(((رابطة ملاك اليوكون))) فقط لاصحاب اليوكن ....Yukon

[الحربي 591]

تم بحمد الله كشف وتحليل مشكله ايرباق الراكب في الجمس و الشفر

انا عندي في التاهو كنت مستغرب من ايرباق الراكب مره يكون شغال ومره يطفي وتجي علامه X


ووقت ما لاحظت اللمبه ...واحد صدمني مع باب الراكب فقلت يمكن من الحساس اللي وسط الباب

وما اعطيتها اهتمام ..

وذاك اليوم جانا اخونا البساتين عسى الله يحفظه وجميع المسلمين ان شاء الله
وكتب رد عن الايرباق وانا تذكرته
وقلت له من حساس الايرباق او الفيش اللي تحت المقعد مفصول

...

واليوم مسكت معي اعرف وش العله

ماهو معقوله في كذا واحد عنده نفس المشكله

واطلع انا و عدتي واشغل السياره ... وان الايرباق مولع هذي اللمبه





المهم وانا اشتغل قلت الفيش و الحساس اللي تحت الراكب ليش حاطينه بالذات تحت المقاعد

واتذكر ان بعض السيارات فيها حساس للراكب ما ادري وش فايدته لكن يحس ان فيه احد جالس على الكرسي

وقلت خلني اجلس لعل لهم علاقه مع الايرباق والله اجلس وثم تلقب اللمبه كذا



وجالس لمده نص ساعه اجلس وانزل اجلس وانزل لين ما توكدت انه منها

وقلت هذا يمكن من باب التوفير اذا صار حادث لا سمح الله للسواق فقط وما معه ركاب يطلع ايرباق السواق فقط اما اذا فيه ركاب تشتغل كامله

وهذا مقطع بسيط يوضح من تصويري شغل بيت

[slamaan]

السلام عليكم مساكم الله بالخير جميع

انا من ملاك اليوكون الدينالي xl 2007, وسيلفرادو 2008 و ابطرح جميع المشاكل اللي مريت بها من السيارتين للفائدة والله من وراء القصد
وسلامتكم

[الحربي 591]

السلام عليكم مساكم الله بالخير جميع

انا من ملاك اليوكون الدينالي xl 2007, وسيلفرادو 2008 و ابطرح جميع المشاكل اللي مريت بها من السيارتين للفائدة والله من وراء القصد
وسلامتكم

وعليكم السلام ورحمة الله وبركاته
مساك الله بالنور والسرور
حياك الله وبياك...

ماقصرت يالغالي

وفي انتظارك انا

[aaamzaid]

السلام عليكم أنا ملاك يوكون 2007

[aaamzaid]

السلام عليكم أنا من ملاك يوكون ظ¢ظ×ظ×ظ§ من سلطنة عُمان

[abdullah1391]

السلام عليكم ورحمة الله وبركاته
احبابي ابغى جنط يوكن 2013 استاندر مقاس 17 ما ادري كم سعره جديد وكم سعره مستعمل والجنط عندي جاته ضربة رصيف ولا عاد يمسك الهواء وفيه كسر مع الطرف

[القنوي34]

السلام عليكم ...
إخواني عندي يوكن 2007 تظهر من وقت لآخر علامة المكينة

[الحربي 591]

السلام عليكم ...
إخواني عندي يوكن 2007 تظهر من وقت لآخر علامة المكينة

احتمال انه حساس الشكمان...
طبعا اذا كان ما تحس بتغيير وقت ما تولع وتطفي..

و الافضل عشان تتاكد افحصها اذا ولعت...
وجيب لي الرقم اللي يطلع لك..

[Abuahmad01]

السلام عليكم اخواني لدي كمبيوترات دبل للتاهو واليوكن2007 transfer case control module مستعمل مو جديد يعني مايحتاج تتعب وتتخسر في البرمجه ركب وشغل وامش مبرمجات جاهزه سعر القطعه 700 ريال مع التركيب قابلة للتفاوض البسيط
رقم الكود للعطل عند الفحص بالكمبيوتر u102
ملاحظة سعر الجديد عند الجميح يتراوح مابين 1400 الى 1650 ريال ويحتاج برمجه اون لاين البرمجه تتراوح مابين 400 الى 600 ريال اما اللي عندي جاهز مايحتاج برمجه
كما يتوفر لدينا فحص كمبيوتر للاخوه اللي عندهم لمبة الماكينه شغاله الموقع في القصيم
0558224222

[a.n]

السلام عليكم ورحمة الله وبركاته.
قدرالله ومشاءفعل
عندي يشباب الصدام الخلفي ليوكن 2015 جاه دقه بالركن الايسر والربل جاه بعد دقه من واحد عند اشاره وش الراي اغير صدام والا اروح لحقين الفيبر و اذا فيه ورشه للفيبر جيده بالرياض ياليت تدلوني لها لان الوكاله عارفين اسعارها ناروالسياره جديده
ارجو المساعده من اهل الخبره.

[abdulkrim1399]

السلام عليكم ورحمة الله وبركاته

مساء الخير جميعاً

عندي يوكن 2010

من يوم اخذت السيارة من فتره وهي فيها مشكلة ولحد الآن ما صلحت ،،

المشكلة ان فجأة كذا يفصل علي عداد الحرارة والمكيف طبعاً وانا ماشي ، افصل اصبع البطارية ترجع الامور طيبه ، وبعدها يأخذ يومين او اكثر وترجع المشكلة ، واحيان يطول شوي ، ما فيه كهربائي الا مريته وكل واحد يعطيك راي ، ولكن للأسف دون جدوى .
غيرت علبة الفيوزات والكتاوت كلها ولا طلعت منها المشكلة ، غيرت حتى البطارية ولا صارت فيها المشكلة ، غيرة حساس الحرارة ونفس مشكلتنا ، .

آمل افادتي او تدلوني على كهربائي ممتاز ولكم كل الود والتقدير ،،،

[الحربي 591]

السلام عليكم ورحمة الله وبركاته

مساء الخير جميعاً

عندي يوكن 2010

من يوم اخذت السيارة من فتره وهي فيها مشكلة ولحد الآن ما صلحت ،،

المشكلة ان فجأة كذا يفصل علي عداد الحرارة والمكيف طبعاً وانا ماشي ، افصل اصبع البطارية ترجع الامور طيبه ، وبعدها يأخذ يومين او اكثر وترجع المشكلة ، واحيان يطول شوي ، ما فيه كهربائي الا مريته وكل واحد يعطيك راي ، ولكن للأسف دون جدوى .
غيرت علبة الفيوزات والكتاوت كلها ولا طلعت منها المشكلة ، غيرت حتى البطارية ولا صارت فيها المشكلة ، غيرة حساس الحرارة ونفس مشكلتنا ، .

آمل افادتي او تدلوني على كهربائي ممتاز ولكم كل الود والتقدير ،،،

وعليكم السلام ورحمة الله وبركاته
مساك الله بالنور والسرور
اعتقد فيه التماس...

مركب شي على السياره...
انوار مسجل شاشه بوري... اي شي?

[abdulkrim1399]

حياك الله اخوي الحربي

ما ركبت شي ولا فيه شي مضاف

الا اذا اللي قبلي مخنبق فيها ؟

[qariah]

السلام عليكم
اخباركم ياشباب
معي يوكن موديل 2009
استخدام امريكي
طلع معي مسج check battery system
وش تتوقعون المشكلة

[الحربي 591]

السلام عليكم
اخباركم ياشباب
معي يوكن موديل 2009
استخدام امريكي
طلع معي مسج check battery system
وش تتوقعون المشكلة

المشكله ماتبعد عن البطاريه او فحمات الدينمو...
اذا البطاريه سليمه..... غير فحمات الدينمو اذا له 5...8سنوات...والظاهر مايبيعونها الامع الدينمو
بدال ما تدفع 10 ريال تدفع 1500...بس وجه الضوء للبطاريه واسلاكها

.
.
.
موفق خير