المشاركة الأصلية كتبت بواسطة ارمااداا LE
السلام عليكم ..
حياا الله الحضور كله
سبق وان شريت كعكات او لفت كت 1 انش من مدة تقريبا ستة شهور او اكثر عن طريق اخونا ابوفهد
بمبلغ 650 او 700 نسيت بالضبط ولا فضيت اركبهن الا هاليومين ..
وتم التركيب ولله الحمد عند ورشة الثنيان بمبلغ 160 ريال
وهذا شكل الكعكات :
طبعا اقرب شي للارض في الموتر هي الدعاسات الجانبيه وانتم بكرامه
وهذي صور للايضاح :
هذا الجزء تحت الباب الامامي وتشوفون الجركل ما يدخل
وهذا الجزء تحت الباب الخلفي والجركل داخل وفيه مسافه حول 1 سنتيمتر
الآن لاحظوا الفرق
صار الفرق 5 سنتيمتر حتى الحطب اللي ورا الموتر بين اكثر من الصوره الاولى
وهذا من الخلف كان الفرق 1 سم الان صار الفرق اكثر من 2 سنتيمتر
وهنا منظر عام .. ممكن تقارنون الصوره بمواتركم
الارتفاع ليس بالكثير ولاهو باين وملفت للنظر
الاستفاده من هالعمليه وهي المطلب الاساسي اوجزها حسب استعمالي ومنظوري الشخصي
ولاهي فرض على احد ..
انما هي مشاركه وتبادل معلومات وتجارب .. غير ضاره باذن الله ونا حريص على هالشي جدا
1- سبحان الله اختفى المهابد عند المطبات الصناعيه ..
وكنت افكر بمساعدات اقوى الآن ألغيت الفكره تماما ..
2- المطبات العاديه بسبب رداءة الطرق عندنا والمفاجئه خفت بشكل ملفت
3- البريك صار اكثر توازن واقل حده ! من اول الموتر يجي على وجهه الآن ثابت
4- الدركسون صار اخف شوي اثناء السير ببطيء .. اما أثناء السرعه مع ملف
مثل وانت طالع مع مخرج ما تحس الموتر يميل او ينصل (ما عرفت اترجمها
)
تحسه ياخذ الملف بمرونه اكثر وثبات اكثر
5- الارتفاع سحب الموتر من الخلف ايضا .. يعني مثل ما تشوفون من خلال الوطايات
ارتفعت من الجزء الامامي 5 سم والخلفي 3 سم تقريبا
ونا مركب بالونات يعني ممكن اعوض النزول بنفخة هوا وانتهينا ..
الآن المسافه عن الارض من الجزء الامامي للوطايات 32 سم والجزء الخلفي 30 سم
المسافه عن الارض من اللحيه تحت الصدام الامامي 35 سم
6- بامكانك تدخل البر باطمئنان اكثر وما تخاف يضرب وجه الموتر (وهذا لم يتم تجربته)
7- الموتر احسه اصلب من اول وكأنك راكب جيب مرتفع وثابت
هذا ما عندي .. اتمنى اني وفقت بتوصيل المعلومه والفائده للجميع
والنقد مسمووووووووووووح لا احد يجامل .. تراه بدون رسوم
الله يحييكم ويوفقنا واياكم ومن يقراا