(((رابطة ملاك اليوكون))) فقط لاصحاب اليوكن ....Yukon

[salman hot]

دعوة للجميع للانضمام الى رابطة اليوكون فقط وهذه الرابطة تعنى بمستخدمي اليوكون وعلى ملاك التاهو والبليزر والجمس الحوض تاسيس رابطة خاصة بهم
والقصد من تأسيس رابطة اليوكون هو تأسيس رابطة احترافية اساسها المشاركة وتبادل المعلومات اضافة الى القيام من خلال الرابطة المشاركة في الرحلات ومناقشة مايهم الرابطة من خلال منتدى مكشات
اضافة الى تقديم الدعم والمسانده لدعم اعضاء الرابطه فيما يخص الصيانة الميكانيكية وغير الميكانيكية اضافة الى البحث من خلال الانترنت عن افضل الاسعار لقطع الغيار وتسهيل تبادل المعلومات بين الاعضاء فيما يتعلق بهذا الشأن فعلى من يرغب من الاعضاء المشاركة الفعاله من مستخدمي اليوكون تفعيل اشتراكهم من خلال هذا الموضوع ليتسنى لنا ترتيب اوضاع رابطتنا وتفعيلها بشكل حقيقي.

وبالتوفيق للجميع

سجلني يا الحبيب يوكن 1999 وبس راحه وقوه ومتانه مكينه وحراره على المستوى

[salman hot]

اليوكن والا بلاش 1999

[ولد وايل..]

تاهو 2007


ماشي 170 الف اي استفسااار موووجوودين للحلووييين...

[abr515]

جمس قطعة 10
ربما ان الخلل في حساس الدبل
سعر الحساس 320 ريال
شغل يد تقريبا 300 ريال
وكان فيه موضوع متكامل عن حساس الدبل ابحث عنه وستجد مايسرك باذن الله

[جمس قطعه 10]

مرحبآآآآ باامشرفين واعضاء مكشات القديمين والغالين ع قلبي

الصراحه ان لي فتره طويله شوي عن المنتدى لبعض الضروف ولكن الغلا زاد لم يقل

جآي اسجل في مووضوع كنآ محتآجينه نتبادل الاراء والافكار وتقليل اللعب التجاري والحذر

ومآننسآ الموآعظ من تسرع بعض الاخوآن << وكل آنسآن يخطي في حياته ويصيب >> لاتفله

مالكم بالطويله سجلوني معآكم يوكون 2006 فضي // الله يحفظ سياراتنآ لنآ من كل شر

ويطول بااعمارنآ وآعمارها << مآظنتي مع هالصنآعه الجديده


بطب عليكم بكذا استفسار عشان يكون برد وآحد ::

1- عندي الانور الداخليه اللي ع الدريكسون والمسجل وانوار الدبل كيف اقدر اغيرها ومين يقدر يغيره ! << علماً آنها غير شغاله

2- انا سويت توضيب للدبل قبل فتره والى الان والله مدري وش الاسباب بس كآنت تجيه فتره

يفصل عن D وهو ماشي وللافاده دبل اليوكون او الجمس متصل مع بعض لو حصل عطل بالدبل

راح يوقف تحرك الدفع الخلفي وبكذا ماقدرت آفصل الدبل عن الدفع الخلفي . والحمد لله عملت توضيب

وكلفني 3500 مع شغل اليد وقطع الغيار ونصحوني افضل من تركيب دبل من التشليح لعدم الثقه بالمستعمل

قبل واستخدامه للدبل المشكله عندي نصحني راعي الورشه اغير حساس الدبل اللي بالطبلون

وقبل فتره مو طويله حصلت السياره ع الثقيل من دون سابق انذار ورفض يفصل

ياابو الشباب يرحم آمك آبوك وآظطريت آني آحطه على الـ N وتحركت السياره وقدرت آفصله

وبعدها بـ فتره !! حصلته على وضع الفاضي اللي بالدبل اللي هو الـ N من سبقت له هاذي المشكله يفيدينآ الله يرضئ عليكم

3- وآخيراً عندي مثل صوت الرمآنآت ولا هي الرمآنآت ونين بالسياره واذا لفيت يمين ولا يسار وآنآ ماشي الصوت قووي مثل طوووون < لاعاد تمثل مدري آحد جآه الصوت وقدر يتخلص من هالصوت ! ملاحظه صغيره فيه صوت عند تغير القير من الاول الا الثاني صوت مثل وتر عود وقسم بالله ياشباب مدري وش سالفة آمه بعد

آتمنى لكم الفايده جميعاً علماً آن موتري ماشي تقريبا 100 الف كيلو متر وغيرت فيه للفايده للاخوآن

][ زيت قير - زيت دفرنس - فحمآت امامي خلفي - سير مكينه - فلتر هواء - بواجي ][ هذا اللي آذكره عند اي سدلكيو مخرج 15 ولكنهم اسعارهم مبالغ فيها

وياليت لتعم الفايده اكثر ماافضل الورشات المتخصصين بالـ GMC بشكل عآم وآسعارهم معقوله + الخبره << كآآهم شي ,, في الرياض .. ولا يمنع اصحاب المنآطق الاخرئ يذكرون من عندهم

}{ ولكن الكثره تغلب الشجآعه }{ << مالها دخل والله

تقريباُ

اعتذر جداً ع الاطاله
والسلام خير ختآم

حيآكم من جديد راح ابد بكلمه بخآطري تقول ::

ماكل مايتمنى المرء يدركه تجري الرياح بما لاتشتهي السفن

عطيتك علم مشكلة الدبل من هينآ شغلت السياره الصباح من هينآ لقيته فاصل خلقه وعقبه طلعته بالفاضي وطفيته وشغلته لقيته بالثقيل وبرجعه للرير 2 الدفعي الخلفي رفض طقيته بـ n
وآسمع ذيك الطقه اللي آنخرش سواق الجيران منه والحمد لله ع كل حال
المهم محتآج فزعتكم وراءكم بااسرع وقت وبمآ آن فائدة هذا الموضوع الرد على الاستفسارات
والمشاكل اللي تتعلق باليوكون محتاج لخبرتكم الله يعطيكم العافيه
دخلته العيسى الملز قسم الصيانه اتصلو علي اليوم وصدموني بسعر مااتخيله
وراح اتكلم عن العطل قبل السعر وكل من صادفه نفس العطله يفيدني لو بالبسيط
كمبيوتر الدبل يحتاج تغيير ! - حساس الدبل الرئيسي وليس بالطلبون يحتاج تغيير !
بعد الصدمه شوي وآنآ آكلم المهندس قلت يخي ليش كذا << آنهبل قال وش فيك
قلت يخي آستعمالي للسياره عسل ومايسوقهآ الا آنآ ونآدر يسوقهآ غيري
ردي علي بجواب مدري آصح بمصدآقيته قال يخي هاذي قطع استلاهكيه وتحتاج تغيير
وآنا بحياتي ماقد سمعت كمبيوتر الدبل استهلاكي ع العموم قدر الله ماشاء فعل
التكلفه التقريبيه للقطع 3000 ريال ومع ظني من غير شغل اليد

سؤالي بعد الشرح // - هل اتوكل واصلح السياره عندهم !
- اعاني من الثقه في الورشات الخارجيه مع كثرتها وقل المصداقيه
- هل تنصحوني اغير العطل في خارج الوكاله ! وبي ورشه متخصصه
لليوكون والجمس تنصحوني حيث اني بالرياض ؟

وآعتذر عن الاطاله ياليت اجابتكم تكون بااسرع وقت حيث اني لابد اقرر وآعطي خبر الوكاله

وراح آعلمكم بالتفاصيل بااذن الله }{ دعوآتكم ياآخوآن }{ ~

[جمس قطعه 10]

جمس قطعة 10
ربما ان الخلل في حساس الدبل
سعر الحساس 320 ريال
شغل يد تقريبا 300 ريال
وكان فيه موضوع متكامل عن حساس الدبل ابحث عنه وستجد مايسرك باذن الله

abr515 هلا والله يالغالي ~ آتمنى آنك بصحه وعافيه

اشكر لك ردك السريع وشرحت المشكله باالاسفل وتمنيت آنه يكون حساس الدبل السوتش اللي بالطلبون

حيث انه راح يكلف زي ماذكرت ولكن الحمد لله على كل حال

وياليت تكفا تفيدني في الموضوع اللي يتكلم عن حساس الدبل يمكن القا فيه مشكلتي

[ابو فارس 055]

جمس قطعة 10
كمبيوترالدبل ماادري عنه صراحه اول مره اسمع انه يخرب ؟؟ لكن يمكن تكون بربره فقط يعني كلام فاضي لان الوكالات دائما يغيرون كل شي يتعلق بالمشكله..
انا ماايد انك تصلح عند الوكاله الا اذا كنت مريش بالحيل يعني مزنقل وماتدري وين تصرف فلوسك ... انت جرب الحلول الاقل تكلفه بالاول وباذن الله تنحل بدون الوكاله..
كل المشكله هي حساس الدبل انا توني مغيرها ليوكن 2004 لي اربع ايام تقريبا وكان يكتب لي على الكمبيوتر يجب تصليح الدفع اربع عجلات واحيانا يشبك على الثقيل من حاله يوم اجي اشغل السياره احصله على الثقيل والحمدلله لي اربع ايام من غيرت الحساس والامور ماشاء الله تبارك الله ..... اتمنى اني افدتك
كل السالفه طلبت قطعة الحساس من الوكاله بسعر 428 تقريبا وشكلها دائري اسود كبر حجم الريال المعدني مرتين تقريبا تركب في وسط دينمو الدبل وشغل يد الميكانيكي 150 ريال يعني المجموع 578 ريال فقط لا غير .
مع العلم اني سبق اني وديت السياره لوكالة الجميح وقال لي بتكلفك 3600 ريال قسم بالله الحراميه وازيدك من الشعر بيت قال ترى مابظمن لك انها بتصطلح يمكن مادري ايش وماادري ايش قعد يبربر وانا اللي اقلب عاليها واطيها عليهم واسحب سيارتي من عندهم ..
وبالنهايه انت شف كيف تضبط امورك ربي يوفقك حبيت افيدك باللي عندي من باب حب لاخيك ماتحب لنفسك ... اتمنى دعوه بظهر الغيب

[جمس قطعه 10]

جمس قطعة 10
كمبيوترالدبل ماادري عنه صراحه اول مره اسمع انه يخرب ؟؟ لكن يمكن تكون بربره فقط يعني كلام فاضي لان الوكالات دائما يغيرون كل شي يتعلق بالمشكله..
انا ماايد انك تصلح عند الوكاله الا اذا كنت مريش بالحيل يعني مزنقل وماتدري وين تصرف فلوسك ... انت جرب الحلول الاقل تكلفه بالاول وباذن الله تنحل بدون الوكاله..
كل المشكله هي حساس الدبل انا توني مغيرها ليوكن 2004 لي اربع ايام تقريبا وكان يكتب لي على الكمبيوتر يجب تصليح الدفع اربع عجلات واحيانا يشبك على الثقيل من حاله يوم اجي اشغل السياره احصله على الثقيل والحمدلله لي اربع ايام من غيرت الحساس والامور ماشاء الله تبارك الله ..... اتمنى اني افدتك
كل السالفه طلبت قطعة الحساس من الوكاله بسعر 428 تقريبا وشكلها دائري اسود كبر حجم الريال المعدني مرتين تقريبا تركب في وسط دينمو الدبل وشغل يد الميكانيكي 150 ريال يعني المجموع 578 ريال فقط لا غير .
مع العلم اني سبق اني وديت السياره لوكالة الجميح وقال لي بتكلفك 3600 ريال قسم بالله الحراميه وازيدك من الشعر بيت قال ترى مابظمن لك انها بتصطلح يمكن مادري ايش وماادري ايش قعد يبربر وانا اللي اقلب عاليها واطيها عليهم واسحب سيارتي من عندهم ..
وبالنهايه انت شف كيف تضبط امورك ربي يوفقك حبيت افيدك باللي عندي من باب حب لاخيك ماتحب لنفسك ... اتمنى دعوه بظهر الغيب

ابو فارس يالله آن تحييه وتبقيه

مثل ماقلت طول الله عمرك كمبيوتر الدبل آول مره آسمع فيه وآغلب ظنك آنه صحيح انه مجرد كلام وبربره

للاسف الشديد في دوله مسلمه آكل فلوس لااقل ولا آكثر

ابو فارس زي ماقلت قبل المشكله الان عندنا المصداقيه والثقه الوآحد يروح للوكاله عشان

يحصل ثقه اكبر يتفاجا الوكاله بتآكله وتغير قطع مالها اي علاقه ..

وياليت نربط هاالاشياء بتعاليم ديننآ الاسلامي وآخلاقيآت نبينآ محمد صلى الله عليه وسلم

غش - خداع - كذب .. وين راحت صلاتكم آخلاق المسلم وصفاته وين راح كلام حبيبنا محمد

من غشنآ فليس منآ // اصبح همهم المال وحب الدنيآ << ولكن مانقول الا حسبي الله ونعم الوكيل

والله قصة ترييش الظآهر آنه ماتدل طريقي الله يجعلنآ من المريشين كآن يارجال ماجيت آرمي عليكم

همي وآتعبكم وآتعب نفسي معكم الله يرزقنآ بحلاله

آنآ معك آنه حساس الدبل آن شاء الله مايكون من غيره بس اذا قالو لك فحص الكمبيوتر طلع كذا هينآ المصيبه

ولكن عند سؤالي رجل نقول آن شاء الله آنه ثقه قال مشكلتك ماتتعدا حساس الدبل بااذن وآحد آحد

وغيرك كثير اللي غيرو الحسآس مايخفاني هاالاسعار الجشعه لا الجميح ولا العيسى ولا بالبيد كلن فيه حقه الله المستعان

وآشوئ آنك هجيت منهم

آخوي ابو فارس قل آميييين آنه الله لايحرمك الجنه وآن الله يعطيك كل مآتمنيت والمؤمنين والمؤمنات

كفيت وفيت ياابو فارس اثلجت قلبي بـ ردك يامال العافيه والصحه اللي ماتخيلك يارب

شكر من آعماق القلب

[رحال200]

السلام عليكم اسعد الله صباحكم

اخواني ابي منكم المساعده

عندي يوكون 98 استخدام امريكي

وطلع عندي مشكله وهي ان عداد ضغط الزيت ماريتفع علي الخط الاحمر او اعلي بشوي وطلع عندي

صوت في المكينه المهم وديته الورشه وقالوا ان طرمبة الزيت ماتضخ وغيرتها ولكن لم يتغير شي

فقط زاد ارتفاع مؤشر الضغط شئ بسيط والحين يقولون ان الطرمبه اثرت علي التكايات وتحتاج

الي تغيير وايضا احتمال اثرت علي سير التايمن

فارجوا منكم الافائده هل كلامهم صحيح ام فقط استنزاف للفلوس وارجوا من لديه الحل ان يفيدني

وللمعلوميه مع دعست البنزين يزيد الضغط وايضا غيرت زيت مكينه وسيفون

ولكم فائق احترامي وتقديري

[جاويش]

السلام عليكم

ارى ان تغلق هذه الرابطة اللي مال امها داعي

انما بالفلسفة الزائده مع احترامي للاشخاص

وانا تصفحتها من بدايتها الى النهاية وماستفدت اي شي

واقول لمشرفينا يجب تعديل المشاركات ووازالة الغير ضروريي فيها مثل انا عندي تاهو او يوكون

ياخي احنا عارفين انو ماراح احد يدخل على الرابطة الا ويملك هالنوع من السيارات الا الملاقيف

اتمنى الرجوع لموقع الرابطة الاساس لعدم تشتيت المواضيع على الرابط

http://www.mekshat.com/vb/showthread.php?t=171953

اشكركم

[riyadhali]

الاخوان الاعزاء
بعد التحية وفائق التقدير والاحترام
عندي سؤال محيرني وإن شاء الله القى الجواب الشافي عندكم
وش أفضل موديل في اليوكن
من 2006 الى 2008
ووش الافضل بدبل والا بدون دبل
(خاصةً لواحد مايحب البر)
والله يوفقكم جميعاً للخير

[الفيصلffff]

سجل معك يوكن 2005 اسواد كذاب فل فل فل جنوط20

[ff34d]

ضيفوني معاكم الله يحفظكم من كل شر
يوكن جميح 2003 دبل
.................................................. .................................................. ................
تحذير // خسارتي وصلت 1500 ريال
تبون تعرفون في ايش
انا اقلكم
في السيور والله انها اصليه من بالبيد
لكن الغشاش جايبها ناشفه سيئة التخزين وصارت تصدر اصوات عندي وافكر المشكله عندي وحدي اتضح انه عند اغلب الناس
انتبهووووووووووووووووووووووووووووووووو من بالبيد الحراميه
انا مقدم عليه شكوى في وزارة التجاره قسم مكافحة الغش التجاري

[barracuda]

سجلني معاك
يوكون99
سؤال مهم
الدبل تعبني من ورشه الى ورشه
وايش يكون السبب
والنصابين بهدلوني
الي عنده خلفيه لايبخل
تكفى يالنشاما

[ابو عزيززز]

اخواني

تحياتي لكم

ويشرفني الانضمام لرابطتكم الموقره حيث اني املك يوكن 2008 دبل


لدي سؤال

وش افضل انواع الكفرات جنط 20 لليوكن

مع العلم ان كفرات شد بلده هي قوديير


وهل المشلان تنافس في الجوده الانواع الاخرى من الكفرات العريضه المعروفه مثل البريللي والقود يير