اخواني اعضاء وزوار منتدى مكشات العالمي.
السلام عليكم ورحمة الله وبركاته.
يوم الخميس الماضي كان لنا زيارة استكشافيه لفياض جال المستوي.
طبعا تعتبر قريبه من جهتنا (منطقة السر) بس نقطع النفود اللي عرضه 15كم ونصل اليها.
يعني مكشات يوم ونرجع وهذا من فضل الله.
كانت بداية الرحلة من بعد فجر يوم الخميس وافطرنا بالنفود وباذر الربيع فيه ماشاء الله يبشر بالخير وعلى ورقتين وثلاث .. ولكن لم يكن هناك مايستحق التصوير.
وصلنا الى الجال ومرينا على عدد من الفياض وخاصة الجنوبيات منهن لايوجد فيهن اي اثر او تباشير للربيع.
وبعد ماتعدينا حوالي اربع فياض او خمس جينا على شعيب يحول من الجال ويدخل بالنفود ومن شكله عرفنا انه سايل مع السيل الاخر وماشي ممشا طيب.
مشينا مع الشعيب ندور الفيضه او المحير اللي توقف فيه بالنفود .. والحمد لله كانت المفاجأة ان حصلناه مسيل فيضه وحده مربعه الجهة الشماليه منها فقط .
انشرح الصدر وزال الكدر مع شوفة الربيع واشتنشاق ريح الروض والحرف.
ماطول عليكم اترككم مع الصور عسى ولعل ان تنال اعجابكم واستحسانكم.
في البداية هذي صوره للروضة من طعسها الشرقي وحجمها تقريبا بحجم ملعب الكوره او اصغر شوي.
طبعا كانوا الكشاته معنا وشكل الجميع يمشي على احداثيه
طقم شواصي
طقم سفاري
التطقيم بمثله يبي دراهم لذلك مالقى احد .. فوصل لحاله.
ثلاث جهات من الروضه ناخذها بثلاث صور
1
2
3
قبل اختيار محل الجلوس مرينا جهة الفيضه الجنوبيه لقيناها ربيعها اقل
ولا يذكر
رجعنا واخترنا ذرى هالطعس عن الهواء الشماليه الصلفه البارده .. ومقابل لمشراق الشميسه
وبدينا بتجهيز الغداء عبارة عن شوي لحم وصحون قصدير على الجمر
وهذا الشوي الله يسلم يدين ابوعبدالرحمن.
جاهز
نعتذر عن صور الغداء لاني غير مؤيد لكثرة صور الطبخ بالبر على حساب صور الربيع
لكن هذا برييييّق شاهي قبل العصر
وهذا يقالك احترافيه هههه
وهذا سرد الله يسلمه ماقصر عطانا وجه لين صورناه
ارجو ان تنال الصور اعجابكم واستحسانكم
ودمتم بخير وموده
اخوكم
((( الحر)))
رد مع اقتباس
