السلام عليكم ورحمة الله وبركاته
كما يعلم الجميع انه هذا موسم المقانيص والطلعات والكشتات هذه الايام و اغلب الاعضاء المكشاتيين اللي كاشت واللي قانص بالبران والفيافي وفي مناطق مختلفه من المملكه وخاصه من رحلته صوب الحيا والامطار والارض الموسومه ولاحظت ان الكثير بأجازة عيد الفطر المبارك كثير من الاعضاء وانا واحد منهم كانو متواجدين بالشمال وتقريباً بمنطقه وحده او متقاربه اللي حول لينه واللي بالحيانيه واللي بتربه واللي شمال حائل وغير ذلك
ولكن للاسف لم نتواصل ولو بالجهاز وناخذ العلوم والاخبار من ناس ثقه كاعضاء مكشات معروفين ولهم مكانه ومحبه خاصه ونحرص على علومهم ونستفيد من خبراتهم او نتواجه ونتعايد و ويزينها من عيديه بهاك الديار وكل على برنامجه
الاقتراح هو ان كل عضو من اعضاء مكشات يعطينا نداه على الجهاز بالبر اذا كان له نداء خاص فيه بالبر
او يعتمد له نداء جديد خاص بأعضاء مكشات
الشيء الثاني انه يكون لاعضاء مكشات قناه (تردد ) ثابت بالبر فقط لمن اراد البحث عن اعضاء مكشاتيين
واقول بالبر لمن لا يدخل على الجهاز بالديره والسبب معروف الفكه من الازعاج بالديره على الجهاز والاستخدام السيء له
واول من يبداء انا نداي هو نفس اسم المستخدم الرحال بس بدون 2003
امل من المكشاتيين التجاوب وابداء الاراء والاقتراحات
ولكم جزيل الشكر
اخوكم الرحال2003 ابو ناصر
رقم النداء
145775