السلام عليكم ورحمة الله وبركاته
يالربع هذه قصة طرحتها لأخذ العضة والعبرة منها ,,,,,,,,,,,,,,,,,,,,,,,,,
قبل سنوات عدة حول عشر سنين كنت بالديرة وكان موسم صيد الضبان ويوم من الأيام جنوب من قرية النقرة تابعة للقصيم طلعنا وقنصنا وكان صيدوفير ضبان وطيور ونعمة من الله
وصادفنا لنا شايب وكان قانص لحاله يصيد من الضبان ويحط بالثلاجة اللي معه سألنا الرجال عينتوا من الضبان شيء قلت له الضبان مابها قل وكانت فعلا قبل عشر سنوات هاك الديار تنعم بها
وسألته من وين أنت جاي قالي من القصيم وإستغربت شايب ولحاله صعبة شوي قال ياولدي أنا متعود كل عصر ربوع أجي وأرجع عصر الجمعة عزمنا الرجل ولا أثنى للعزومه
وراح وحنا بعد رحنا ويوم جاء يوم السبت طبعا هذا الكلام كان يوم الربوع المهم يوم جاء السبت وكنا حول هذيك المنطة جونا رياجيل وأسألونا عن الشايب طبعا وصفوه لنا وعرفناه
علمناهم قالوا هو العادة يجي يوم الجمعة أما هالمرة ماجاء وراحوا ومن البكرة جاء رجل لعمي وكان عمي بدوي بهاك الديرة وقاله أنا لقيت لي رجال ميت عند جحر ضب
وش أسوي قال رح بلغ الشرطة وراح للمركز وبلغ وجابهم للرجل وجابوا الشرشورة وأخذوا الجثة وشرحوها وتبين إنه مقروص من سامه قشراء وحسب كلام الطبيب يقول محتمل يكون الصل الأسود اللي نسميه (الهام)
فرحمة الله عليه والله يسكنه فسيح جناته اللهم آمين
المرجوا من هالقصة ** أخذ العبرة منها وعدم الذهاب للقنص أو للبر إلا برفقة رجال وخوييا حتى لاسمح الله حصل مكروه مايكون الرجل لحاله
وكذلك عدم وضع اليد بجحر الضب مهما كان لأنه وكما هو معروف جحر الضب كله سوام
تمت
تحيات أخيكم
سطام
منتدى مكشات / سوالف شعبية
رد مع اقتباس
المشاركة الأصلية كتبت بواسطة عذب الروح
