السلام عليكم
اقولك ببساطه مافيه فرق ابد
الفرق في مكينتك طول الله عمرك
والحقيقه مافيه بنزين في الأساس اسمه بنزين 91 الأساس هو بنزين 90 وبنزين92
طبعا فيه شي اسمه نسبة الإنضغاط وكل مكينة لها نسبة انضغاط معينة
طبعا باعطيك كلام علمي وماعليك من 91 لأنه لا وجود له في الأساس وباشرح لك عن البنزين 80
هذي هي نسب الأنضغاط لكل نوع من البنزين
بنزين 80 لمحرك ذو نسبةإنضغاط 8
بنزين 90 لمحرك ذو نسبة إنضغاط 9
بنزين 92 لمحرك ذو نسبة إنضغاط 10
بنزين95لمحرك ذو نسبة إنضغاط 11
وللمعلوميه فيه سيارات نسبه انضغاطها منخفضة من السيارات القديمة مثل الآدا والشاهين و لـ128
وهذي السيارات تستخدم 80 عشان نسبة انضغاطها ضعيف يعني لو صاحب احد هذي السيارات
يعبي 95 فهو يذب فلوسه في الهواء وطبعا ما تعطي نتائج افضل زي ما يقول بعض الناس وهذا اعتقاد خاطئ لأن السياره في هذي الحاله تعطي اقصى طاقه واقصى احصنه من بنزين 80
ولما يعبي نوع فضل فهو ما راح يستفيد شي
طبعا غالبا السيارات الحديثه هي اللي تحتاج بنزين 95 لأن نسبة انضغاطها على وغالبا ما تكون على سيارات فارهه او رياضيه مثل المرسيدس والأودي والخ...
لأن مستواهم في هندسه المحركات متطورة وحديثة
طبعا احتمال ضعيف يكون في الكتلوج نوع البنزين الموصى به
وعليك انك تفتح الكتلوج وتشوف نسبه الإنضغاط وتحدد نوع بنزين سيارتك
طبعا طبيعي نعبي في السيارات هذي بنزين 95 لأن السيارات هذي محركاتها متطورة
ونسب انضغاطها عاليه
طبع فيه ناس يستغلي 95 ويعبي 91 وموتره ما يقبل النوع الرخيص
طبعا هذا يدمر المكينة ولكن على المدى الطويل
ان شاء الله وظحت المعلومة
طيب يمكن يطرى على بالك كم سؤال
مثل:
وش يصير لموتري لو عبيت بنزين اقل من الموصى به ؟
1- ما يجيب موترك العزم او عدد الأحصنه الموجوده في الكتلوج
2-يرتفع صوت المحرك لو صوت خفيف
4-يطلع صوت تصفيق داخل المكينه وهذا يقصر عمر المكينه على لمدى الطويل
5-((زيادة استهلاك البنزين)) لأن التصفيق وزيادة الموجات الناتجة تزيد من فوائد القدرة داخل المحرك.>>>انبه على هذي لأن بعض الناس يقول 91 ما فيه بركة يخلص بسرعه وهذا هو السبب
طبعا فيه اشاعات واجد حول الموضوع مثل :
بعضهم يقول البنزين 91 يضر بالبيئة والـ95 لا .
هذا كلام ماله سنع وكل الإثنين مركباتهم وحده مع اختلاف النسب
وبعضهم يقول بنزين 91 يسد الفلاتر وكله وصخ ولـ95 انظف والخ.....
والحقيقه انها كلها واحد وبالنسبه للشوائب هذي على حسب خزان المحطه نفسها
واتمنى اني افدتك وبالتوفيق