رابطة ملاك ارمادا

[..: ابو يوسف :..]

السلام عليكم ورحمة الله وبركاتة

ابشركم ياخوان اليوم رحت للغرابي وشريت الكشافات

نفس حقت ىالوكالة كورية ب 250 ريال

والله يعطيكم العافيه

[ارمااداا LE]

بيض الله وجهك
اخونا ارمادا LE
اي الموديلات اكثر رغبة,

الله يحييك اخوي سحابه .. تسلم ومن يقرا

والله مهنا فرق .. كاستعمال .. المهم يكون نظيف ومرتب

ومثل ما قت لك الفل يجي جلد وجنوط عشرين ... الخ

بالنسبه لي وكذلك اشوف الناس تحرص بالسؤال عليه هو القارمن او النفقيشن
والباقي سهل .. الله يسهل امرنا وامرك

بالتوفيق ..

[ارمااداا LE]

السلام عليكم ورحمة الله وبركاتة

ابشركم ياخوان اليوم رحت للغرابي وشريت الكشافات

نفس حقت ىالوكالة كورية ب 250 ريال

والله يعطيكم العافيه

وعليكم السلام ورحمة الله وبركاته

حيااك الله اخوي ابو يوسف .. مبرووك وزين ما سويت
انا مركب مثلهن على الددسن من اربع سنوات وكل يوم يشتغلن وللحين ما شاء الله ما شفت منهن قصور ..

الله يعطيك العافيه ومشكور على المعلومه لا هنت ..

[ابوعلي ارمادا]

السلام عليكم
سؤالي على مفتاح الارمادا عندما اقص له نسخه ثانية يحتاج برمجه وأن كان هناك أحد عنده علم عن برمجة المفاتيح يفيدنا
وشرايكم معي ارمادا فل كامل 2005م يحتاج تخشيب ولا ماله داعي ووين افضل مكان تخشيب

ودمتم سالمين،،،،،،،،،

[سحابه]

ارمادا le
الله يحفظ لك حلالك

[turkiq]

وعليكم السلام ورحمة الله وبركاته
حيااك الله اخوي تركي
وبخصوص سؤالك ما جربت وما ظنيت اجرب مراقي صعبه بس بالهداوه ما فيه الا الخير بإذن الله
اسمع انهم يفصلون افياش او فيوزات لكن ما شفت .. هالحين بالديره ونقول يا دهينه لا تنكبين وشلون البر
رحت الثمامه يوم المطر الثلاثاء وشفت انواع السيارات ومن ضمنها ارمادا ولا اعتقد ان الموضوع دارج
وشفت ناس مكسرين سياراتهم تقول جايتهم بلاش سبحان الله وسيارات جديده وغاليه وعافلينها !
وفيه ناس معهم خرده ومرهم هذولي يحق لهم مهما طار الموتر ما يتعدى 30 الف
لكن الجدد مثل الهمرات والافالنش وغيرها بصراحه جور وفسقه اللهم عافنا!
والله انا عندي ددسن دبل ولكن ما يوم طعست ولا كلفت عليه مره ما غير اتفرج
اذا براسك هوا طق لك موتر مستعمل ددسن ولا هايلوكس وطيح اللي براسك وما تخسر فيه

الله يوفقنا واياك ومن يقراا


..

الله يجزاك خير اخوي ..
ماني حق تكسير وجنان .. ولو بسويها عندي جيب نيسان قديم وحتى هالجيب ما يهون علي اخربه .. بس الدعوة في خطة لطلعة بر احتاج فيها التايتن لتحميل اغراض المخيم
وخفت من بعض المقاطع اللي تبين فتح الايرباق لبعض السيارات وهي في البر.

الله يعطيك العافية

[turkiq]

السلام عليكم ورحمة الله وبركاتة

ابشركم ياخوان اليوم رحت للغرابي وشريت الكشافات

نفس حقت ىالوكالة كورية ب 250 ريال

والله يعطيكم العافيه

هل احصلها في محلات الزينة ؟؟
وش اسم الشركة علشان نشتريها هي تحديدا مدامكم مجربينها؟
الحبة 250 ولا الثنتين؟

[الأسطول]

جزاك الله خير أخوي ارمااداا LE وبيض الله وجهك أنت وأخوي ارمادجي11 ماقصرتوا الله يجزاكم الجنة
وباقي الأعضاء ومن يقرأ

[الأسطول]

معلومة:
قبل أمس حصلت فلتر زيت من فرع الحمراني قطع غيار بصناعية العروبة
ولقيت فيه نوعين:

صناعة ياباني ومكتوب على الكرتون من برا وعلى الفلتر من داخل Made in Japan بسعر 30 ريال
و
صناعة صيني ومكتوب على الكرتون من برا وعلى الفلتر من داخل Made in China بسعر 25 ريال

وتوكلت على الله وشريت الصيني ب25 ريال

[ارمااداا LE]

هل احصلها في محلات الزينة ؟؟
وش اسم الشركة علشان نشتريها هي تحديدا مدامكم مجربينها؟
الحبة 250 ولا الثنتين؟

حياك الله اخوي تركي ..

بالنسبه لي ماخذهن من محل السلام بالغرابي هقوتي ثالث عماره عقب السماعيل ماني متأكد بس اللوحه واضحه
والسعر اثنين شامل التركيب 220 للددسن .. ولا اعتقد تفرق لو بتركبها على تيتان
والصناعه اللي عندي تايوان ..

الله يوفقنا واياك ومن يقراا

[ارمااداا LE]

جزاك الله خير أخوي ارمااداا LE وبيض الله وجهك أنت وأخوي ارمادجي11 ماقصرتوا الله يجزاكم الجنة
وباقي الأعضاء ومن يقرأ

الله يثيبك اخوي الاسطول .. لا هنت
حيااك الله

معلومة:
قبل أمس حصلت فلتر زيت من فرع الحمراني قطع غيار بصناعية العروبة
ولقيت فيه نوعين:

صناعة ياباني ومكتوب على الكرتون من برا وعلى الفلتر من داخل Made in Japan بسعر 30 ريال
و
صناعة صيني ومكتوب على الكرتون من برا وعلى الفلتر من داخل Made in China بسعر 25 ريال

وتوكلت على الله وشريت الصيني ب25 ريال

والله معلومه جديده .. سلمت
واول مره اسمع ان فيه صيني بالوكاله ..
لكن من رايي ولا افرضه .. فرق خمسه بسيط والياباني افضل


الله يوفقنا واياك ومن يقراا

[ahz00]

وعليكم السلام ورحمة الله وبركاته
حياك الله اخوي ارماد

مقعد الراكب فيه مستشعرات للوزن والطول .. وهذا من متطلبات السلامه على المصانع
والكرسي مخصص للبالغين .. وكذلك لحماية الاطفال وتفادي ركوبهم في المقدمه
ويبدو ان الراكب اللي تتكلم عنه طفل تحت عشرة سنوات لذلك لا يصل للحد المطلوب
وبما ان اللمبه تطفي حين نزوله فهذا يدل على ان النظام شغال .. لكن ينذرك بعدم قبول هذا الجسم في المقدمه
حاول انت تركب وراح تشوف اللمبه تطفي .. ولا اشوف لمبة الحزام مربوطه فيه

لمبة الحزام مربوطه بكرسي السائق .. يعني لو تم ربط حزام السائق تطفي اللمبه حتى لو باقي الاحزمه لم تربط

بخصوص برمجة الريمونت مع الكراج لابد تراجع نفس الشركه هل ممكن ربطه ام لا ..
وعموما الابواب الرول لا يوجد بها هالخاصيه .. ولكنها توجد للابواب ذوات الاذرع او السحاب

قد يكون الموديلات الجديده تضمنت هالخاصيه .. والبرمجه سهله لو الجهاز يشمل هالوضع

راجع هالموضوع يمكن يفيدك اكثر ::

http://www.mekshat.com/vb/showthread.php?t=129562

تعقيباً على ردك اخي الكريم بالنسبة للمبة ايرباق المقعد الامامي
تشتغل عندما يكون وزن طفل وبيكون موجود عندك في كتالوج السيارة اوضح
انا صارت معي ركب معاي واحد عمره اقل من 30 سنة لكن صغير الحجم يعني تقدر تقول بمقاس طفل واشتغلت اللمبة يوم ركب معي وقلت له ان اللمبة تشغل للاطفال بصراحة كان زعلان بعكسي كنت مبسووط

[turkiq]

تعقيباً على ردك اخي الكريم بالنسبة للمبة ايرباق المقعد الامامي
تشتغل عندما يكون وزن طفل وبيكون موجود عندك في كتالوج السيارة اوضح
انا صارت معي ركب معاي واحد عمره اقل من 30 سنة لكن صغير الحجم يعني تقدر تقول بمقاس طفل واشتغلت اللمبة يوم ركب معي وقلت له ان اللمبة تشغل للاطفال بصراحة كان زعلان بعكسي كنت مبسووط

هههههه .. والله قاعد اتخيل الموقف واضحك
بس مالك حق .. لازم تراعي مشاعر الاخرين

[ahz00]

بخصوص مشكلتي مع القزوز حصل التالي:
رحت لورشة في صناعية العاصمة (الدائري الغربي -شراع المدينة)
ورشة الشباب سابقاً (مركز علي) عند ابوحسن
بصراحة أغلي الورش اللي رحت لهم ارسلوني له
وخليت السيارة عنده من بعد العشاء حتى صباح اليوم اللي يليه
والنتيحة كانت للاسف يقول فيه تنسيم في (القزوز) يعني اذا تبغى الصوت يروح
لازم تغير قزوز ويقول عادي لو خليته ان شاء الله ما يأثر طبعاً قلت له ايش السبب
قال ممكن يكون
وصل مويا للقزوز لان هذي النوعية حقت الارمادا تتأثر من المويا والقزوز ساخنة
قلت الظاهر من الامطار اللي جت في السنة الماضية واللي قبل لاني مشيت في كباري ملينة مويا
وفي حال اني باحاول اغير احتمال اغير عند الثنيان اللي في مخرج18 عشان يقول بيجيب
قزوز شبيه لقزوز الوكالة وبسعر ارخص
هذا كل اللي عند للحظة وشكراً للجميع

[armada2007]

السلام عليكم ورحمة الله وبركاته ...
اسعد الله مسائكم جميعا يااخوان عندي صوت طلع امام المحرك وولعت لمبة البطاريه وبدت تفضا البطاريه وديته للصيانه قالو لازم دنمو جديد
وسعره 1740 علما موديل الموتر 2007 فقلت للصيانه حاولو تغيرو القطع الداخليه قال ماينفع في الارمادا لازم
تركب جديد .
فحبيت من الاخوان الي مرت عليهم هالمشكله يفيدوني يمكن الفني يبي يريح عمره ويركب جديد وماعليه من احد واذا كلامه
صحيح وش رايكم بالتشليح ينفع ولا نكع الدراهم وربك يعوضنا وجزاكم الله خير ....