##رابطة ملاك## دودج ##دورانجو##

[الوطواط]

تحياتي لكل الاخوة ،،،،،،،،،

انا عندي مديل 2002 كامل مواصفات دبل والسيارة لا تقارن من جميع النواحي وجربتها في الجبال وفي الصمان وفي الطعوس وأن فكرت اشتري جديدة بشتري درانجو جديد ،،،،
مميزات السيارة ( عائلية ثلاث اسيات مكيفة + رياضية 8 سلندر 5900 cc محرك همي + ثابتة وراسية على الطريق الوزن ثقيل بنسبة لمثيلاتها تقارن بوزن الجمس + مميزات أخرى مثبت سرعة + صاجة حامية للمحركات تحت السيارة + تحكم الكتروني راديو مسجل cd في الدركسون مقاعد متحركة وغيرة من المميزات ) وروح وشف هل مميزات في الياباني بكم ؟؟؟؟؟؟؟

[2008]

سلام عليكم
كيف الحال ياراعين الدورانجو
وهاهي الصور كما وعدتكم واسف علي سؤ التصوير لانه بالليل لم اجد فرصه حتي اصور في النهار الله لايشغلنا الا بطاعته


هذا هو الوحش جاهز للبر الله لايعوقه
(التاريخ الذي علي صوره غير صيحيح لأني نسيت اعدل التاريخ في الكاميرا)

وهذه صوره اخري للقوة

وهذه عداداته الحمد لله لا يشكو من شي

وهذا لي مواطير الهوا مركب فيه عدد 2 مراطير بيوك وجامعهن في لي واحد

وهذا القلص تصدقون ياشباب اني ساحب فيه دنه مغرزه ومحمله 5 خيام ام عمودين وحده خيمه ام عمود
وسحبها زي السلام عليكم قولوا مشاالله

يالله ياشباب ورونا صور سياراتكم

[Badervip]

2008
ماشالله
ومشكور على الصور
ممكن تشرح اكثر عن مواطير الهواء وفايدتها

[الوطواط]

الله يعطيك العافية على الصور
مشاءالله تبارك الله ،،، بس ودي اعرف وشو اهواز الهواء تشرح لنا ؟؟؟؟ لو سمحت

وطلب من الاخوان عن اي تركيبات او تجهيزات خاصة بدرانجو يشرحولنا ،،، الصراحة ما في شيئ بالسوق للدرانجو لا اكسسوارات ولا تعديلات !!!!!!!

[2008]

السلام عليكم
حي الله ملاكين الدورانجو
ياأخوان الليات (الأهواز) اللي تشوفونها حقات مواطير الهوا (عدد 2 مواطير) اللي اعبي
الكفرات منها هوا اذا نمستها وانا داخل منطقة صحراوية يوجد بها تغاريز
المواطير هذي توجد في سيارات البيوك القديمه اذا كان فيه هايدرولك او سيارت الفورد موديل التسعينيات تاخذ ماطورين من التشليح وتصلح لهن ليات (اهواز) وتجمعهن في لي واحد علشان يصير ضغط الهوا قوي وتعبي الكفرات بسرعه
فيه مواضيع كثيرة في مكشات عن الموضوع هذا واعتقد انها تباع عند السنيدي جاهزه
وتركب علي اي سيارة

[Badervip]

مشكور اخوي
2008

وماقصرت

[2008]

السلام عليكم
للرفع بعد اذا مشرفنا الغالي لأن واحد من الشباب وده يشترك في الرابطه بس مو عارف يلاقيها

[أبو عبدالرحمن 2010]

للرفع وطلب الفائدة

معقوله ما فيه احد يملك هذا الجبار

تحياتي للجميع

[2008]

السلام عليكم
أخو Ahmad 2008 مرحبا وش موديل اللي عندك ومميزاته

[Badervip]

من يدلنا على احد يقدر يفصل نظام الثبات الالكتروني ال Esc

[محمدالمسلماني]

يمكن بالتشليح

[ford]

للررررررررررررفع

[راعي الطويلة]

سجل عندك

دورانجو 2003
محرك جبار 5900 cc
سيارة لا يعلى عليها بالخط
بالبر
بأي مكان

ما يعيبها الا الوكيل وغلا قطع الغيار

من أفضل السيارات المتعددة الأستخدام

[msmr]

سجل عندك

انا عندي دورانجو 2007 علي يدي من الوكالة

مانيب مادحن فيها لكن السيارة ممتازة ولله الحمد أنا متوفقن فيها

وممكن غيري ياخذها وتبدا معه خرابات الى مالا نهاية يعني الشغلة أولا وأخيرا توفيتز من رب العالمين


على الخط الموتر ما يحتاج

ممتازة رساوته

مطبه زين

بس مراتبه مهيب مريحة بالحيل لكن هفي ديوتي يعني تكد

صرفيته للبنزين

اعبيه فل من الخبر ب45 تقريبا اذا هو مصففر طبعا بنزين 91 تقريبا حول التسعين لتر إلى الرياض

وعلى سرعة 120 - 130 ويبقى فيه النص يزود او ينقص

يعني يوفر في الاستهلاك غير كذا إذا ثبتت السرعة يشتغل 4 سلندر بس مع العلم انه 8 سلندر

في النفود طيب بالحيل ونشيط ويسحب السيارت المتعلقة

لكن الموتر ثقيل يعني لا تجيني كفراتك 35 وتبي تطعس وتسحب في هالعالم

انا في الكشتات البسيطة يعني ابطلع طعس بسيط ما انسم الكفرات وأشغل الدبل

لكن اذا بأبعد التنسيم فيك فيك مع الدبل الخفيف

قطع غيار يقولون غالي !!!

طيب قلي شي رخيص الحين

وبعدين اللي يقول غالي خله يقارن أسعار القطع الاستهلاكية في سيارات الجي ام الجديدة يعني الامريكي الجديد

ويقارنها بالدوج

ومن واقع تجربة لأني كان عندي تريل بليزر الله لا يعيده من موتر

بينهم فرق في السعر فضلا عن الجودة

ولا يجي احدن ويقولك قارنها بقطع كابريس 85 والا 95 ويقولك الجي ام ارخص والا كراسيدا 83 ويوقلك ارخص......خلك واقعي

يعني بالعربي القطع سعرها أرخص طبعا بكثير من السابق وأرخص من الهوندا والمستوبيشي

ولا هوب بعيد عن الجي ام الجديد بل الجي ام الجديد أغلى في القطع الاستهلاكية

لكن التويوتا والنيسان بالتأكيد أرخص ولكن ماهنا زود



دورانجو fully made in usa

يعني مصنعة بالكامل في أمريكا


الدورانجو سيارة استخدام فقط

ويبي لها صيانة في الوكالة فقط

والصيانة جدا معقولة بالمقارنة بالجي ام

ولا هيب سيارة معارض يعني تشتريها............... حللها بما يرضي الله

آسف على الاطالة

وأتمنى إنيّ أفدتكم

[تنبكتو]

السلام عليكم ورحمة الله وبركاته

سيارتي هي دورانجو 2006

السيارة قوية وجبارة والحمد لله

والعيب مهوب فيها العيب في الشريطية اللي ماعطوها وجه مثلها مثل البيجو