رابطة ملاك ارمادا

[مغلي]

أبشركم شريت أمس أرمادا فل كامل أبيض دعواتكم لي وبماذا تنصحوني

ماشاء الله تبارك الله

على البركه الموتر الجديد الله يعطيك خيره ويكفيك شــــره

.
.
.

لو تفرد لسيارتك موضوع جديد خاص فيك ... وتطلب نصائح الاخوان ... وتسأل على كيفك ... افضل من انك تضع تسائلك في موضوع ممكن ماله علاقه في طلبك ... فصعب ان تجد رد عاجل لتسائلك

[HMD400]

مشكور أخوي مغلي

[براوي جديد]

السلام عليكم

هلااا بك ارمادا ومن يقراا
وما قصرت على الافاده والتجاوب لا هنت ..

اليوم رحت محل تبع م رفيق الدرب بالرياض تو فاتح عندنا
وركبت السله بالاضافة الى هوك وما شاء الله شغل مرتب وممتاز
وان شاء الله بنجربها بالسفر هاليومين ..

والسعر 1050 ريال المنيوم ..

طبعا السياره ما فيها هوك
اخذت مع السله جسر وهوك 450 ريال ..

والاجمالي مع التركيب 1500 ..

حياكم الله

اخوي ارمااداا LE

وعليكم السلام ورحمة الله وبركاته

لو سمحت توصفلي المحل اللي ركبت فيه الهوك والسلة او تزودني بجوال المحل علماً باني من سكان الرياض

تقبل مروري

[ارمااداا LE]

السلااام عليكم وحيا الله كلن باسمه والحضور كله

ارحب بالاعضااء الجدد هلااا بكم .. ومبروك عليكم المواتر والله يعطيكم خيرها ويكافيكم شرها ..

حياااك الله اخوي براااوي ومن يقراا

العنوان امتداد طريق العليا شمال تتعدى الدائري تجيك بلدية الشمال عماره ركن على اليمين وعلى يسارك ظهر ملعب الشباب
ادخل من عند عمارة البلديه باتجاه الشرق تقريبا كيلو قبل فتحة الرصيف اليو تيرن تلقاه على اليمين محل فتحه وحده والصوره
موجوده فوق عليها الاسم وكذلك سعر التكلفه .. بخصوص الهوك يوجد انواع من 70 الى 180 عنده كاتالوج اختار انت
انا اخذت اللي مبين بالصور بـ 150 .. بالتوفيق بإذن الله

[براوي جديد]

بخصوص الهوك يوجد انواع من 70 الى 180 عنده كاتالوج اختار انت

انا اخذت اللي مبين بالصور بـ 150 .. بالتوفيق بإذن الله

اخي ارمااداا LE

شكراً على تجاوبك السريع والوافي

فقط اسئل كيف الهوك معاك في السفر وهل هو تثبيت في الشاصي والا تلحيم

[ارمااداا LE]

حيااك الله اخوي برااوي .. ما فيه تلحيم ابد .. كلها براغي وتقدر تفك الهوك والجسر اي وقت وبنفسك .. شغله بسيطه

[ابو فيصل1972]

قام اخوي بختبار للنظام في السياره عن طريق الضغط عدة مرات على زر النور الي في باب السواق وبعدها اذا وقفت السياره اكثر من يوم وشغلتها جميع المؤشرات الي في السياره(السرعه والبطاريه وضغط المكينه والحراره كلها تنزل مره بطريقه غريبه لجهة اليسار...... الي عنده فكره عن المشكله هذي ياليت يقولي لاني خايف تكون مشكله كبيره

[دائم الوفاء]

فزعتكم يا شباب حفظكم الله كيف اصلح عداد السرعة لسيارتي الارمادا 2005 وديتها لكهربائي وقال ماهومن السلك اللي في القير وهي السيارة وارد امريكي بالميل
شاكر للتعاون وبلغنا الله واياكم رمضان

[HMD400]

السلام عليكم

استفسار يا شباب توني استلمت سيارتي أرمادا le قبل يومين وسافرت بها للديرة وقربت أوصل لـ

1000 كيلو هل أغير الزيت في الديرة لأن ما عندي فرع صيانة الوكيل أو عادي استمر على الزيت اللي

فيها إلين أسافر بعد أسبوعين وأغيره عند الوكيل ؟

وهل سيفون الأرمادا متوفر في مراكز خدمة السيارات العادية ( البناشر ) ؟

أرجو الإجابة سريعا وشكرا*

[غسان]

ياشباب فزعتكم انكسر حساس هوا الكفر وطلبت واحد من امريكا وغيرته هل هناك طريقة لبرمجته بدون مايسلخني الوكيل في المدينه المنورة وشكرا مقدما

[amd1411]

السلام عليكم ورحمة الله وبركاته
بصراحه انا ما عندي ارمادا بس اخوي عنده ارمادا وهو شبه دائما معي
السياره موديل 2005 se السيارة اكثر من رائعه وانا من المتعصبين للسياره هذي بلا يوكون بلا تاهو بلا سيكويا السياره الاولى بفئتها
انا جربت سيارات كثير لاكن براحه وقوة الارمادا ما شفت
وامل انكم تقبلوني عضو بهالرابطه المباركه مع اني مسجل مع رابطة الاكسبدشن
واتمنى انكم تفيدون وتستفيدون
دمتم بود

[الرهوه]

يااخوان انا معي ارمادا 2006 ماشى تقريبا 109 الف وماغيرت زيت القبر ابدا ولا غيرت فلتر القير
ارجوا من اللى عنده معلومات انه يفيدني

[الهوى الصافي]

سؤالي عندي ارمادا 2006 ما فيه شاشة درجة الحراره ،،وش افضل طريقه للتركيب

هذا السؤال حاطه من شهرين ما احد جاوب عليه ارجو الجواب الارمادا نص فل وودي احط شي يبين درجة الحراره ما هي الطريقه كيف ؟؟؟؟

[HMD400]

الهوى الصافي مهوب أنت اللي يعاني من بطء الرد أو عدمه

والحقيقة تقال أعضاء دكة ملاك الأرمادا قليلون بالمقارنة مع رابطة الاكسبيديشن أو اليوكون لذلك تبقى تساؤلاتنا دون رد لفترة طويلة

[ارمااداا LE]

قام اخوي بختبار للنظام في السياره عن طريق الضغط عدة مرات على زر النور الي في باب السواق وبعدها اذا وقفت السياره اكثر من يوم وشغلتها جميع المؤشرات الي في السياره(السرعه والبطاريه وضغط المكينه والحراره كلها تنزل مره بطريقه غريبه لجهة اليسار...... الي عنده فكره عن المشكله هذي ياليت يقولي لاني خايف تكون مشكله كبيره

هلااا اخوي فيصل .. انا قليل خبره .. لكن ما اعتقد تكون مشكله كبيره وسع صدرك

المسأله انك حركت شي ما تعرفه واتوقع لو تشيل اصبع البطاريه لمدة 10 دقايق وترجعه يرجع كل شي زي ما كان ..

اعذرنا عن قلة الخبره