب والضباع تماما

[المربعانية 30]

أولاً شكراً للأخوان اللي شاركو بالموضوع .
ثانياُ : للتوضيح بالنسبة لصورة الذئب تم التقاطها وحنا طالعين للبر يعني بطريقنا تفاجئنا باللي معلق على الماصورة اللي هي ماصورة الكهرب ولا لنا دخل بقتله ولانعرف عنه شي ،غيرأحد المتواجدين في الموقع قال أنه شوهد اول الصباح وكان ممسك بأحد الأغنام فتم طرده وقتله على حد قوله والله أعلم ،، ويعلم الله أنه ألمنا منضرها بعد ما أقتربنا منها وعرفنا أنا لها صغار ربما كانت تبحث عن شي تطعمهم ، ولاكن التسرع من بعض الشباب الله يهديهم ، ولاحول ولا قوة إلا بالله ،

[العود&& الازرق]

ولاحول ولا قوة إلا بالله ،

[معدي المرقاب]

لاحول ولا قوة الا بالله