##رابطة ملاك## دودج ##دورانجو##

[gole]

السلام عليكم
احد يخبر لي ورشة بالشرقية بالدمام متخصصة بالدودج..

وبالنسبة لتغيير الزيت لازم بالوكالة ؟
لاني سمعت ان التعبية مو مثل السيارات العادية!!

شكرا

[ابونجود]

السلام عليكم ورحمة الله وبركاته
اخواني
هناك ورشه ممتازه موقعها خلف وكالة دوج ،
تخلي الوكاله على يدك اليمين ووجهك شمال اسم الشارع عبدالرحمن الناصر
اول اشاره تجيك تروح يمين اسم الشارع حفصه بنت عمر(الاشاره بجنبها محطة نفط)
راح يكون وجهك شرق تمشي على طول لين مايجيك شارع على يدك اليسار تلف معه
تمشي على طول لين ماتجيك اشارة ماكدنولز تروح يمين وهو شارع بندر بن عبدالعزيز
راح تجيك محطة بنزين الادريس المحطه فيها
جوال الفلبيني 0508721475

[y6y6]

السلام عليكم ورحمة الله وبركاته

اسعد الله اوقاتكم بكل خير ...

وين ربع الدرانجو..

يا شباب ... معي درانجو 2004 فضي .. بس طلع لي مشكلة بالقير .. بالتغيير يعلق

يعني مثلا يقوم بالثاني او الثالث .. واذا طفيته ضبط ولو دعست عليه ترجع المشكلة او
اعتقد يمكن من الحرارة ... المهم مدري سببها ؟
ورحت فحصته عند اكثر من واحد من ضمنهم ...( المطيويع _ تشالنجر _ نورث ستار )
بس كل واحد يفتي من جهه ؟؟
اللي يقول حساس . واللي يقول خريطة . واللي يقول المنظم اللي فوقه الحساسات واللي يقول الظفيرة وهكذا

ومدري .. وبعد عناء طويل رحت عند ورشة تشارجر .. وحطيته عنده لان الموتر صارت

قومته مره ثقيله وخايف تسبب مشكلة اكبر ..
وبعد فحص كمبيوتر وخلافه ( مع اني ما اصدقهم ) بس يلا بنجرب ونخاطر طلع حساس
فوق المنظم على قوله ومالقاه عند قطع الغيار وطلبناه من الوكالة ب 1200
والان الموتر عندهم ؟

وش رايكم ... افتوني ..

ثاني شي .. عندي السي دي خرب .. وين اصلحه ؟ او اغيره وش رايكم ؟ مع اني لقيت
بالغرابي واحد يقول بيصلحه ب 600 ؟ بس اعتقد غالي ..

ثالث شي .. عندي الحرارة لو ادعس عليه (160-180) او لو يشم ريحة النفود يحتمي .. ويتعدى النص . وش السبب ؟؟؟
مع العلم ان المراوح الثلاث شغاله صح . مع المكيف وبدون المكيف طافية . اعتقد نظامه كذا . وانا مدري ؟

والإديتر .. مسوي له تسييخ وتغيير بلف .. خفت الحرارة لكن موجوده وللحين ماجربته بالنفود .. اخاف انصدم مثل تو واحد من الشباب حاط صورة الحرارة .. مثلي بالضبط .

وش رايكم .. ابيع او اكده ؟
مع العلم اني من اللي يحبونه الماخوذ .. لا قوة ولا رساوة ولاشيل وحط بهالخطوط .. يعني
عيوبه صيانته وقطع غياره .. بس موتر ماعليه كلام ؟
واقوى دفع رباعي جربته بكل امانه .. لاتويوتا ولانسيان .. كلها ماتعلق معك ..
بس هم يروحوا يتمشوا وانت مفور عليه هههههههههههههه فااتح كبوتك .. يعني مايبي مغامرات .

[سعلي]

الاخ y6y6
سؤال: المراوح في موديل 2004 فقط مروحة وحدة كهربائية ووحدة حقت الماطور فكيف صارت ثلاث؟
الحرارة الله يسلمك ماتطلع فوق النص الا في حالة سحب مقطورة او عفش وانت في طلوع قوي مثل جبل الهدا وعلى طول تشتغل المروحة الكهربائية وتنزل الحرارة
حصلت لي مرة مشكلة الحرارة ووديته الوكالة وغيرو الرديتر لان سالفة التصييخ ما اعتقد انها مفيدة تعرف الرديتر بينفك مع الجوانب ويمكن يبقى فيها تنسيم ماتلاحظة لكن انتبه لا تشتري رديتر الا وكالة او المنيوم فقط احذر النحاس وخلافه
وبالمناسبة الرديتر القديم عندي ومصيخ وجاهز وتامر عليه امر اذا بغيته

يوم تقول حساس القير ب 1200 هذي صدمة من جد والله يخلف عليك.

اخوك سعـــــــــــــلي

[gole]

شكرا اخواني ... على المعلومات القيمة..

بالله احد يساعدني ويقولي وش احسن الورش لصيانة الدودج بالشرقية الدمام..

وشاكر لكم

[asdaf_35]

السلام عليكم
انا عندى دوج 2003
الى الاخوان اصحاب الدوج فى المنطقة الشرقية
يوجد ورشة فى صناعية الثقبة الجديدة القريبة من الاسكان
الوصف
من الشارع العام تكون بوابة الاسكان العسكرى من الجهه اليمين
قبل صراف الراجحى تلف يمين اخر ورشة على اليمين فى الزاوية
الورشة لايوجد عليها لوحة المهندس كان شغال فى وكالة دوج 17 سنة
ومجرب واسمة قوبال هندى
هذا والله للفائدة واناجربت كل الورش فى الدمام والخبر
انشاء الله لوحصلت على رقم التليفون سوف اضعة فى المنتداء
والسلام عليكم

[y6y6]

بسم الله الرحمن الرحيم

السلام عليكم ورحمة الله وبركاته

لا هنت اخوي سعلي ويسلم قلبك ...

وانا اخوك الخاطر طاب بضبطه وببيعه مره خلاص والله ان النفس طابت ... ويمدحون الاكسنت بالرياض
لاوجع قلب ولاخراب ولاقطع غيار من توفر ورخص وكل شيييييييين يا حيي

بالنسبة للمراوح .. ثلاث عندي ... نعم مروحة الماطور والكهربائية وفيه بعد مروحه صغيره ثالثة على جنب

صاير شكلها بالزاوية .. وهذي بعد كهربائية تشتغل مع الكهربائية اللي برا .

هذي طال عمرك القطعه الي خربانه اسمها .. سنو وايت او مدري وشو ... ماحفظت اسمها .. المنظم ..

كأنها شكل خريطة ... للقير .

على العموم رحت لتشليح المطيويع ولقيت مستعمله وجربنها يوم خلصوا مطبقينها ماضبطت والله يعين بيخلون الموتر ليوم السبت عشان نرجعها وندور غيرها ...
او نضطر لجديدة ب 1260 ريال بعد الخصم .

وربك يعين ...

الموتر للبيع اللي يبي يله يدز على الخاص او احط رقم جوالي مدري عن القوانين .. لايزعلون علينا الربع .

بالنسبة للبدي والمكينة كلش تمام والله على الشرط والحرارة .. حسب قولي اخوي عاديه الا اذا تعدت النص في بعض الاوقات الصبعه .. من شيل وحط وطلعات قوية .
القير سليم بس مشكلتي الحساس بضبطه ان شاء الله وببيعه .. يلاه حرجوا عليه ولكم السعي

ومع السلامة

[asdaf_35]

بسم الله الرحمن الرحيم
السلام عليكم ورحمة الله وبركاتة
الى الاخوان اصحاب سيارات دوج فى مدينة الخبر
يوجد ورشة متخصصة فى هذا النوع من السيارات
فى صناعية الثقبة الفنى كان يشتغل فى الوكالة لمدة17 سنة
اسمة اقبال وهذا رقم جوالة
0531567977
هذا للفائدة والله أعلم

[y6y6]

السلام عليكم

حي الله الشباب ...

ابشركم طلع الموتر والان تحت التجربة لمدة .. 10 ايام .. الله يستر ..

لقينا هالحساس عند المطيويع ( المنظم ) ب 500 ريال .. ( طبعا الجديد ب 1260 مع الخصم )

وركبتها عند ورشة تشارجر .. المهندس وليد وإن شاء الله اموره زينه

وشغل يد 170 مع المكاسر ...

وتغيير زيت القير ب 50 ... ومخرطة عشان 3 مسامير خربانات علي ب 80 ..

ومعجون تويوتا الاصلي ب 100

وربك يعين

[راعي العوجاء]

عندي درانجو ٢٠٠٣ وابي ارفعه بس وين افضل مكان يرفعه بشكل محترف بدون ما يضر القير والدفرنسات

[سعلي]

الموديلات 2004 فما فوق فيها مسامير تنشد في المقدمة ترفع الموتر حوالي واحد ونص انش
لكن ما ادري عن 2003

[gole]

أخوي asdaf-35

بارك الله فيك وكثر من امثالك...

وان شاء الله بزور الورشة الي ذكرتها..

وشاكر لك..

لكن هل جربت الشخص المذكور ((اقبال)) كيف شغله وامانته..

وشكرا..

[alnassar]

اخوي -درانقو- فيه محل يبيع اصطبات فى الصناعيه بالرياض شارع الامير سلمان بعد البنك البريطاني بتجاه الشرق بعد اول ملف يجيك ثالث محل علي شارع الامير سلمان قيمته 220 ريال تايواني

[alnassar]

ويااخوان انا ادور على جنوط مقاس 16 تركب عى الدرانجو 2007 الى عنده علم يساعدنى ولكم الشكر

[Durango4Ever]

ياجماعه انا معي دورانجو 2008 وبسأل عن مكان العفريته والليور يعني عدة اصلاح الكفر وين مكانها ..؟ أرجو الإفادة ..