الشاص 2010 و بعض الإستفسارات عنه [ للي مجربينه فقط ] !

[أنس بن فهد]

السلام عليكم و رحمة الله و بركاته

يالله إنك تحيي النشاما و راعين العلوم الطيبة


أنا إن شاء الله ناوي على شاص 2010 و مثل ما أنتم خابرين الموتر تغيرت مكينته
و تعرفون هرج الناس اللي تقول أنه زين وما يحتاج و اللي يقول إبعد عنه
و الحقيقة إن الواحد يحتار و المسألة به دفع دراهم مهب بسيطة

حبيت أشاور اللي معهم هالموديل و اللي سبق و أن جربوه و خاصة بالنفود
و ودي أسأل عن بعض الأمور منها :

المكينة هل هي متوافقة مع القير أو لا ؟
المكينة هل تتحمل الأعمال الشاقة ؟
البنص الكهرب وش رايكم فيه ؟
الديكور هل يتحمل مثل القديم أو مع الوقت يبي يتخترش و يسوي لنا إزعاج

اللي عندة علم أرجو أن لا يبخل علينا بمشورتة أما اللي يتخرصون فلا مكان لهم هنا

بارك الله فيكم و ننتظر ردودكم

[أنس بن فهد]

لـلــرفع ..

[سوبر VTC]

ينقل لخيمة السيارات
باع الرجال السفاري او لا ؟

[طير البر 506]

والله ولد عمــي شاري لـهــ شاص 2010 ..


وماشي معه ما شاء الله زي الحلاوهــ .. طبعا يقول انه ازين من 9 ..( عند اخوه 9 )

ما شاء الله انا اشوف انه قوة لا اله الا الله ..
** اريح من اللي قبل **
الديكور جيد ما عليه ..

لكنه يقول اذا حملت عليه ..(( ينزل ))

اتمنى اني افدتكــ ..

تحياتي ,,.

[شاص&نص]

بسم الله الرحمن الرحيم
و الله و أنا أخوك الجديد أقل صرفية من الأول و أريح في المركب و هذا قول كل اللي ركبوا معي و اما التحميل فما حملت عليه لكن اشوف الناس في ام رقيبه محملينه علف و يتمشى في النفود بكل راحة
اما الديكور فاجمل من الاول و اما التماسك فما يبين الا بعد سنين من الاستخدام لكن اللاند قبله ما خبرناه يتهردب
اما قوته في النفود فما يعلى عليه
اما البنص الكهرب فهو موجود في اغلب التويوتا مثل الهايلك و اللاند الجديد و وما سمعت احد شكا منه
و ترى مقارنتي مع ال 2006 و انا مجرب الاثنين

[أنس بن فهد]

بارك الله فيكم و في ردودكم
و الحمد لله تم شراء المزيون و الله يطرح به البركة

[محب النياق]

اخوي انس الله يباركلك في الموتر

ونبي سعره وملاحظاتك انت وفرقه عن القديم

[طير جنون]

الجديد جديد يكفيك مكينته اقوى من الاولات وديكورهـ ىفخم

[ابو حمود 511]

انا معي الشاص 2010 ممتاز احسن من 2009

اما الملبغ 11000 الف من حائل

وشكرا

[mjjazf]

بسم الله الرحمن الرحيم
و الله و أنا أخوك الجديد أقل صرفية من الأول و أريح في المركب و هذا قول كل اللي ركبوا معي و اما التحميل فما حملت عليه لكن اشوف الناس في ام رقيبه محملينه علف و يتمشى في النفود بكل راحة
اما الديكور فاجمل من الاول و اما التماسك فما يبين الا بعد سنين من الاستخدام لكن اللاند قبله ما خبرناه يتهردب
اما قوته في النفود فما يعلى عليه
اما البنص الكهرب فهو موجود في اغلب التويوتا مثل الهايلك و اللاند الجديد و وما سمعت احد شكا منه
و ترى مقارنتي مع ال 2006 و انا مجرب الاثنين

الله لا يهينك انك تكتب القصيده اللي في توقيعك بخط واضح ومن قايلها

[أنس بن فهد]

اخوي انس الله يباركلك في الموتر

ونبي سعره وملاحظاتك انت وفرقه عن القديم

أهلا و سهلا بك أخي محب النياق و الله يبارك فيك

السعر الحمد لله أخذناه بـ 114 مع اللوحات [ وارد البريمي ] من معارض بريدة
أما عن التجربة إلا هالحين ما بعد طلعته من المعرض و كله يومين و حنا راكبينه و جايبن لكم علومه

[الرزق من الله]

السلام عليكم ورحمة الله وبركاته

والله ياخوي انا كان معي 2007 ومشى معي 120 الف وبعته وشريت 2010 من البحر العربي ببريده بريمي اخذته 115 الف

والله ياخي فرق الثرا عن الثريا حسيت بخف غير طبيعي بالجديد بفزته وقومته ونشاطه وبالنسبه لديكور الحين ماشي معي 7000 وماشاء الله ماعليه الا العافيه ولا تغير شي يذكر بالنسبه لديكور

وسمعت كلام كثير يقولون صوت ونه وخرابيط مجمعه اكتشفت انه كل علوم شريطيه علشان يسوقون بضاعتهم الراكده من الفين وتسعه

اشتر وتوكل على الله وماجاك يمي

بس انتبه ترا ماياخذ الا خمسه ونص مع السيفون لايدمرون عليك المكينه ابو يمن ولا الافغان ويحطون لك مثل الموديلات الاوله

ولك تحياتي واي شي تبيه انا مستعد حتى لو تبي تجرب السياره ابشر حاضر وممنون

[سوبر VTC]

الله يطعمك من خيره و يكفيك شره

موفق

[has-120]

الفل كامل :
رفارف + ونش +دعامه

[(((.ابوتميم .))))]

السلام عليكم ورحمة الله وبركاته

والله ياخوي انا كان معي 2007 ومشى معي 120 الف وبعته وشريت 2010 من البحر العربي ببريده بريمي اخذته 115 الف

والله ياخي فرق الثرا عن الثريا حسيت بخف غير طبيعي بالجديد بفزته وقومته ونشاطه وبالنسبه لديكور الحين ماشي معي 7000 وماشاء الله ماعليه الا العافيه ولا تغير شي يذكر بالنسبه لديكور

وسمعت كلام كثير يقولون صوت ونه وخرابيط مجمعه اكتشفت انه كل علوم شريطيه علشان يسوقون بضاعتهم الراكده من الفين وتسعه

اشتر وتوكل على الله وماجاك يمي

بس انتبه ترا ماياخذ الا خمسه ونص مع السيفون لايدمرون عليك المكينه ابو يمن ولا الافغان ويحطون لك مثل الموديلات الاوله

ولك تحياتي واي شي تبيه انا مستعد حتى لو تبي تجرب السياره ابشر حاضر وممنون

عساه من الشرايا المباركة ان شاء الله
بس تكفاا وش مواصفاته هل هو فل ؟؟