وين أهل الصوالين يعطوني الجواب الشافي (حلم)

[riyadhali]

السلام عليكم ياحبايب
عندي الله يطول في اعماركم على الطاعة
كامري 2004 فل أوبشن
ومعي 50000 الف ريال (قرض)
لو جمعتها

هل بـــ إمكاني ان احقق الحلم وأطق لي صالون محترم
موديل 2000 وطالع
والا أركد واروق بالي وأمسك قردي
وهل فية معرض يقصد لو اعطيتة السيارة والفلوس كدفعة
وتايوتا لو قلت لهم العرض هل يقبلون ويبيعوني مستعمل

تحياتي لكم

[عاشق القمة]

هل بـــ إمكاني ان احقق الحلم وأطق لي صالون محترم
موديل 2000 وطالع

الله يوفقك وتحقق حلمك يااارب

[فهد بن مشبب العاصمي]

نيسان ولا تويوتا .؟ ؟ ؟

[ابو محمد ....]

الله يرزقك من واسع فضلة ............بس السيارة وسيلة ولا ترقى لتكون حلم
فحادث واحد لها لا سمح الله كفيل بقلب الحلم الى كابوس ولا تنسى انها وسيلة وليست غاية
تحياتي لك

[سعد الليالي]

وعليكم السلام

كيف حالك يالغالي...

رح لمعارض السيارات الامريكية المستعملة مثل( البيان الجديد ، الدوحة ، وغيرها الكثير...) في معارض الشفاء
وتلقالك سوبر بان ولا يوكون موديل 2005 بحدود الخمسين الف (طبعن اذا كان نظيف مرة)
او يوكون 2007 بحدود الـ 80 الف .. يعني بعد ما تبيع الكامري

وترى المستعمل من الجموس .. رخيص .. وانصحك بأفلانش او سيرا او سيلفرادو
الجموس الصحن .. موديل 2007 بتلقاها بحدود الـ 75.000 ريال بس ..
لانها اكشخ بكثير من الصالون ..

ولا تنسى الصلاة الاستخارة والدعاء

والله يرزقك اللي فيه خير لك

[ابوسليمان99]

يارجال خلك مثلي طق لاند كروزر واستانس بس اهم شي ما وراك مسئوليات

او عائلة او شخص من الاهل محتاج وانت تتسلف علشان سياره

عش يومكواستانس وسافر وكوشت انفق مابالجيب ياتيك ما بالغيب

[ابوعبدالله 22]

يالاخو اذا بغيت رأيي ..ودامك تقدر تمسك قردك هالخمسين اللي معك رح لمخطط عريض طريق الحاير واشترلك ارض .. وبعد سنتين تبيعها بسبعين ومنها تقدم على الصندوق العقاري بعد.
احسن من صالون تأخذه بخمسين وبعد سنتين يالله يجيبلك خمسة وعشرين . بالتوفيق

[abu fares]

اخي الحبيب نعم وبإذن الله تستطيع ذلك

قبل سنة وشوي الوالد الله يطول بعمره شاري vxr موديل 2000 ثمانية سلندر فل كامل جلد فتحة ستبنتين المهم فل فل بـ 78000 ريال

الله يوفقك يالغالي

[moooj]

الله يوفقك
بس احرص على الفحص في اكثرمن ورشة هذي فلوس جات بكد وتعب والله يكتب لك الي فيه الخير

[riyadhali]

السلام عليكم جميع
بالنسبة للصالون اللي اقصدة gxr
وأشكركم جميعاً على الردود الجميلة والنصائح الطيبة
وبعدين يااخوان والله الامريكي طيب خاصة الجموس
بس ماادري لية الجي اكس ار مجنني هاليومين
والموديل اللي اللي براسي من 2000 الى الى 2006
مجننتني والله حتى ولدي الصغير يقول يابابا اشتري لنا صالون

[شمالات نجد]

إن شاء الله تطوله بالراحه

لكن أنت ادع ربك يرزقك النظيف

سلام

[H A M A D]

السلام عليكم ورحمة الله وبركاتة
اتمنى ان الله يوفقك وتحصل ضالتك
انا يالغالي عندي باترول صالون موديل 2000 اللون اخضر بذهبي sgl 4500 بخاخ نظيف ولله الحمد ولا عندي مشكله بالبدل اذا لك نظر عطني خبر

تقبل مروري