العادي والأتماتيكي

[اللاسلكي]

السلام عليكم ورحمة الله وبركاته
بالنسبة لجيب الباثفيندر .. يفضل البعض القير العادي ويفضل البعض الأخر القير الأتماتيكي لأنه (حسب رأيهم )
أفضل في الرمل والنفود ...... ايش رايكم دلوني اي نوع اشتري ؟؟؟

[القماري]

بصراحة قد جربت الباثفيندر موديل 2000 كذلك 2002 وكلتاهما جير أوتماتيك - أعتقد أنه لا بأس به ،لكن السيارة لك عليها بالطعوس والجور ما تتحمل مثل الكبار ( باترول - لاندكروزر .. الخ )
وعلى العموم يفضل الكثير الجير العادي على الأوتمتيك خصوصا لسيارات الدفع الرباعي - أعتقد أنه أقوي من الاوتمتيك

[عبدالعزيز الدباسي]

هلا بك اخوي الاسلكي

شف طال عمرك انا شريت الباثفايندر اول ما نزل للسعودية 98 والى الآن وهو معي ولله الحمد ، والسيارة مريحة جداً داخل البلد ، وشكلها جميل و جذاب ، وعن القير العادي والاتوماتيك تختلف باختلاف استخدام راعي السيارة ، فهل هو من عشاق رقي الطعوس الكبيرة ، ام يختار الامكان الأسهل للرقي ،

طبعاً وكما تعرف بان القير الاتوماتيك مريح جدا داخل المدينة بعكس القير العادي ، اللي عند كل اشارة غير لا تغير واضغط كلتش ، وحط لا تحط ،،،، الحقيقة متعب بالمرة .

وانا اقولك اذا كانت قيادتك للسيارة متزنه ولا تحب المطامر مع المهبل في الثمامة لا تتعدى القير الاتوماتيك ، وسيارتي على فكرة قير اتوماتيك ، ولله الحمد مافيه مكان ما وصلته ، من شمال سوريا حتى جنوب جيزان وشرق الامارات الى غرب مكه والمدينة ،،،،، ولم اتضجر منها ابداً الا (والحق يقال) عند رقي الجبال في ابها .

واي مشورة او استفسار انا حاضر يالغالي

وتقبل تحيات اخوك شقردي


<CENTER><P><IFRAME WIDTH=65% HEIGHT=240
SRC="http://shagrdi.jeeran.com/shegardi1.swf"></IFRAME><BR></CENTER>

[أبوسليمان]

مشكور أخوي شقردي
بس عندي أسئله ودي تجاوب عليهن ولا عليك أمر
س1:هل السيارة تفكك زي باقي النيسان (مع العلم أن سواقتي هاديه)
س2:هل هي مريحه بالخط (راسيه)
س3:صرفية البنزين (أرجو المقارنه بسياره أخرى)

تحياتي
أبوسليمان

[عبدالعزيز الدباسي]

هلا بك اخوي ابو سليمان

رداً على اسئلتك ،،، تفضل طال عمرك .

بالنسبة للتفكك سيارتي تبي تكمل اربع سنوات ولله الحمد ولم اشعر بان هناك تفكك او اصوات قرقعه مثل الباترول

وعن رساوة السيارة بالخط فهي راسيه جداً ونشيطه جداً ، وعلى قولتهم (تعطيك من عمره)

وصرفيه البنزين الحقيقة لم اشعر ان هناك صرفية زائدة فانا اعبىْ بـ60 ريال تقريباً وداخل الديرة أمشى مسافة 420 كيلو تقريباً واكيد انك بالخط اقل صرفية .

وفيه شى يا ابو سليمان (ولا يهونون السامعين) ودي تاخذ بالك منه .

وهي عن الكفرات والمساعدات .

كفرات الباثفايندر شد بلد هي برجستون ، والحقيقة انها متعبة شوي في النفود ، ، لانني ارتحت بالمرة يوم غيرتها الى يوكوهاما ، وفيه فرق واضح بين الاثنين .

وعن المساعدات الخلفية اذا حملت الموتر صح تبداً تسمع ضرب المساعدات وتقل حينها راحة الموتر للي راكبين في الخلف ، ويقولون انك تستطيع ترهيم مساعدات في الصناعية عند ورشة معروفة ، لكن انا ما حبيت اغير شى في السيارة .

وللجميع تحياتي

<CENTER><P><IFRAME WIDTH=65% HEIGHT=240 SRC="http://shagrdi.jeeran.com/shegardi1.swf"></IFRAME><BR></CENTER>

[أبوسليمان]

ألف ألف شكر
يعطيك العافية
والله يأنت دخلت السياره بمخي منجد
بس مناحية الكفرات والمساعدات ماهيب مشكله (يتغيرن)

تحياتي
أبوسليمان