طريقه تثبيت بزبوز التانكي خارج السياره ×بالصور×

[هويدي]

السلام عليكم ورحمه الله وبركاته

حبيت ان اطرح بين ايديكم تجربتي بتثبيت البزبوز خارج السياره لسيارتي الباترول

واتمنى ان تناسب بقيه السيارات

الشغله سهله ولا تسوى من يسوي موضوع علشان بزبوز

ولكن اشين شي لاصرت تشتغل ونقصك قطعه ... وتنقز للمحل كل مره او انك

تجلس تطبق القطع قدام المحل وتتعب بالاخير يستغلك العامل ويدبل السعر

مالكم بالطويله نخش بالموضوع

المقادير <= حشى مطازيز

1ـ بزبوز نص بوصه ... او محبس نص بوصه حسب الذوق

2 ـ سنه من الجهتين ( مدري وش تسمى بمصطلح السباكين ) صوره للتوضيح

3 ـ عدد اثنين زقم .. انظر الصوره

4 ـ عدد وصلتين كروم او حديد

5 ـ وصله صغيره

6 ـ شطرطون سباكه
نبدا بصوره للتوضيح لعدم المامي بالمسميات مع الترتيب

بحيت تكون السنه ام جهتين بالنص ( داخل فتحة الشنكار ) ونربط الشق الايمن بالايسر لكي يشد ويثبت البزبوز



هاذي المقصود بها ام سنتين قبل الشطرطون









صوره عامه للقش



ملاحظات <= اخلص علينا يامخترع الذره صجنا هو وبزبوزه

احرص على الشطرطون بين وصله ووصله تلافياً للتهريب

لحل مشكله الهوا : تم تركيب بلف كفر على غطاء التانكي بعد فك الابره
وتركيب لي عليه معلق بالحزام على فوق
علشان ينسم على كيف كيفه

وفي الختام اعتذر على الاطاله وركاكه الاسلوب والشرح والدخول فيه تفاصيل غير مهمه

ودمتم بحفظ الله ورعايته

[almotim]

يعطيك ربي الف عافيه

والله ماقصرت على الشرح والصور

[الطير040]

الله يعطيك العااااااااااااااااافيه

وتسلم على الطرح المميز

بيض الله وجهك

[زايــ ابومحمد ــد]

الله يسلمك على هالشغل .. اخوي من وين طلعت اللى .. خرمت له بدريل او له مجرا جاهز

[همس الغدير]

(( سبحان الله وبحمده ، سبحان الله العظيم ))
مشكور اخوي جهد تشكر عليه

[قناص*07]

يعطيك العافيه

[هلي93]

شغل عدل الله يعطيك العافيه

[ERIC7]

مشاء الله شغل ممتاز لاكن انت من وين مدخل اللي اذا تانكيك جوا السياره

[ابوراس الدحمي]

شغلك عدل ماشاء الله عليك .... لكن ضعيت الشنكار الداخلي عليك ...
وفقك الله الى ما يحب ويرضى
تحياتي............

[غربي هواوي]

يعطيك العافية

[هويدي]

يعطيكم العافيه يا اخوان كلن بأسمه


اسعدني مروركم العطر

بالنسبه للي خرمتله بدريل ريشه 12 ملي اصغر من مقاس اللي بملي

شغلك عدل ماشاء الله عليك .... لكن ضعيت الشنكار الداخلي عليك ...

جزاك الله خير خيو الشنكار فيه بداله اثنين الرمانه والثاني والله لايحيجنا لهن

على موتري الاول ما استعملتهن ولا مره اللهم الرمانه اللي بالنص

[~ V T A C ~]

تسلم على الطرح المميز

بيض الله وجهك

[المحترف800]

كفو والله موفق يالغالي ..

[الاصلي]

الف شكر مجهود تشكر عليه
اهم شي ان المعلومه وصلت وجاري التنفيذ
الله يعافيك فكره حلوه

[عبون الجواء]

مشكور اخوي بس الباترول الا عندك ربع او صالون
ناوي اركب على الربع تانكي ماء لاكن وين المكان الافضل واذا كنت مركب على الربع ارجو وضع الصورة كثرة عليك ويعطيك العافيه