(((رابطة ملاك اليوكون))) فقط لاصحاب اليوكن ....Yukon

[sniper2009]

سجل يوكن 2008 SLT

[ابوغلا000]

السلام عليكم ورحمة الله وبركاته
انا عندي يوكن 2008 فل كامل slt وعندي سؤالين إذا امكن الجواب عليها اكون من الشاكرين لكم
س1 / كم اخلي ضغط الهواء في الكفر مع العلم ان الجنوط 20 انش لأنه مزعج وقاسي في نفس الوقت

س2 / عندي الكرسي حق السواق خربان التماتيك مايطلع ولا ينزل بس قدام ورى وين الاقي محل يصلحه في الرياض
وشكراّ لكم مقدماّ

ومعليش على السؤال الثالث
انا اعبي بنزين 95 وصراحه ذبحني لو اغير 91 هل يوجد مشكله والا عادي

[ابو وافي 2008]

السلام عليكم ورحمة الله وبركاته

معاي يوكن 2008قصير دبل فيه تهريب زيت من قدام الجهه اليمين رحة الشركه قالوا الصوفه حقة العكس الامامي السؤال سهله لو اشتغلتها براء زائد الجلبه حقة عمود الدبل تبي تغيير

[3zyiz]

السلام عليكم ورحمة الله وبركاته
انا عندي يوكن 2008 فل كامل slt وعندي سؤالين إذا امكن الجواب عليها اكون من الشاكرين لكم
س1 / كم اخلي ضغط الهواء في الكفر مع العلم ان الجنوط 20 انش لأنه مزعج وقاسي في نفس الوقت

س2 / عندي الكرسي حق السواق خربان التماتيك مايطلع ولا ينزل بس قدام ورى وين الاقي محل يصلحه في الرياض
وشكراّ لكم مقدماّ

ومعليش على السؤال الثالث
انا اعبي بنزين 95 وصراحه ذبحني لو اغير 91 هل يوجد مشكله والا عادي

صارو 3 اسئلة
ج1\ يعتمد على نوعية الكفرات .. اذا كفرات دنلوب ( الله يعينك ) قاسية ما تسوى قيمتها ولكن الهواء الاعتيادي 40 .. اذا فيه تحجر بالكفر نزله الى 35 او 30 وجرب السيارة

ج2\ خابر لك محل بالصناعية القديمة مخرج 17 .. يجيك اشارة الصناعية تاخذ من عندها يسار .. تشالينجر على يدك اليسار .. اول تقاطع رح يمين .. يجيك تقاطع داخل الصناعية تعده .. التقاقطع الثاني بعده على يدك اليمين فيه مسجد بالدور الثاني الناس يصلون فيه .. تحت هالمسجد بالضلط فيه واحد سوري مختص بهالامور .. محل صغير

ج3\ ماعندك مشكلة ، ولد عمي عنده تاهو 2011 يعنبيه 91 .. لكن 95 افضل للسيارة واخف واطلق .. لو تعبي 91 يخف عزم السيارة ... لا كن تأكد من كتالوج السيارة هي 91 او 95 او اتصل على الوكالة ( خدمات الصيانة ) اذا تبي تتأكد اكثر

[3zyiz]

السلام عليكم ورحمة الله وبركاته

معاي يوكن 2008قصير دبل فيه تهريب زيت من قدام الجهه اليمين رحة الشركه قالوا الصوفه حقة العكس الامامي السؤال سهله لو اشتغلتها براء زائد الجلبه حقة عمود الدبل تبي تغيير

ايييييييييييييه سهله
رح لأي بنقالي يصلحها لا تدوش دماغك بشغلات الوكالة

وبعدين وش دراك انها صوفة العكس ؟؟
تأكد من الصوفة ورمانة العكس بعد

وعلى كل حال تكلفة اصلاحها ما تتعدى 200 ريال شغل يد والقطع رخيصة مع اني ماجربتها بالجمس لكن بالاكسبديشن القطعه قيمتها بـ 140 ريال الرمانة مع الصوفة والشحم وكل شي .. وشغل اليد اخذ مني 120 ريال

وانت وشطارتك في المكاسرة

[يوكن الشرقية]

مافي احد يجااااااوبنا

[3zyiz]

جاوبتك


ما يحتاج تروح الوكالة وتكاليف على غير سنع
رح ورشة العضيب الي بالصناعية القديمة وخلهم يشيكون علهيا

والا تدري شلون !!!!!!!!

رح ميزان العضيب او ميزان المجد وهو يعلمونك وش الي يحتاج تغيير

[ابوغلا000]

مشكور يا اخ Al3as
على ردك بس باقي عندي كذا سؤال اذا امكن الرد عليها والله يكتب اجرك

عندي السياره قاسيه مره واحس اذا مشيت على حفره والا عيون القطط والا بطناج انها راح تتفكك علماً ان الكفرات مالها اربعة شهور والهواء 35 وشكلها لينه نوع مرشال طبعا الجنط مقاس 20 وش الحل وهل الي عندهم يوكن وجنط 20 زي حكايتي وبعدين الي عنده نفس الجنوط وش افضل كفر

وعندي الديكورات وين اربطها احسها تفككت من قساوة السياره

وعندي الشاشه هل اقدر انزل عليه خرايط

وعندي الهوايه حقت المكيف ماتقفل الا اذا شغلت المكيف ذبحني البرد والهواء واي ريحه في الشارع الاقيها معي داخل السياره

وعندي والا اقولكم امزح خلاص كذا
ومشكرين على اي رد مقدماً
واسف على الاطاله

[ابوغلا000]

ياشباب وين اهل الرابطه وين الناس تكفون ردو ترى بابيع السياره اذا مارديتو ياهوووووو

[GMC-]

ياشباب مساكم الله بالخير

انا معي دينالي ٢٠٠٧
والقزازه اللي ورا ماتفتح لا من الريموت ولا غيره
ما ادري وش المشكله ووين اوديه فيه ورشه متخصصه ؟
ياليت يفيدنا احد ياشباب

[3zyiz]

مشكور يا اخ Al3as
على ردك بس باقي عندي كذا سؤال اذا امكن الرد عليها والله يكتب اجرك

عندي السياره قاسيه مره واحس اذا مشيت على حفره والا عيون القطط والا بطناج انها راح تتفكك علماً ان الكفرات مالها اربعة شهور والهواء 35 وشكلها لينه نوع مرشال طبعا الجنط مقاس 20 وش الحل وهل الي عندهم يوكن وجنط 20 زي حكايتي وبعدين الي عنده نفس الجنوط وش افضل كفر

وعندي الديكورات وين اربطها احسها تفككت من قساوة السياره

وعندي الشاشه هل اقدر انزل عليه خرايط

وعندي الهوايه حقت المكيف ماتقفل الا اذا شغلت المكيف ذبحني البرد والهواء واي ريحه في الشارع الاقيها معي داخل السياره

وعندي والا اقولكم امزح خلاص كذا
ومشكرين على اي رد مقدماً
واسف على الاطاله

اسف ياغالي على التأخير


انت مشاكلك واجد وشكلك كذا والله اعلم ما تحافظ على الموتر .. مطببه بر وحايس مريرة
طبعا سالفة قساوة السيارة هذي مشكلة في السيارات الكبيرة اذا ما تحافظ عليها .. اعتقد عندك ربلات العكوس وربلات المقصات والجلب او الجلد حقت عمود التوازن الامامية ولو تدخل موقع حراج السيارات فيه شخص عجبتني فكرته في تغيير الربلات والجلد برياضية تتحمل اكثر من العادية وله اعلان عن هوبات رياضية بس مالقيت اعلان الربلات مدري وين .. لكن دورة في الموقع وتلقاه :
http://www.haraj.com.sa/11718158/%D9...%D8%AF%D8%A9_/

وعندك يا طويل العمر ( القحطاني للعكوس ) في الصناعية بمخرج 17 لو تروح له وشيك على الربلات الي عندك
اما الجنط 20 ماعنده مشكلة الا في حالة انه تجاري !!!
انا عندي LTZ وجنطه 20 اصلي طبعا وانزل به للبر بس اني محافظ عليه امشي على قشر بيض .. هذي 120 الف دفعتها ياشيخ غير امزمزه الى أخر قطرة .. لذلك اذا كانت الجنوط عندك موب الأصلي حقت الوكالة فلا تتعب نفسك بتسكع عيون القطط والمطبات والحفر شي طبيعي
اما الكفر مارشال انا مجربه على تاون كار سابقا بصراحة روعة ومريحة .. بس مدري عن اليوكن يزبط معه والا لا .. لم يسبق لي التجربة


وزن الديكورات .. والله مالي خبرة وين الورشة التمام .. لكن على الله احد يفيدك غيري
وتقدر تسأل في الصناعية لين تلاقي الي يزبطها لك بعد ما تتأكد انه فعلا تمام شغله

الشاشة وش نوعيتها ؟

هواية المكيف .. لازم تمر على كهربائي شاطر
ويبي لك تمر على كذا واحد يشيك على المشكلة اذا هي من زر الهواية او من الهواية نفسها
اذا الهواية نفسها معناها لازم يشيك عليها من داخل الطبلون

[zqert]

يسعدني الانضمام الى الرابطه

يوكون 2012

[شرقآآآوي]

السلام عليكم ورحمة الله وبركاته

اليوم الصباح رحت اغير زيت السياره يوكون 2008

كاسترول 10 /30 مع السيفون pf48

المهم العامل حط 5 وثلاثة ارباع علبه ، قلت له ياخوي المفروض 5 علب ونص والزيت اعلى من اخر فتحة من الفتحات اللي في عيار الزيت تقريبا بـ سم

وشفت الرجال متأكد من سلامة الوضع 100% قلت توكلنا على الله

على طول شيكت على بعض الردود اللي بالمنتدى هنا عن عدد العلب وكان من ضمنها انه فعلا خمس وثلاثة ارباع العبه يعني 6 الا ربع

فتطمـــّــنت

اخذت السياره كم مشوار احسها ثقيله ، والدركسون احيانا ثقيل واحيانا خفيف

بديت اوسوس ، وعلى طول بعد المغرب رحت للبنشري وقلت ينقص ربع علبه من الزيت حتى جاء الزيت عند اخر فتحة اللي في عيار الزيت، ووقتها جاء الفني الفبليني وقال اليوكون والتاهو 5 علب ونصف


حبيت تاخذون حذركم عند غيار الزيت

لان كثير من الردود يقول فيها 6 الا ربع مع السيفون وهذا خطأأأأأ


الصحيح مع السيفون 5 ونصف

اتمنى اذا كنت على خطأ ان يتم تصحيح المعلومة لديّ
واتمنى اللي يملك معلومه عن افضل وقت لقياس عيار زيت المكينه / السياره بارده ام حاره ، واين يكون مؤشر الزيت في المعيار ؟

[المهاجر 000]

السلام عليكم ورحمة الله وبركاته

اليوم الصباح رحت اغير زيت السياره يوكون 2008

كاسترول 10 /30 مع السيفون pf48

المهم العامل حط 5 وثلاثة ارباع علبه ، قلت له ياخوي المفروض 5 علب ونص والزيت اعلى من اخر فتحة من الفتحات اللي في عيار الزيت تقريبا بـ سم

وشفت الرجال متأكد من سلامة الوضع 100% قلت توكلنا على الله

على طول شيكت على بعض الردود اللي بالمنتدى هنا عن عدد العلب وكان من ضمنها انه فعلا خمس وثلاثة ارباع العبه يعني 6 الا ربع

فتطمـــّــنت

اخذت السياره كم مشوار احسها ثقيله ، والدركسون احيانا ثقيل واحيانا خفيف

بديت اوسوس ، وعلى طول بعد المغرب رحت للبنشري وقلت ينقص ربع علبه من الزيت حتى جاء الزيت عند اخر فتحة اللي في عيار الزيت، ووقتها جاء الفني الفبليني وقال اليوكون والتاهو 5 علب ونصف


حبيت تاخذون حذركم عند غيار الزيت

لان كثير من الردود يقول فيها 6 الا ربع مع السيفون وهذا خطأأأأأ


الصحيح مع السيفون 5 ونصف

اتمنى اذا كنت على خطأ ان يتم تصحيح المعلومة لديّ
واتمنى اللي يملك معلومه عن افضل وقت لقياس عيار زيت المكينه / السياره بارده ام حاره ، واين يكون مؤشر الزيت في المعيار ؟

انا قريت بكتالوج السيارة ان الزيت 5800ملم
يعني 6 الا ربع مع السيفون

[شرقآآآوي]

انا قريت بكتالوج السيارة ان الزيت 5800ملم
يعني 6 الا ربع مع السيفون

6 الا ربع الدينالي على كلام اخونا قمة افرست

5 ونصف اليوكون العادي