فزعتكم بالسودان يالنشمى

[الشاص]

السلام عليكم ورحمة الله وبركاته ...

يالله ان تمسيهم بالخير والرضاء والعافيه

ياجماعه ناوين انشاء الله انا وجماعة شروا هاالوجيه الطيبه نقنص السودان قبل عيد الاضحى القريب بحيث ان الاجازه تصير مشبوكه مع اجازه العيد وحبيت اخذ نصايحكم وخبرتكم الى مانستغني عنها مع العلم ان معنا طيور وكلاب صيد و4 مواتر

وياليت ياجماعه الى عنده معلومات لو بسيطه مايبخل علينا بها

[الفقمة]

بسم الله الرحمن الرحيم

السلام عليكم ورحمت الله وبركاته
مرحبا بك اخى شا ص وانشاء الله تروح وترجع بسلامة
وغانم وسالم باذن الله بس توعدنا بصور الله يجزاك خير

والسلام عليكم ورحمت الله وبركاته

خوكم الفقمة

[راعي العشة]

كفو والله يالشاص عز الله تبي تستانسون إن شاء الله

ومن ناحية النصايح هذولا ياطويل العمر والبقى عمامن لي راحوا يم السودان قبل كم سنه

معهم 6 مواتر مورسدس عايدي به الثلاجات والعزبة وراحوا وجلسوا حول الشهر ورجعوا بغنايم ما شاء الله

وبعده راحة الدفعة الثانية من عمامن لي وصادوا حول خمس طعش غزال وهم راجعين الجمارك

مسكوهم وغرموهم وأحرقوا كل صيدهم أحراق أبانزين أما الأولين عز الله أستانسوا وفكهم الله

لكن إذا أنت تبي تصيد وتضرب بالخمس بمحلك بالسودان ماعليك لكن إذا تبي تجيب معك مخصصين لك

ثلاثة أو أربعة وأن ماخاب ضني ثنين أو ثلاثة بس

وبالتوفيق إن شاءالله

أخوك راعي العشة

[الشاص]

الفقمة

وعليكم السلاااام والرحمه

وابشر انشاء الله بالصور وبساعة الصدر بس الله ييسر الامور


راعي العشة

الله يطول بعمرك والمقصد كله وانا اخوك على ساعة الصدر

ومشكور على النصايح

ونتمنى من باقي الشقرديه الى عندهم معلومات او قنصو هاك الاراضي او يعرفون علوم عنه انهم مايبخلون عن بتجاربهم ونصايحهم

[رعد الجنوب]

السلام عليكم
اخوي شاص حياك الله
الي اعرفه ومتاكد منه ان الصيد ممنوع في السودان
لمدة خمس سنوات راح منها اكثر من ثلاث سنوات
ارجو ان لاتستعجل حتى تتاكد من الوضع تماما.

اجمل تحية

[ابو سلمان]

السلام عليكم ورحمة الله وبركاته

اخوي الشاص

بالنسبة لرخصة الصيد في السودان لا تزال مفلقة يعني ما فيه رخص صيد لاكن اذا تبون تقنصون ضبا ورمي فقط لازم تعرفون احد بالخرطوم ويقنصكم حول الخرطوم مثل بعض الشباب وهذي تحتاج زود دراهم يعني مكلفة وبالطيارة تجون سياحة مع الحذر ..
والله اعلم

[line]

[img][/img]